Luɔi 2:10 - JAM DE NHIALIC 2011

¹⁰ ku Purugia, ku Pampulia, ku Rip, ku bɛ̈i ke Libya thiɔ̈k ke Kurene, ku kamaan ë bɔ̈ Roma, ayï Judai ayï kɔc ë cï röt tɔ ye Judai,

Luɔi 2:10 ပူးပေါင်းရင်းမြစ်များ

Cäk 12:10

Ku ëtɛ̈ɛ̈n, cɔŋ dït aa nu piny ë Kanaan, go Abram baaric ke lɔ paan ë Rip, le yök ke rɛ̈ɛ̈r ëtɛ̈ɛ̈n, në luɔi ë dïït ë cɔk aläl.

Ethta 8:17

Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Jeremia 46:9

Yɔ̈ɔ̈kë jöŋgöör bïk lɔ thïn, ku abëël ke tɔŋ bïk röt laar tɔŋ! Tuɔɔcë rem ë tɔŋ biic: Kɔc ke Ethiopia ku Libya, aɣɛ̈ɛ̈ckï kööt, ku kɔc ke Ludia amukkï dhɛ̈ŋ.’”

Jeremia 9:26

Kɔc ke Rip, ku Juda, ku Edom, ku wɛ̈ɛ̈t ke Ammon, ku Mowap, ku kɔc ee rëër ë jɔ̈ɔ̈ric kedhie, kɔc ë nhïmken tem nïïm, kek e juöörkë kedhie akënë keek cueel, ku baai de Yithriɛl ëbɛ̈n akën ë keek cueel piɔ̈ɔ̈th.”

Edhekiɛl 30:5

“Yen ee tɔŋë aya abï rem de tɔŋ ë riɔp në Ethiopia, ku Libiya, ku Ludia, ku Arabia, ku Kub nɔ̈k, ayï kɔckï yiic.”

Danyel 11:43

Abï wëu ke Rip ke adhääp ku ateek cïï thiaan peec, ayï kakɛn kɔ̈k tuc thook. Abï Libiya ku Ethiopia ke peec.

Ɣodh 11:1

Aye Bɛ̈nydït lueel an, “Yithriɛl aa nhiaar të ɣɔn ee yen meth. Guɔ cɔ̈ɔ̈l bei Rip, ke ye wëndï.

Dhek 8:20

Acïï ë Bɛ̈nydït de rɛm lueel an, “Akööl abïkï, akööl bï kɔc ke pɛ̈ɛ̈nydït juëc guëër Jeruthalem.

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Math 2:15

Ku jɔ tɔ̈u ëtɛ̈ɛ̈n athouwë Ɣerod, luɔi bï jam aa yic jam ɣɔn cïï Bɛ̈nydït lueel në thoŋ de tiët an, “Rip yen acän wëndï cɔɔl thïn.”

Math 23:15

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye Wɛ̈ɛ̈r caathic ku caathkï piny nɔm luɔi bä wek raan tök tɔ puk epiɔ̈u ë wëëtdun, ku të cï en epiɔ̈u puk, ke yak tɔ ye wën ë giɛna awär week arëët!

Math 27:32

Na wën, alek biic, ke ke yök raan ë Kurene, cɔl Thimon, gokï dhil tɔ jɔt timdɛn cï rïïu nɔm.

Mak 15:21

Ku ade raan cɔl Thimon raan tëk ee kueerë, ke bɔ̈ rɛɛr, raan ë Kurene, ku ye wun Alekandaro ku Rupo: agokï dɔm, ku dhilkï tɔ jɔt timdɛn cï rïïu nɔm, tim ë Yecu.

Luɔi 11:20

Ku kɔc kɔ̈k ë keek ayek kɔc ke Thaiperuth ku Kurene, na wën, aa cïk bɛ̈n Antiokia, ke ke jam në Girikii, guïïrkï ke wëlpiɛth wël ke Bɛ̈nydït Yecu.

Luɔi 13:1

Ku ɣön ë Nhialic nu Antiokia anu ë tït thïn, ayï kɔc ee wëët, yï Baranaba, kekë Thimon rinkɛn kɔ̈k acɔlke Niger, ku Lukio ë bɔ̈ Kurene, ku Maniin, raan wään cï muk kekë Ɣerod ëtök Ɣerod bɛ̈ny, ku Thaulo.

Luɔi 13:13

Na wën, aa cïk jäl ë Papo në abël, kek yï Paulo ku kɔc cath ë ke, gokï ɣet Perga nu Pampulia: ku päl Jɔn keek ëtɛ̈ɛ̈n, le yenɔm dɔ̈k Jeruthalem.

Luɔi 13:43

Na wën, aacï kɔc pɔ̈k kɔc wën ë guëër, ke Judai juëc kekë Juöör cï röt tɔ ye Judai, kɔc riëëu Nhialic, ke ke kuany Paulo cök kekë Baranaba. Gokï jam në keek, yöökkï keek aläl an, bïk a cool ë tɔ̈u në dhuëëŋ de Nhialic yic.

Luɔi 14:24

Ku të cï kek Pithidia reetic, ke ke bɔ̈ Pampulia.

Luɔi 15:38

Ku lueel Paulo an, cïï piɛth luɔi bï kek raan lɛɛr raan wään ë jël ë kelɔ̈m ë Pampulia, ku reec cath ke keek ë luɔiyic.

Luɔi 16:6

Go Paulo ku kɔc cath ë yen gokï lɔ tëëk Purugia ku piny ë Galatia, ku pën Wëidït ɣer keek në guiëër bï kek jam guiir në Athia.

Luɔi 17:21

(Kɔc ke Athenai kedhie ku kamaan ee tɔ̈u ëtɛ̈ɛ̈n acïn luɔi däŋ yek looi, ee luɔi bï kek ka cï piac bɛ̈ɛ̈i ya lueel tei, ku pïŋ bï kek keek aa piŋ).

Luɔi 18:2

Ku yök Judai tök ëtɛ̈ɛ̈n cɔl Akula, raan cï dhiëëth ë Ponto, ku aa piɛc bɛ̈n ë Yitalia, kekë Pirithila tiiŋde, në biäk de löŋ cïï Kulaudio lueel an, bï Judai jäl ë Roma kedhie. Go bɛ̈n tëde keek,

Luɔi 18:23

Na wën, aacï rëër ëtɛ̈ɛ̈n ë aköölkë, ke jɔ jäl, le piny ë Galatia kuanyic, ayï paan ë Purugia, ke tɔ kɔcpiööcë ril ë gäm kedhie.

Luɔi 2:11

ku kɔc ke Keret, ku kɔc ke Arabia, kek a piŋku ke ke jam në thookkuɔ ë kagöök ë looi Nhialic!”

Luɔi 23:11

Na ɣɔnakɔ̈u, ke Bɛ̈nydït jɔ kɔ̈ɔ̈c ë Paulo lɔ̈ɔ̈m, ku lueel an, “Rit yïpiɔ̈u, Paulo, acït man cï yïn aa cäätɔ në këdï ë Jeruthalem, ke yïn bï dhil aa cäätɔ ë Roma aya.”

Luɔi 27:5

Na wën, aa cuk tëëk ë wɛ̈ɛ̈r ë Kilikia kekë Pampulia, ke wo jɔ ɣet Mura, ee paan töŋ nu Lukia.

Luɔi 28:15

Na wën, ke wɛ̈ɛ̈tamäthkuɔn nu Roma, të cï kek këda piŋ, ke ke jɔ bɛ̈n bei bïk wo bɛ̈n loor aɣet Thuuk de Apio, ku Luëk kadiäk. Na wën, aacï Paulo ke tïŋ, ke jɔ Nhialic leec, go yepiɔ̈u rom.

Luɔi 6:5

Ku löŋë acï kut ë kɔc tɔ mit piɔ̈ɔ̈th kedhie, agokï Thepano lɔc, raan ë gam arëët, ku cï thiäŋ ke Wëidït ɣer, ku Pilip, ku Porokoro, ku Nikanor, ku Thimon, ku Parmena, ku Nikola raan ë bɔ̈ Antiokia ku cï rɔt tɔ ye Judai.

Luɔi 6:9

Na wën, ke kɔc kɔ̈k ë ke jɔt röt, kɔc ke luaŋ ee kɔc guëër thïn luaŋ ë kɔc cɔl Libertinoi, ayï kɔc ke Kurene, ku kɔc ke Alekandaria, kekë kɔc ke Kilikia, ku Athia, ke ke jɔt röt, akɔɔrkï teer në Thepano.

Romai 1:15

Yen tëde ka, yɛn cïï duëër jai, yɛn duëër wëlpiɛth guiëër week aya, wek kɔc nu Roma.

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

2Tim 1:17

ku ɣɔn nu yen ë Roma, acï cök ë kɔɔr en ɛn, abï a yök.

Nyuuth 11:8

Ku gupkɛn cï thou abïk dhɔt piny ë kueer ë pänydïtic pänydïït gök cɔl Thɔdom, ku cɔl Rip, ë cɔ̈t cï yäl kɔ̈u bei, ku ye të cï Bɛ̈nydïïtda piäät thïn aya.