Luɔi 20:21 - JAM DE NHIALIC 2011

²¹ Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Luɔi 20:21 ပူးပေါင်းရင်းမြစ်များ

Math 3:2

kë ye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.

Math 4:17

Kek ë aköölkë kek aa ciɛkë Yecu guiëër ë wël, aaye lueel an, “Pɔ̈kkï wepiɔ̈ɔ̈th, ciɛɛŋ de paannhial ë guɔ thiɔ̈k.”

Mak 1:15

aaye lueel an, “Piny ë thök, ku ciɛɛŋ de Nhialic acï guɔ thiɔ̈k! Pɔ̈kkï wepiɔ̈ɔ̈th, ku gamkï Wëlpiɛth!”

Mak 6:12

Gokï lɔ biic, lek wël guiir an, bï kɔc kepiɔ̈ɔ̈th puk.

Luk 13:3

Wek yɔ̈ɔ̈k an, acie yen, ku të kɛ̈n wek wepiɔ̈ɔ̈th puk, ke we bï thou wedhie cït man ë kek.

Luk 13:5

Wek yɔ̈ɔ̈k an, acie yen, ku të kɛ̈n wek wepiɔ̈ɔ̈th puk, ke we bï thou wedhie cït man ë kek.

Luk 15:10

Wek yɔ̈ɔ̈k an, “Yen abï ciët miɛt ee kɔc piɔ̈ɔ̈th miɛt ë tuuc ke Nhialic nïïm në biäk de raan tök raan ee kërac looi, ku be yepiɔ̈u puk.”

Luk 15:7

Wek yɔ̈ɔ̈k an, miɛtëpiɔ̈u abï dït paannhial aya në biäk de raan tök raan ee kërac looi, ku be yepiɔ̈u puk, awär miɛt mitë kɔc piɔ̈ɔ̈th në biäk de kɔc kathiërdhoŋuan ku dhoŋuan kɔc cïn puŋdepiɔ̈u kɔɔrkï.

Luk 16:28

wɛ̈ɛ̈tamäthkuɔ anukï kadhïc, toc abï aa cäätɔ bï ke lɔ cök ë yöök en ke, ke ke cïï bï bɛ̈n ee tënë aya, të ye kɔc leeŋ wëi thïn.’

Luk 24:47

ku an, puŋdepiɔ̈u ku päl ë kërac abï ke ya guiëër juöör ëbɛ̈n në rinke, gɔl ë Jeruthalem.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 3:36

Raan gam Wënde ee cath ke pïïr athɛɛr, ku raan reec Wënde gam, acïï pïïr bï tïŋ, agönh ë Nhialic ee rëër ë yeyeth.

Luɔi 10:43

Ku tït ëbɛ̈n acïk aa cäätɔɔ në këde an, në rin ke yen raan ëbɛ̈n raan gam en abï miɔɔc në nyiɛɛi bï karɛcke nyaai.

Luɔi 11:18

Na wën, aa cïk kake piŋ, ke ke jɔ lɔ lik, ku leckï Nhialic an, “Ee yic, Nhialic acï Juöör dhil gäm puŋdepiɔ̈u aya ke ke bï pïïr!”

Luɔi 16:31

Gokï lueel an, “Gam Bɛ̈nydït Yecu Kërtho, ke yï bï kony wei, wekë dhiëndu.”

Luɔi 17:30

Run ɣɔn kek aye run ke kuny kuc ë kɔc käŋ, ago Nhialic lɔ lik tei, ku ënɔɔnë ë thɔn an, bï kɔc kepiɔ̈ɔ̈th puk kedhie ë piny nɔm ëbɛ̈n.

Luɔi 19:17

Go kɔc tɔ̈u ë Epetho kedhie, Judai ayï Girikii, agokï kakë piŋ, gokï piɔ̈ɔ̈th päu kedhie, go rin ke Bɛ̈nydït Yecu aa leec.

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Luɔi 2:40

Ago ke lɛ̈k wël juëc kɔ̈k ku guïïr kek an, “Kuɔnykï röt ee remë rem cï piɔ̈u ŋɔl.”

Luɔi 20:23

Wëidït ɣer tei ayek aa cäätɔ, lëk ɛn ë pɛ̈ɛ̈nydït yiic ëbɛ̈n an, joth ku këtuc bä guum atitkï yɛn ëtɛ̈ɛ̈n.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 24:24

Na wën, aacï nïn lik thök, ke Pelik jɔ bɛ̈n kekë Duruthila tiiŋde, ee nyan ë Judai, go Paulo tɔ cɔl, ku jɔ piŋ wään guiir en këde gäm de Kërtho.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Luɔi 8:25

Na wën, aa cïk guiëër guïïr kek kɔc jam ë Nhialic thöl, ke ke jɔ kenïïm dhuöny Jeruthalem, ku guïïrkï wëlpiɛth bɛ̈i ke Thamaria bɛ̈i juëc.

Romai 1:14

Ayï Girikii ayï juöör cëŋ ë ciɛɛŋden, ayï kɔc pelnïïm, ayï kɔc kuc wël, këden anu ë yayeth.

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 10:9

Të gɛm yïn Bɛ̈nydït Yecu ë yïthok, ku gam ë yïpiɔ̈u, nɔn cï Nhialic e jɔt ë kɔc cï thou yiic, ke yïn bï kony wëi.

Romai 2:4

Ku cï dhuëëŋ de yepiɔ̈u guɔ biɔɔn dhuëëŋ gök, ayï dït ë liɛɛr ë yenpiɔ̈u, ku guöm guum en kajuëc, ku kuc dhuëëŋ de Nhialic piɔ̈u nɔn thel en yïn tëde puŋ bï yïn yïpiɔ̈u puk?

Romai 4:24

Ee biäk de wook aya, ku abï tɔ ye piathëpiɔ̈u tëde wook aya, të gɛm wok Raan cï Yecu Bɛ̈nydïïtda jat nhial ë kɔc cï thou yiic,

Romai 5:1

Ku ënɔɔnë, nɔn cï wo tɔ piɛthpiɔ̈ɔ̈th në gäm, wok cï mat ë Nhialic në Bɛ̈nydan Yecu Kërtho.

1 Kor 1:22

Judai akɔɔrkï gök bï nyuöth keek, ku kɔɔr Girikii pɛlënɔm:

2 Kor 7:10

Ku dhiënëpiɔ̈u bɔ̈ tëde Nhialic ee puŋdepiɔ̈u bɛ̈ɛ̈i, ke bï raan kony wëi, ku acïn raan bï rɔt gɔ̈k ë ye: ku dhiënëpiɔ̈u bɔ̈ në piny nɔm ee thuɔɔu bɛ̈ɛ̈i.

Galatai 2:16

aŋicku nɔn kënë raan tɔ piɛthpiɔ̈u në luɔi de löŋ, ee gäm de Yecu Kërtho etök, en ee raan tɔ piɛthpiɔ̈u, ayï wook ayadäŋ, wo ë Yecu Kërtho gam, luɔi bï wo tɔ piɛthpiɔ̈ɔ̈th në gäm cï wo Kërtho gam, ku acie në luɔi de löŋ, në ciën cïn en raan töŋ bï tɔ piɛthpiɔ̈u në luɔi de löŋ.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 3:22

Ku këcïgɔ̈ɔ̈r acï jäŋ ëbɛ̈n mac ë këracic, luɔi bï kë cï kɔn lueel an, bï yiɛ̈n kɔc, në gäm cï kek Yecu Kërtho gam, luɔi bï e yiɛ̈n kɔc cï gam.

Epethiei 1:15

Ku yɛn aya, të cän gämduön cä wek Bɛ̈nydït Yecu gam piŋ, ku piɛŋ nhiëër nhiaar wek kɔc ɣerpiɔ̈ɔ̈th kedhie,

Kolothai 2:5

Ku yɛn, acakaa yɛn ë liu guöp, ke yɛn nu wokë week ë wëi yiic, ke ya mit piɔ̈u në wui wɔi ɛn kïït aa wek jamdun kiëët ku kɔ̈ɔ̈c kääc wek tëdun aril në gämduön nu ë Kërthoyic.

Pile 1:5

Në luɔi cän nhiëërdu piŋ ku piɛŋ gämduön cï yïn Bɛ̈nydït Yecu gam, ku nhiëër nhiɛɛr yïn kɔc ɣerpiɔ̈ɔ̈th kedhie.

1 Jɔn 5:1

Raan ëbɛ̈n raan ë Yecu gam, an, ee Kërtho, ka ye dhiëëth Nhialic, ku raan ëbɛ̈n raan nhiaar raan ë dhiëth meth ke nhiaar mɛnh ë dhiëëth aya.

1 Jɔn 5:5

Ku eeŋa raan ë piny tiaam? Cie yen raan cï Yecu gam, an, ee Wën ë Nhialic?