Luɔi 2:22 - JAM DE NHIALIC 2011

²² “Wek röör ke Yithriɛl, piɛŋkï wëlkë: Yecu de Nadhareth, raan cï nyuöth week nɔn ë bïï yen tëde Nhialic në luɔi dït ku kake gäi ku göök cï Nhialic ke looi në yen ë weyiic, acït man ŋiɛc wek en ayadäŋ,

Luɔi 2:22 ပူးပေါင်းရင်းမြစ်များ

Yith 41:14

Aye Bɛ̈nydït lueel an, “Cakaa nɔn koor yïn ku kɔ̈c wäkya, Yithriɛl, duökï riɔ̈ɔ̈c, wek bä ke kony, Yɛn Nhialic Ɣeric de Yithriɛl, Ee Yɛn ee kɔc kony.

Math 12:28

Ku tën aa yɛn jɔɔk rac ciëëc bei në Wëi ke Nhialic, ke ciɛɛŋ de Nhialic acï bɛ̈n tëde week.

Math 2:23

bï ku tɔ̈u pänydït cɔl Nadhareth, luɔi bï jam aa yic jam cï lueel ë tït an, “Abï cɔl raan ë Nadhareth.

Math 9:8

Na wën, acï kuut ke kɔc e tïŋ, ke ke gäi, ku leckï Nhialic, Raan cï riɛl cït ee kënë gam kɔc.

Luk 11:20

Ku na ya jɔɔk rac cieec në ciin ë Nhialic, ke ciɛɛŋ de Nhialic kï, cï bɛ̈n tëde weekë.

Luk 18:37

Gokï yɔ̈ɔ̈k an, “Yecu de Nadhareth yekï tëkë.”

Luk 24:18

Go raan tök ë keek, cɔl Kleopath, go bɛ̈ɛ̈r an, “Yïn ye kaman rɛ̈ɛ̈r yïtök ë Jeruthalem, ku kuc kë cï tïc ëtɛ̈ɛ̈n ë aköölkë?”

Jɔn 1:45

Go Pilip Nathanyel yök, ku jɔ lɛ̈k en an, “Wok ë raan yök, raan cï Mothe këde gɔ̈ɔ̈r ë löŋic, ayï tït, Yecu de Nadhareth, wën ë Jothep.”

Jɔn 10:37

Të kɛ̈n ɛn luɔi de Wäär aa looi, duökï ya gam.

Jɔn 11:47

Go bänydït ke ka ke Nhialic ku Parithai agokï yai tɔ guëër, ku luelkï, an, “Eeŋö loiku? Raanë ee göök juëc looi!

Jɔn 12:17

Go kut ë kɔc wään nu në yen, wään cɔɔl en Ladharo bei ë raŋic, ku jɔt ë kɔc cï thou yiic, gokï aa cäätɔɔ luelkï këden.

Jɔn 15:24

Tëë ya kën käŋ looi e keyiic, ka kënë raan däŋ looi, adï cïn kërac ë keyiëth: ku ënɔɔnë acïk wo tïŋ ku mankï wo gup wokë Wäär waarou.

Jɔn 19:19

Go Pilato rinke gɔ̈ɔ̈r, tɛ̈ɛ̈u keek ë tim nɔm tim cï rïïu nɔm. Ku acï gɔ̈ɔ̈r an, “Yecu de Nadhareth, Melik de Judai.”

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Jɔn 4:48

Go Yecu lueel an, “Të kɛ̈n wek göök tïŋ ayï kake gäi, ka cäkï bï gam anandun.”

Jɔn 5:36

Ku yɛn cath wo cäätɔ wär Jɔn: luɔi cï Wääda yiɛ̈n ɛn, bä ke bɛ̈n thöl, luɔi luɔɔiyë, kek aye cäätɔɔkï, lueel en, an, ee yen Wääda yen ë toc ɛn.

Jɔn 6:14

Ago kɔckë, të cï kek gök cï Yecu looi tïŋ, agokï lueel an, “Ee yic, raanë ee tiët wään, an, bï bɛ̈n ë piny nɔm!”

Jɔn 6:27

Duökï ee luui në këcam ee riääk, yak luui në këcam ee tɔ̈u aɣet pïïr athɛɛr, pïïr bïï Wën ë Raan gäm week: yen acïï Nhialic Wääda gäär guöp rinke.”

Jɔn 7:31

Ku kɔc juëc në kutic acïk e gam, ku luelkï an, “Kërtho, të cï yen bɛ̈n, bï göök looi göök wär ka looi ee raanë?”

Jɔn 9:33

Raanë, tëë cie raan ë bɔ̈ tëde Nhialic, adï cïn kë ye lëu!”

Luɔi 13:16

Go Paulo rɔt jɔt, go nieu ë yecin, ku lueel an: “Week röör ke Yithriɛl, ku week kɔc riëëu Nhialic, jakï piŋ!

Luɔi 14:27

Na wën, aa cïk bɛ̈n, ke ke tɔ kɔc ke ɣön ë Nhialic tɔ guëër, ku guïïrkï keek këriëëc cïï Nhialic looi kekë keek, ku luɔi cï en ɣön ë gäm liëp Juöör.

Luɔi 2:19

Ku kake gäi abä ke tɔ tiëc tënhial, Ku ta göök tiëc ë piny nɔm, Riɛm, ku mac, ku toltool ë piny:

Luɔi 2:43

Ago riɔ̈ɔ̈c kɔc dɔm kedhie: ku tuuc acïk ka ke gäi juëc looi, ayï göök.

Luɔi 21:28

Ku cötkï an, “Week, röör ke Yithriɛl! Kuɔnykï wook! Kënë ee raan ee kɔc wɛ̈ɛ̈t ë jam de ater ke jurda, ku löŋ, ku ɣön ë Bɛ̈nydïïtë, ë pinynɔm ëbɛ̈n: ku däŋ aya, acï Girikii bɛ̈ɛ̈i Luaŋdïtic, go tëɣericë jɔ riɔ̈ɔ̈k!”

Luɔi 22:8

Guɔ thiëëc an, ‘Ee yïn ŋa, Bɛ̈nydït?’ Go an, ‘Ee Yɛn Yecu de Nadhareth, raan yɔŋë.’

Luɔi 24:5

Wok ë raanë yök aye raan rac ëtaiwei, ku ye raan ë Judai kɛ̈ɛ̈k kedhie ë piny nɔm ëbɛ̈n, ee raan dïït ë rem de Nadharani.

Luɔi 26:26

Kakë aŋic melik keek, yɛn ë käŋ lueel ë yenɔm ke ya ril nyin: aŋiɛc ëgɔk an, cïn tök ë kakë yiic kë cï thiën en, kënë akënë looi athiaan.

Luɔi 26:9

“Yɛn guöp aa ya lueel wään an, bä kajuëc dhil looi arëët në rin ke Yecu de Nadhareth.

Luɔi 3:12

Na wën, aacï Petero ke tïŋ, ke yöök kɔc an, “Week, wek röör ke Yithriɛl, eeŋö gäi wek ee kënë? Ku eeŋö tuɔɔm wek wogup wäkya, abï ciët wok ë tɔ ee raanë cath në riɛlda wogup, ku në riëëu ee wok Nhialic riëëu? Acie yen.

Luɔi 3:6

Go Petero lueel an, “Yɛn cïn nɔm ateek ku ciën nɔm adhääp, yïn miaac tei në kë cath ke yɛn: në rin ke Yecu Kërtho de Nadhareth, jɔt rɔt cathë!”

Luɔi 4:10

jakï kënë ŋic wedhie, ayï kɔc ke Yithriɛl, takï ke ŋic kedhie an, në rin ke Yecu Kërtho de Nadhareth, raan cäk piäät ë tim cï rïïu nɔm kɔ̈u, raan cïï Nhialic jat nhial ë kɔc cï thou yiic.

Luɔi 5:35

Go kɔc yɔ̈ɔ̈k an, “Week, wek röör ke Yithriɛl, tiëŋkï röt ë luɔi an, bäk luöi kɔckë.

Luɔi 6:14

acuk piŋ ke lueel an, Yecu de Nadhareth, yen abï wunë riɔ̈ɔ̈k, ago ciɛɛŋ puk, ciɛɛŋ cï Mothe yiɛ̈n wook!”

2 Kor 12:12

Ŋïny duëërë ye ŋic nɔn aa yɛn tuc ë guɔ looi ë weyiic në yic në guöm de këriëëc ëbɛ̈n, ku në göök ku ka gɛ̈iyë kɔc, ku luɔi ril ëbɛ̈n.

Ɣeberuu 2:4

Ku kë cïk lueel acïï Nhialic nyɔk ë nyuöth nyooth Yen en ayadäŋ në göök ke gäi, ku në tëŋ tek En miɔ̈c de Wëidït ɣer cït kë kɔɔr ë piɔ̈nde.