Luɔi 20:19 - JAM DE NHIALIC 2011

¹⁹ Yɛn ee ka ke Bɛ̈nydït looi në kuur aa yɛn rɔt kuɔɔr piny, ku në dhiën dït aa yɛn dhiau ku në thëm dït ee ya them në baŋ de män cïï Judai kethook mat, an, bïk a nɔ̈k.

Luɔi 20:19 ပူးပေါင်းရင်းမြစ်များ

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Jeremia 13:17

Të cä wek bï piŋ, ke yɛn bï dhiau ke ya thiaan në biäk de lɛcdun, yɛn bï dhiau ë jiɛthëpiɔ̈u, ku pïïu ke yɛn nyin abïk riŋ, në biäk cïï kɔc ke Bɛ̈nydït peec.

Jeremia 9:1

Aa ya nhiaar duëër nɔmdï aa yinh ë pïïu, ku jɔ nyïïnkï aa awɛɛŋ ke pïïu, aguɔ aa dhiau aköl ku wakɔ̈u në biäk de kɔckiën cï nɔ̈k.

Luk 19:41

Na wën, aacï guɔ thiɔ̈k, ke woi pänydït, ke jɔ dhiau,

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Luɔi 17:13

Na wën, aacï Judai nu Thethalonike e piŋ nɔn cï jam ë Nhialic guiir në Paulo ë Beroya, ke ke lɔ ëtɛ̈ɛ̈n aya, lek kɔc noon.

Luɔi 17:5

Na wën, ke Judai reec gäm, ke ke dɔm tiɛɛl, ku cɔlkï röör rac në kɔc ke thuukic, bïk ke bɛ̈n kony, gokï rem kut, abïk pänydït tɔ päl awuɔɔu ëbɛ̈n, gokï tɔŋ lɛɛr ɣön ë Jathon, akɔɔrkï Paulo kekë Thila luɔi bï kek ke bɛ̈ɛ̈i bei yïnkï ke kɔc.

Luɔi 20:3

Ku jɔ rëër ëtɛ̈ɛ̈n ë pɛ̈i kadiäk, na wën, ke Judai ë ke mat kethook an, bïk nɔ̈k, wään an, le Thiriya në abël, go Paulo ŋic, ago piɔ̈u dɛ luɔi bï en enɔm pɔ̈k ciëën ë kueer tëk Makedonia.

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

Luɔi 21:27

Na wën, aacï akööl kadhorou thiɔ̈k ë thök, ke Judai ë bɔ̈ piny de Athia, të cï kek Paulo tïŋ ë Luaŋdïtic, ke ke guët kut ë kɔc nïïm kedhie ku jɔkï dɔm.

Luɔi 27:23

Tunynhial aa kääc ë yalɔ̈ɔ̈m wënakɔ̈u, tuny de Nhialic, Nhialic a yɛn lïmde ku ee yen ya lam,

Romai 1:1

Yɛn Paulo, lïm de Yecu Kërtho, raan cï cɔɔl, an, bï aa tuc, raan cï tɔ̈ɔ̈u pei në këde wëlpiɛth ke Nhialic.

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

Romai 12:11

Ë cïn raan ë rɔt dak ë luɔide, yak yiic lëth në Wëidït, yak ka ke Bɛ̈nydït looi.

2 Kor 2:4

Acä gäär week wään wokë pïïu juëc ë yanyin ë këdïït dhal ɛn, ku jiɛthëpiɔ̈u, acie luɔi bä wek piɔ̈ɔ̈th dhiau, ë luɔi bä wek nhiëërdï ŋic nhiëër nhiaar ɛn week awär këriëëc.

2 Kor 3:5

Ku wo wapäc acïn kë duëërku lueel ë ye an, ë bɔ̈ në wook, lëu ee wok käŋ lëu abɔ̈ tëde Nhialic,

2 Kor 7:5

Wään, të cï wok bɛ̈n Makedonia, wo cïn lɔ̈ŋ cï wogup lɔ̈ŋ, wo cïï këtuc dhal wook tuɔɔk ë biäkë ku biäkë, ë wogup biic, tɔɔŋ aake nu, ku ë wopiɔ̈ɔ̈th thïn, riɔ̈ɔ̈c aa nu.

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

Epethiei 6:7

Yak käŋ looi në piɔ̈n mit, acït man ë këde Bɛ̈nydït, acie këde kɔc.

Pilipoi 3:18

Ku kɔc juëc akuckï rëër ënɔɔnë, ku yɛn ë këden cool ë lɛ̈k ɛn e week ëcaŋɣɔn, ku lɛ̈k week ënɔɔnë ke ya dhiau an, ayek kɔc de ater në tim de Kërtho tim cï rïïu nɔm:

Kolothai 3:24

Në ŋïny ŋiɛc wek cöökë an, ee tëde Bɛ̈nydït, yen bä wek käŋ lɔ̈ɔ̈k lak ka bï aa ariöpdun, ee Bɛ̈nydït Kërtho yen aluööikï.

1 Theth 1:9

Kek gup ayek wook nyuöth lɔ cï wo lɔ ë weyiic, ku wël cä wek röt wɛ̈l Nhialic në yiëthkun yiic, bäk ka ke Nhialic yic pïïr aa looi,

2Tim 1:4

Ciët aa yɛn a nɔm cät ë pïïu ke yïnyin, yen aa ya yɛn yïn tak aläl, adï tiëŋ yïn, ke ya bï piɔ̈u miɛt abä piɔ̈u a yum.

Jakop 1:2

Yak tɔ ye kë bä wek piɔ̈ɔ̈th miɛt aläl, wek mïthëkɔckuɔ, të ya wek lööny ë thëmic, thëm kith yiic,

1 Pet 1:6

Ku yen a ya wek piɔ̈ɔ̈th miɛt arëët, acakaa wek ë ye piɔ̈ɔ̈th dhil jiɛth tëthiinakäŋ ënɔɔnë në thëm kithic ee we them,

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

Nyuuth 7:15

Yen a tɔ̈u kek ë thöönydïït ë Nhialic nɔm, ku yek luööi aköl ku wakɔ̈u ë luaŋdɛndïtic. Ku Raan rɛ̈ɛ̈r ë thöönydït nɔm abï keek gël nïïm në täude.