Luɔi 2:13 - JAM DE NHIALIC 2011

¹³ Ku lueel kɔ̈k agɛɛt an, “Kɔckë acïk kuɛth ë mɔ̈n ë piac dhiim!”

Luɔi 2:13 ပူးပေါင်းရင်းမြစ်များ

Jop 32:19

Ku tiëŋkï na kɛ̈n jam, yɛn duëër piɔ̈u rɛt cï atheep ke mɔ̈u thiäŋ ë mɔ̈n ë piacë tup.

Diɛt ke 7:9

Ku yïn cït thok mɔ̈n mit. Ënɔɔnë, takï mɔ̈u wat ke lɔ tëde monydiën nhiaar, wɛtkï ke ke lɔ në yethok ku yelec.

Yith 25:6

Eenë në kuur ë Dhiɔn nɔm Bɛ̈nydït de rɛm abï dhuëëŋ de këcam luöi juöör ke piny nɔm, dhuëëŋ de këcam cuai arëët ku mɔ̈n mit.

Dhek 10:7

Kɔc ke Eparaim abïk riɛl cït rem de tɔŋ, ku abïk piɔ̈ɔ̈th miɛt cït kɔc ë dek mɔ̈u. Kuatden abïk ee kënë tïŋ ku mitkï piɔ̈ɔ̈th, ku leckï Bɛ̈nydït në kepiɔ̈ɔ̈th në biäk de kë cï looi.

Dhek 9:15

Bɛ̈nydït de rɛm abï kɔcke gël, ka abïk kɔc ke ater riɔ̈ɔ̈k. Abïk aa kïïu tɔŋ cï ka cï mɔ̈u wit, ku lëukï kɔc ke ater riɛm, riɛm bï kuëër cït man ye riɛm de miɔ̈c näk wɛt piny në yïk nɔm.

Dhek 9:17

Piny abï kuöc läk arëët ëtɛ̈ɛ̈n. Rɛɛpke abïk dhuök tɔ ril, ku tɔ mɔ̈u dhueec ril.

Luɔi 2:15

Kɔckë akën mɔ̈u ke wit, në ke wën cäk lueel, ee thaar kadiäk aköl tei,

1 Kor 14:23

Yen na cï ɣön ë Nhialic guëër ëbɛ̈n tëtök, ku jamkï ë thook mɛɛn kedhie, ku bɔ̈ kɔc kɔ̈k ɣöt kɔc kënë wɛ̈ɛ̈t, ayï kɔc wën kën gam, ke cïkï bï lueel an, cäk miɔ̈l?

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

1 Tham 1:14

ago Eli lɛ̈k en an, “Eeŋö ee yïn cool ke yï wiɛɛt? Päl mɔ̈u në dëk!”