Luɔi 20:27 - JAM DE NHIALIC 2011

²⁷ Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

Luɔi 20:27 ပူးပေါင်းရင်းမြစ်များ

Diɛt 32:11

Yak piɔ̈ɔ̈th miɛt ku dalkï në Bɛ̈nydïtic, wek kɔc piɛthpiɔ̈ɔ̈th, në biäk de kë cïï ë Bɛ̈nydït looi. Wek kɔc ee yen riëëu, miɛtkï piɔ̈ɔ̈th wedhie!

Diɛt 40:10

Yɛn kën kuɔɔnyduön de luäk thiaan në yapiɔ̈u, Yɛn kën nhiëërduön agɔk kekë piɔ̈nduön adöt moony. Në akutnɔm dïït de kɔc juëc yiic.

Jeremia 23:22

Ku na ë ke cï kɔ̈ɔ̈c në löŋdï yic, adï cïk jamdï lɛ̈k kɔckï, ku adï cïk luɔidɛn rac yek looi pɔ̈l, ku pɛ̈lkï karɛc yek looi.

Jeremia 26:2

Go ë Bɛ̈nydït lɛ̈k ɛn an, “Lɔ kääcë ë Luaŋdïtic cil ku luel ka cä lɛ̈k yïn ëbɛ̈n, ka bä lɛ̈k kɔc ke Juda cï bɛ̈n ë wuötiic bïk bɛ̈n lam ëtɛ̈ɛ̈n. Cïn kë nyääŋë piny.

Jeremia 34:6

Ago tiët Jeremia ee jamë jɔ lɛ̈k melik Dhedekia në Jeruthalem,

Jeremia 42:21

Ku ënɔɔnë we cä lɛ̈k, ku wek kën këriëëc cï Bɛ̈nydït Nhialicda ya tuööc bä lɛ̈k week riëëu.

Edhekiɛl 40:4

Go lɛ̈k ɛn an, “Daaiyë në yïnyin, mɛnh ë raan. Piëŋë apiɛth, ku kët yïyic ke yï cï rɔt päl piny ku woi këriëëc bä nyuöth yïn ëbɛ̈n, në biäk ë bïï yïn ee tënë në biäk de ee kënë. Yïn bï baai de Yithriɛl lɔ lɛ̈k këriëëc cï tïŋ ëbɛ̈n.”

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luk 7:30

Ku Parithai kekë bäny ee kɔc wɛ̈ɛ̈t ë löŋ, ke ke jɔ jam nu ë Nhialic piɔ̈u në këden rɛɛc, wën kënë ke baptith ë baptinh ë Jɔn.

Jɔn 15:15

We cä bï bɛ tɔ ye lïïm, lïm akuc kë looi bɛ̈nyde: ku we cä tɔ ye määthkï, luɔi cän we tɔ ŋic këriëëc ëbɛ̈n ka cä piŋ tëde Wäär.

Luɔi 13:36

Ku Debid, të cï en remden kony në këde piɔ̈n ë Nhialic, ke jɔ thou, go jɔ tɔ̈ɔ̈u kekë kuarken ëtök, go dhiap.

Luɔi 2:23

yen acäk nööm, të cï e yiɛ̈n week në këde löŋ cïï Nhialic lueel ë yepiɔ̈u, ku në ŋïny cï en e kɔn ŋic, aguɔkï piäät ë tim cï rïïu nɔm kɔ̈u në ciin rac, ku näkkï abï thou.

Luɔi 20:20

Ku aŋiɛckï aya nɔn cïn en jam cä pɛ̈n week, jam duëër we muk, yɛn aaye week guiëër wël ku wɛ̈ɛ̈t week ë kɔc nïïm ayï ɣööt yiic.

Luɔi 20:35

We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

1 Kor 11:23

Ku yɛn ë löŋ yök tëde Bɛ̈nydït, löŋ cä gäm week aya an: Bɛ̈nydït Yecu, wɛ̈ɛ̈rwakɔ̈u bï e nyiɛɛn thïnë, ke nöm kuïn cï pam,

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

Galatai 4:16

Cä rɔt tɔ ye raan de ater ke week, nɔn cän week lɛ̈k yic?

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

1 Theth 2:4

Ku acït man cï Nhialic wo tɔ piɛth an, bï wëlpiɛth tääu ë wocin, yen aye wok jam, acie kɔc ke yok tɔ mit piɔ̈ɔ̈th, ee Nhialic Raan ee wo them piɔ̈ɔ̈th.

Jocua 8:35

Jocua ë lööŋ ke Mothe bɛ̈n kuɛ̈n kɔc ke amatnɔm cï kenïïm mat kedhie, diäär, ayï mïth ayï kɔc lei rɛ̈ɛ̈r në keek.