Luɔi 2:27 - JAM DE NHIALIC 2011

²⁷ Luɔi cïï yïn wëikï bï nyääŋ paan ë thuɔɔu, ku cïï raanduön ɣeric bï tɔ tïŋ dhiap.

Luɔi 2:27 ပူးပေါင်းရင်းမြစ်များ

Diɛt 116:3

Wïïn ke thuɔɔu aake cï ya tuɔɔk cil, ku pɔ̈l ke paan ë thuɔɔu aake cï thiɔ̈k në yalɔ̈ɔ̈m, aguɔ thiäŋ wo riɔ̈ɔ̈c ku jiɛthëpiɔ̈u.

Diɛt 16:10

në luɔi cï Yïn a gël në riɛl de thuɔɔu, yen aa luööi ɛn Yïn në piɔ̈ndï ëbɛ̈n, ku Yïn cïï ya bï päl paan ë thuɔɔu.

Diɛt 49:15

Ku Nhialic abï yɛn luök, abï ya kony në riɛl de paan ë thuɔɔu.

Diɛt 86:13

Yïn cï ya nhiaar ë nhiëërduön agɔk! Yïn cï yɛn luäk bei paan ë thuɔɔu.

Diɛt 89:19

Yïn cï jam ɣɔn thɛɛr ë nyuuth, ku lɛ̈kë awunduön piɛthpiɔ̈u, an, “Yɛn cï kuɔɔny gäm jön de tɔŋ cï leec, yɛn cï thööc gäm raan töŋ cä lɔc në kɔc yiic.

Jona 2:6

Yɛn aa ɣet piny ya në mei ke kur thäär, të ye athïïnke thiöök aɣet athɛɛr. Ku Yïn Bɛ̈nydït Nhialicdï, Yïn ë ya dɔ̈k nɔm ciëën tëthuth ke ya pïïr.

Math 11:23

Ku yïn, Kapernaum, yïn cï jat nhial aɣeet yïn paannhial, ku yïn bï bɛ̈ɛ̈i piny aɣeet yïn paan ë thuɔɔu, tëë cï luɔi ril looi ë Thɔdom cït man cï ke looi ë yïyic, adï cï tɔ̈u aɣet cï ënɔɔnë.

Mak 1:24

“Yecu! Eeŋöda në yïn, yïn Yecu de Nadhareth? Cï bɛ̈n bä wo bɛ̈n riɔ̈ɔ̈k? Yïn ŋiɛc nɔn ee yïn Raan ɣeric de Nhialic!”

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Luk 16:23

na wën, të rëër en paan ë thuɔɔu, ke ye leeŋ wëi, ku jɔ enyin jɔt, go Abraɣam tïŋ tëmec, ku tïŋ Ladharo ë yeyɔu.

Luk 24:44

Go keek yɔ̈ɔ̈k an, “Wëlkï kï, wël wään cä lɛ̈k week, wään ŋuɔɔt ɛn ke ya tɔ̈u wo week an, “Käŋ kedhie abïk dhil aa yith, ka cï gɔ̈ɔ̈r në këdï ë löŋ de Mothe yic, ku tït yiic, ku Diɛt yiic.”

Luk 4:34

“Cai! Eeŋöda në yïn, yïn Yecu de Nadhareth? Ë yï bɔ̈ bä wo bɛ̈n nɔ̈k? Yïn ŋiɛc nɔn ee yïn Raan ɣeric de Nhialic!”

Jɔn 11:39

Go Yecu lueel an, “Nyaaikï kuur.” Go Martha, nyankënë ë raan cï thou, go lueel an, “Bɛ̈nydït, ë nhiany ënɔɔnë, nïn acïk aa ŋuan!”

Luɔi 2:26

En acä yɛn piɔ̈u miɛt, abä piɔɔny ë liemdï, ku guöpdï aya abï yök ke lɔ̈ŋ në aŋäth ŋääth:

Luɔi 2:28

Yïn cï a tɔ ŋic kuɛɛr ke pïïr, Yïn bï a tɔ mit piɔ̈u në nyindu abä piɔ̈u a yum.’

Luɔi 2:31

Ago Debid, luɔi cï en kënë kɔn tïŋ, ago jam në këde jön bï Kërtho rɔt jɔt, an, ‘Wëike akënë ke nyääŋ paan ë thuɔɔu, ku kën guöpde dhiap tïŋ.’

Luɔi 3:14

Ee raan ɣeric en acäk rɛɛc, Raan piɛthpiɔ̈u, ku raan cï raan däŋ luc yen acäk lɔ̈ŋ an, bï yiɛ̈n week.

Luɔi 4:27

Kɔc acïk guëër në yic, kɔc de ater në Yecu Wënduön ɣeric, Wënduön cï tɔc, yï Ɣerod ayï Pontio Pilato, kekë Juöör ku kɔc ke Yithriɛl, aake guëër tëtöŋë,

1 Kor 15:52

ëthiäu, cït man anieu de nyin, të koothë kaaŋ ciëën: kaaŋ abï kooth, go kɔc cï thou röt jɔt ke ke cïï bï dhiap, ka wo bï röt puk.

1 Kor 15:55

“Yïn thuɔɔu, winhduön ee yïn kɔc moc akou? Ayïk yïn, yïn raan ë thuɔɔu, tiëm tiɛɛm yïn kɔc akou?”

1 Jɔn 2:20

Ku we de töny cï we tɔc, töny ë bɔ̈ tëde Raan Ɣeric, ku we ŋic käŋ kedhie.

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.

Nyuuth 20:13

Ku päl wɛ̈ɛ̈r kɔc cï thou nu ë yeyic, ku päl thuɔɔu ku paan ë thuɔɔu kɔc nu ë keyiic: go löŋden guiir ŋɛk ke këde luɔide ku ŋɛk ke këde luɔide.

Nyuuth 3:7

Ku gäär tunynhial de ɣön ë Nhialic nu Piladelpia alë: Kakë aluel raan ɣeric keek, raan yic, raan cath ke mukthäär ë Debid, raan ee ɣöt tueer, ku cïn raan bï e thiöök, ku ye ɣöt thiöök, ku cïn raan bï e tueer: