Luɔi 20:28 - JAM DE NHIALIC 2011

²⁸ Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 20:28 ပူးပေါင်းရင်းမြစ်များ

Diɛt 74:2

Tak akutnɔmduön wään bä keek lɔ̈c rɔt ɣɔn thɛɛr, kɔckuön awään bä keek bɛ̈ɛ̈i bei ë yaaŋic bïk aa wundu. Tak Yïnɔm në kuur de Dhiɔn wään cï Yïn kɔn ceŋ thïn.

Kɛ̈ŋ 10:21

Kuɔɔny de kɔc juëc ee bɛ̈n në liëp ke kɔc piɛth piɔ̈ɔ̈th, ku thou kɔc piɔl piɔ̈ɔ̈th në ciën ciët.

Yith 40:11

Ee lunyde tiit, cï raan ee thök tiit, abï amɛ̈lke määt yiic, 2 ku boom keek në ye kök ku abï märken wat apiɛth.

Yith 63:11

Ku ëtɛ̈ɛ̈n acïk kenïïm bɛ̈n tak në kathɛɛr, në akööl ɣɔn ke Mothe, awun de Bɛ̈nydït, gokï aa thiëëc an, “Tɔ̈u Bɛ̈nydït ë nou ënɔɔnë, raan ɣɔn kony bäny ke kɔc ke në wɛ̈ɛ̈r yic? Tɔ̈u Bɛ̈nydït ë nou, raan ɣɔn cï wëidït ɣerke gäm Mothe?

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 13:20

Daaiyë Jeruthalem! Kɔc ke aterdu abïkï të lɔ rut! Tɔ̈u kɔc ënou kɔc wään muk keek, kɔckuön wään ee yïn rɔt lɛɛc?

Jeremia 3:15

Wek bä gäm bäny bï ya riëëu, ku abïk we mac në pɛlënɔm ku yöŋ de käŋiic.

Jeremia 31:10

Aye Bɛ̈nydït lueel an, “Juöör piɛŋkï kë luɛɛl, ku yak wëlkï luɛɛl ë bɛ̈i mec nu ë wɛ̈th tɔ̈u lɔɔk. Yɛn cï kɔckiën ke Yithriɛl thiɔ̈i ku abä ke määt yiic, ku abä ke tiit cït man ye tïn ë thök lunyde tiit.

Edhekiɛl 34:3

Wek ee dek në ca, ku ciɛŋkï lupɔɔ cï cuëëc në nhïm, ku näkkï ku cuetkï thɔ̈ɔ̈k piɛth ë thök yiic. Ku wek cïï thök ee kɔn tiit.

Edhekiɛl 34:31

Aye Bɛ̈nydït Awärjäŋ lueel an. “Wek, amɛ̈lkï, luny ya cääm, wek ee kɔckï, ku yɛn ee Nhialicden.

Maika 5:4

Ku të le yen bɛ̈n, yen ee bɛ̈nyë, abï ya tïn ë kɔcke në riɛl ë Bɛ̈nydït. Ku në dhuëëŋ de Bɛ̈nydït Nhialicde. Ku kɔcke abïk jɔ rëër ë dïu, në baŋ bï dïtde ŋic aɣët cï piny thar,

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Dhek 11:4

Kë cï Bɛ̈nydït Nhialicdï lɛ̈k ɛn kï an, “Tɔ rɔt ee tïn ë luny ë thök bïï tɛm röt.

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Math 2:6

‘Ku yïn Betheleɣem, yïn koor ë bäny ke Juda yiic, Bɛ̈nydït abï bɛ̈n bei në yï yic, Bɛ̈ny bï kɔckiën ë Yithriɛl aa tiit.”’

Mak 13:9

“Ku week, yak röt tiit: we bï aa lɛɛr ë lööŋ nïïm, ku leerë week ë ɣööt ke Nhialic yiic, ku we bï aa dui, ku we bï bɛ̈ɛ̈i ë bäny ceŋ piny nïïm ayï meliik nïïm në biäkdï, abäk aa cäätɔɔkï ë kenïïm.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Luɔi 13:2

Na wën, të looi kek ka ke bɛ̈nydït, ku reeckï cäm, ke ke yöökë Wëidït ɣer an, “Pɔ̈ckï yɛn Baranaba kekë Thaulo në këde luɔi cän ke caal thïn.”

Luɔi 14:23

Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

Luɔi 20:17

Go kɔc tooc ë Mileto lek Epetho, lek röördït ke ɣön ë Nhialic cɔɔl.

Luɔi 20:29

Aŋiɛc nɔn bï aŋuööth rac lɔ̈ɔ̈k bɛ̈n ë weyiic, të cän jäl, aŋuööth cïï luny bï pɔ̈l.

Romai 16:16

Thiëckï röt wapäc në ciëm ɣeric. Wek thiëëc ɣööt ke Nhialic ke Kërtho kedhie.

1 Kor 1:2

Awerek en gɛ̈ɛ̈rku ɣön ë Nhialic nu Korinthoi, kɔc wën cï tɔ ɣerpiɔ̈ɔ̈th ë Yecu Kërtho yic, kɔc wën cï cɔɔl bïk aa kɔc piɛthpiɔ̈ɔ̈th, kekë kɔc kedhie kɔc nu ë wuöt yiic ëbɛ̈n, kɔc ee rin ke Yecu Kërtho Bɛ̈nydïïtda cɔɔl, ee Bɛ̈nyden keek ku ye Bɛ̈nyda wook.

1 Kor 10:32

Yak tɔ̈u ke we cïï kɔc ee tɔ wäc käŋ, ayï Judai, ayï Girikii, ayï ɣööt ke Nhialic:

1 Kor 11:22

Ee käŋö? Cïn ɣöötkuön nu, ɣööt bä wek aa cam thïn, ku dɛ̈kkï? Ku yak ɣön ë Nhialic biɔɔn, ku yak kɔc cïn kaken yɔ̈ɔ̈r? Bä week lɛ̈k ŋö? Bä week lɛc nïïm në baŋ de kënë? We cä lec nïïm.

1 Kor 15:9

Luɔi ee yɛn koor ee tuuc kedhie, ku yɛn cïï röŋ në luɔi bï a tɔ ye tuc, luɔi aa yɛn ɣön ë Nhialic yɔŋ.

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

Galatai 1:13

Wek ë täudï piŋ täudiën aa yɛn tɔ̈u ɣɔn ë Judai yic, läm ee kek Nhialic lam, luɔi aa yɛn ɣön ë Nhialic yɔŋ ë yöŋ rac ëtaiwei, ku riääk:

Epethiei 1:14

Yen aye biäk cï kɔn gäm wook tueŋ, biäk de kë buk lɔ̈ɔ̈k lak, aɣet wëër bï kë cï ɣɔɔc wɛ̈ɛ̈r bei ëtaitai, ke dhuëëŋde bï leec.

Epethiei 1:7

Raan cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ, në dït de dhuëëŋ de yenpiɔ̈u,

Epethiei 4:11

Go kɔ̈k gaam aye tuuc, ku gɛm kɔ̈k aye tït, ku bï kɔ̈k aa kɔc ë wëlpiɛth guiir, ku bï kɔ̈k aa kɔc ee kɔc tïït ku kɔc ee wëët.

Pilipoi 1:1

Yɛn Paulo wokë Timotheo, lïïm ke Yecu Kërtho, awerek en gɛ̈ɛ̈rku kɔc ɣerpiɔ̈ɔ̈th ë Kërtho Yecuyic kedhie kɔc nu Pilipoi, kekë kɔc ë kɔc tiit ayï kɔc ee kake ɣön ë Nhialic looi:

Kolothai 1:14

Wëndɛn cï wo wɛ̈ɛ̈r bei në riɛmde, ago wo tɔ pɛ̈lë karɛckuɔ.

Kolothai 4:17

Ku yɔ̈ɔ̈kkï Arkipo an, “Ye luɔi tiit apiɛth luɔi cï yök tëde Bɛ̈nydït, abä thöl apiɛth.”

1 Tim 3:1

Ee jam yic ee kënë an, të kɔɔrë raan luɔi de raan ee kɔc gäm tiit, ka ye luɔi piɛth en kɔɔr.

1 Tim 3:2

Raan ee kɔc gäm tiit abï dhil aa raan cïï duëërë gɔ̈k, abï aa mony de tiiŋ tök, raan ŋic rɔt muk, raan piɛth nɔm, raan ŋic rëër, ku ŋic kamaan, raan ŋic kɔc wɛ̈ɛ̈t

1 Tim 3:5

ku raan kuc dhiënde cieŋ apiɛth, bï ɣön ë Nhialic ŋiëc tiit adï?

1 Tim 4:14

Du yïnɔm tɛɛk piny në miɔ̈c cath ke yïn, miɔ̈c wään cï gäm yïn në guiëërë wël ku thäny cï röördït yï thany ë kecin.

1 Tim 4:16

Ye rɔt tiit apiɛth, ku ye wëët tiit aya. Ye cök ë tɔ̈u yïn ee kakë yiic: tën ee yïn e looi wuya, ke yïn bï rɔt kony ku kony kɔc ee kaku piŋ ayadäŋ.

1 Tim 5:17

Röördït nu ë kɔc nïïm röör ee kɔc tiit apiɛth, tɔ ke de naamden, bï ke riëëu ë riëëu dït, ku kɔc ee luui aläl ë jam ku wëët, kek abï dɛ riëëu dït aläl.

Tito 1:7

Raan ee kɔc cï gam tiit abï dhil aa raan cïn kë bï e gɔ̈k, luɔi ee yen raan ee dhiën ë Nhialic tiit, acie raan ee këde yenpiɔ̈u kɔɔr, ku cie raan ee dap gɔ̈th, ku cïï mɔ̈u ee nhiaar, ku cie raan ee kɔc dap dui, ku cïï wëu ke ayäär ee nhiaar.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

1 Pet 2:25

Wään wek ë cït thök ee tai, ku ënɔɔnë we cï wenïïm pɔ̈k Tïndun Raan ee wëikun tiit.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,