Luɔi 2:14 - JAM DE NHIALIC 2011

¹⁴ Na wën, ke Petero jɔt rɔt kekë kɔc kathiëër ku tök, ku jiëëm keek ë röl dït, an, “Wek juöör ke Judai, ku wek kɔc rɛ̈ɛ̈r ë Jeruthalem wedhie, jakï kënë ŋic, ku piɛŋkï wëlkï.

Luɔi 2:14 ပူးပေါင်းရင်းမြစ်များ

Kɛ̈ŋ 8:32

“Ënɔɔnë, piɛŋkï këdï dhuök, athiɛɛi atɔ̈u ke kɔc ee kuɛɛrkï kuanyiic.

Yith 40:9

Dhiɔn, lɔ nhial në kuur bäär nɔm ku luel wëlpiɛth! Dhiɔn, cɔ̈t në röl dït, caalë wëlpiɛth! Luel këriëëc ku du riɔ̈c, lɛ̈kë wuöt ke Juda, nɔn bïï ë Nhialicden!

Yith 51:1

Aye Bɛ̈nydït lueel an, “Piɛŋkï këdï, wek kɔc kɔɔr kuɔɔny, wek kɔc ee luääk kɔɔr tëde yɛn. Takï wenïïm në kuur ë bä wek thïn, të wään wëc ë week bei thïn.

Yith 51:4

“Piɛŋkï kë luɛɛl kɔckï, piɛŋkï kë luɛɛl yɛn cï wëëtdï gäm juöör, lööŋkï abïk keek yiɛ̈n ɣɛɛr.

Yith 51:7

“Piɛŋkï kë luɛɛl, wek kɔc ŋic piathëpiɔ̈u, kɔc tɔ̈u ë wëëtdï në kepiɔ̈ɔ̈th. Duökï ee riɔ̈ɔ̈c të lɛ̈ɛ̈t ë kɔc week ku karɛc luɛɛl ë wegup,

Yith 52:8

Kɔc ee pänydït tiit në ayek wuou në miɛtëpiɔ̈u! Ayek tïŋ në kenyïïn, yen luɔi puk ë Bɛ̈nydït yenɔm Dhiɔn!

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Yith 58:1

Aye Bɛ̈nydït lueel an, “Wuɔukï në röldït, cït të duëër röldun cuööp. Lɛ̈kkï kɔckiën ke Yithriɛl awɛ̈ɛ̈cken!

Ɣodh 8:1

Aye Bɛ̈nydït lueel an, “Kuɔthkï kɛŋ, cuɔɔr agör Yithriɛl, në baŋ cïï kɔckï löŋdï dhoŋ kɔ̈u, ku dhäŋkï wëëtdï yic.

Math 2:1

Na wën, aacï Yecu guɔ dhiëëth ë Betheleɣem de Judaya në akööl ke Ɣerod melik, ke röör pelnïïm ke ke jɔ bɛ̈n të lɔ aköl amiäk, abïkï Jeruthalem,

Luɔi 1:26

Na wën, ke ke deeny gɛk në këden kaarou, go gɛk lööny ë Mathiath nɔm, ago mɛt ë tuuc yiic tuuc kathiëër ku tök.

Luɔi 13:16

Go Paulo rɔt jɔt, go nieu ë yecin, ku lueel an: “Week röör ke Yithriɛl, ku week kɔc riëëu Nhialic, jakï piŋ!

Luɔi 2:22

“Wek röör ke Yithriɛl, piɛŋkï wëlkë: Yecu de Nadhareth, raan cï nyuöth week nɔn ë bïï yen tëde Nhialic në luɔi dït ku kake gäi ku göök cï Nhialic ke looi në yen ë weyiic, acït man ŋiɛc wek en ayadäŋ,

Luɔi 21:28

Ku cötkï an, “Week, röör ke Yithriɛl! Kuɔnykï wook! Kënë ee raan ee kɔc wɛ̈ɛ̈t ë jam de ater ke jurda, ku löŋ, ku ɣön ë Bɛ̈nydïïtë, ë pinynɔm ëbɛ̈n: ku däŋ aya, acï Girikii bɛ̈ɛ̈i Luaŋdïtic, go tëɣericë jɔ riɔ̈ɔ̈k!”

Luɔi 5:35

Go kɔc yɔ̈ɔ̈k an, “Week, wek röör ke Yithriɛl, tiëŋkï röt ë luɔi an, bäk luöi kɔckë.

Luɔi 7:2

Go lueel an, “Wek wɛ̈ɛ̈t ke wäär ku wärkuɔ, piɛŋkï këdï! Nhialic cath ke dhuëëŋ, yen acï tuöl tëde wäärdan Abraɣam të ɣɔn nu yen Methopotamia, aŋoot ke kën guɔ ceŋ ë Ɣaran,

Nyöŋ 27:9

Na wën ke Mothe kekë bäny de kake Nhialic de Lebai ëtök, ke ke jɔ kɔc ke Yithriɛl kedhie yɔ̈ɔ̈k an, “Kɔc ke Yithriɛl, pälkï röt piny, ku piɛŋkï kë luɛɛl. Ee köölë we cï aa kɔc ke Bɛ̈nydït Nhialicdun.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?