Luɔi 2:23 - JAM DE NHIALIC 2011

²³ yen acäk nööm, të cï e yiɛ̈n week në këde löŋ cïï Nhialic lueel ë yepiɔ̈u, ku në ŋïny cï en e kɔn ŋic, aguɔkï piäät ë tim cï rïïu nɔm kɔ̈u në ciin rac, ku näkkï abï thou.

Luɔi 2:23 ပူးပေါင်းရင်းမြစ်များ

Cäk 50:20

Wek aa lui yɛn kërac, go Nhialic en lɔ puk ke ye këpiɛth. Ke ya bï kɔc juëc kony wëi. Kɔc ŋoot ke ke pïr ënɔɔnë.

Diɛt 76:10

Agönh de kɔc ee rɔt puk ke ye lɛc leecë Yïnɔm tei, kɔc bï pïïr në tɔɔŋ thook, abïk Yïn aa luöi dhuëëŋ.

Yith 37:26

“Kɛ̈në piŋ nɔn cän ye kiëët ɣɔn thɛɛr? Ku ënɔɔnë acä looi. Yïn cä gäm riɛl bï yïn pɛ̈ɛ̈nydït cï gël abïk aa kuut ke ka cï riääk.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Math 20:19

ku yïnkï Juöör lek geet, ku lek dui ë waat, ku lek piäät ë tim cï rïïu nɔm kɔ̈u, ku ëkööl ee kek diäk abï rɔt bɛ jɔt.”

Math 26:24

Wën ë Raan alɔ, cït man cï e gɔ̈ɔ̈r ë këde, ku amawoou në raan bï Wën ë Raan nyiɛɛn! Aduëër ŋuɛ̈ɛ̈n tëde yen, të kënë ye dhiëëth, en ëraanë!”

Math 27:35

Gokï piäät ë tim cï rïïu nɔm kɔ̈u, ku tekkï lupɔɔke, në deeny deeny kek gɛk, luɔi bï jam aa yic jam ɣɔn cï lueel ë tiët an, acïk lupɔɔkï tɛ̈k röt kapäc, ku deenykï gɛk ë këde alulutdï.

Mak 15:24

Na wën, ke piëëtkï ë tim cï rïïu nɔm kɔ̈u, ku jɔkï lupɔɔke tɛ̈k röt, deenykï gɛk në këden, nɔn bï ŋɛk ŋö nööm.

Luk 22:22

Wën ë Raan alɔ, ëyic, cït man cï e kɔn lueel an, bï dhil lɔ: ku amawoou në ëraanë raan bï e nyiɛɛn!

Luk 22:37

Wek yɔ̈ɔ̈k an, cöökë, cöök cï gɔ̈ɔ̈r në këdï, aŋoot ke bï dhil thök ë yaguöp, cöök cï lueel an, ‘Acï mat kekë kɔc ee löŋ dhɔ̈ŋic ëtök,’ kakï yɛn adekï thökden aya, thök bï kek thök.”

Luk 23:33

Na wën, aa cïk ɣet të cɔl “Apet,” ke jɔkï piäät ëtɛ̈ɛ̈n ë tim cï rïïu nɔm kɔ̈u, ku piëëtkï kɔc cï kërac looi, tök ë baŋ cuënyde, ku tök ë baŋ cam.

Luk 24:20

Ku luɔi cï bänydït ke ka ke Nhialic e yiɛ̈n miric, ayï bänykuɔn ë wo cieŋ, bï löŋde teem an, näk, gokï piäät ë tim cï rïïu nɔm kɔ̈u.

Jɔn 19:18

agokï piäät ë tim kɔ̈u ëtɛ̈ɛ̈n, ku piëëtë kɔc kaarou në yen ëtök, tök ë biäkë, ku tök ë biäkë, ku nu Yecu cil.

Jɔn 19:24

Gokï röt yɔ̈ɔ̈k kapäc an, “Duku retic deenyku gɛk në këde, nɔn eeŋa bï yen nööm.” Kënë aa loi rɔt në luɔi bï jam cï këcïgɔ̈ɔ̈r lueel aa yic an, “Acïk lupɔɔkï tɛ̈k röt, Ku deenykï gɛk në këde alulutdï.” Kakë acï alathkëër ke jɔ looi.

Luɔi 13:27

Ku kɔc rɛ̈ɛ̈r ë Jeruthalem kekë bäny ceŋ keek, në kuny kuc kek en, ku kuckï jam ë tït, jam ye cool ë kueenë yeyic ë akööl ke Thabath kedhie, acïk jamden tɔ ye yic, në mäny cï kek e mäc yeth kërac.

Luɔi 15:18

Luɔi looi ëbɛ̈n aŋic Nhialic të ɣɔn gɔlë käŋ.’

Luɔi 2:36

“Na ënɔɔnë, tɔ baai de Yithriɛl ëbɛ̈n tɔ ŋic cöökë ëgɔk an, Yecu manë, raan wään cäk piäät ë tim cï rïïu nɔm kɔ̈u, yen acïï Nhialic tɔ ye Bɛ̈nydït ku tɔ ye Kërtho aya!”

Luɔi 3:18

Ku kakë, ka cïï Nhialic tɔ luel tueŋ në thook ke tïtke kedhie an, bï Kërtho käŋ dhil guum, kek acï ke tɔ ye yith.

Luɔi 4:28

bïk käŋ bɛ̈n looi ëbɛ̈n, ka cïï riɛldu ku löŋdu kɔn guiir ɣɔn thɛɛr an, bï ke dhil looi.

Luɔi 5:28

an, “Kënku week yɔ̈ɔ̈k arëët an, Duökï kɔc ee bɛ wɛ̈ɛ̈t ee rinkë? Ku tiëŋkï, we cï Jeruthalem thiɔ̈ɔ̈ŋ në wëëtdun, ku we de piɔ̈ɔ̈th luɔi bä wek riɛm ë raanë dɛɛr ë woyiëth!”

Luɔi 5:30

Nhialic de kuarkuɔ acï Yecu jat nhial, raan cäk nɔ̈k, wään nɔ̈ɔ̈k wek en ë tim nɔm.

Luɔi 7:52

Eeŋa ë tït yiic raan kënë kuarkun yɔŋ guöp? Ku acïk kɔc nɔ̈k kɔc wään nyuth keek tueŋ në bɛ̈n ë Raan piɛthpiɔ̈u, raan cäk guɔ nyiɛɛn, ënɔɔnë ku kuörkï abï thou.

Romai 2:12

Kɔc kedhie kɔc ë kërac looi ku liu löŋ tëde keek, kek abï määr ke cïn löŋ, ku kɔc kedhie kɔc ë kërac looi, ku nu löŋ tëde keek, kek abï jɔ̈ɔ̈ny në löŋ.

Romai 4:17

acït man cï e gɔ̈ɔ̈r, an, “Yïn cä tɔ ye wun juöör juëc.” Aye wäärda ë Nhialic nɔm, Raan cï gam, Raan ë kɔc cï thou tɔ pïïr, ku ye Raan ë ka liu tɔ cït ka nu.

1 Theth 2:15

Kek kɔc cï Bɛ̈nydït Yecu nɔ̈k ayï tït ayadäŋ, ku acïk wo yɔŋ, ku acïkï Nhialic ee tɔ mit piɔ̈u, ku yek ater lueel ë kɔc kedhie!

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.

1 Pet 1:20

Raan cï kɔn ŋic ɣɔn thɛɛr ke piny ŋoot ke kënë cak, ku cï nyuɔɔth ëkööl ë thök ë piny në biäkdun,

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.