Luɔi 19:9 - JAM DE NHIALIC 2011

⁹ Na wën, aacï kɔc kɔ̈k nïïm riɛl, ke ke reec gäm, ku luelkï kërac në biäk de Kueer në akutnɔm ë kɔc nïïm, go Paulo jäl ë keyiic, ku tɛ̈ɛ̈u kɔcpiööcë pei, go jam wɛ̈ɛ̈r kɔc ë aköölnyïïn kedhie luaŋ de guiëër ë wël, luaŋ de raan cɔl Turano.

Luɔi 19:9 ပူးပေါင်းရင်းမြစ်များ

2 Mel 17:14

Ku keek acïkï ee piŋ, acï kenïïm tɔ ril cï kuarkɛn ɣɔn kën Bɛ̈nydït Nhialicden gam.

2 Lëk 30:8

Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Neɣe 9:29

Acï ke yɔ̈ɔ̈k bïk wëëtdu gam ku në biäk ye kek kenïïm ɣääc, ayek lööŋku rɛɛc, na cakaa nɔn ye muŋ de lööŋku kueer de pïïr. Ayek nïïm riɛl ku reeckï ke gam.

Diɛt 95:8

“Duökï nïïm ee riɛl cï kuarkun ɣɔn në Meriba, wään tɔ̈u kek ee köölë në jɔ̈ɔ̈r de Matha yic.

Kɛ̈ŋ 8:34

Thieitheei në kɔc ë wëlkï piŋ, ku yek ya woi ë ceŋ, ke ke tit bɛ̈ndï bei ɣööt.

Yith 8:14

Në biäk bïï yen aa tëɣeric arëët, Yɛn cït kuur ee kɔc tɔ kɔ̈th, ku Yɛn cït wïn ë dɛ̈p bï kɔc ke ciɛɛŋ de Juda ku kɔc ke ciɛɛŋ de Yithriɛl dɔm ku kɔc ke Jeruthalem.

Jeremia 19:15

an acïï Bɛ̈nydït de rɛm, Nhialic de Yithriɛl lueel an, “Yɛn bï ee pänydïïtë kekë wuöt thiääk ë yen kedhie, luöi këtuc wään cä lueel an bä looi, në biäk riɛl wek nïïm, ku cäkkï kë luɛɛl ee piŋ.”

Jeremia 7:26

Ku acïn raan ee këden gam ku cïn raan piŋ këden. Ku wek cï nïïm riɛl ku rɛɛckï käŋ awär kuarkun.

Math 15:14

Pälkï keek, ayek cöör thel cöör. Ku të thelë cɔɔr, cɔɔr ka bïk lööny ë adhumic keek kaarou.”

Math 16:4

Rem racpiɔ̈u rem ë diëër lei kɔɔr akɔɔr gök, ku acïn gök bï nyuöth en, ee këde tiët Jona tei.” Go ke nyääŋ piny, ku jël.

Math 26:55

Ee thaar manë guöp, ke Yecu yöök kuut ke kɔc, an, “Ë we bɔ̈ biic cït man ë ka yïn raan tɔŋ, raan ë käŋ rum, ke we muk abätɛ̈ɛ̈u ku thieec, bäk a bɛ̈n dɔm? Ë aköölnyïïn kedhie yɛn ë rëër wo week ëtök Luaŋdït, ke ya wɛ̈ɛ̈t, ku wek kën a dɔm.

Jɔn 12:40

“Acï keek tɔ cɔɔr nyïïn, ku tɔ ke ril piɔ̈ɔ̈th, Ke ke cïï bï daai ë kenyïïn, ku cïkï käŋ bï yök ë kepiɔ̈ɔ̈th, Agokï kepiɔ̈ɔ̈th puk, Aguɔ ke tɔ dem.

Luɔi 11:26

Go yök, ku bïï Antiokia. Gokï aa guëër ɣön ë Nhialic ëtök ku thölkï ruöön tök ëtɛ̈ɛ̈n, ke ke ye kut dïït ë kɔc wɛ̈ɛ̈t. Ku kɔcpiööcë aake kɔnë tɔ ye Kërthiaan në Antiokia.

Luɔi 14:4

Ku kut ë kɔc nu pänydït acïk röt tek, kɔc kɔ̈k acïk mat ë Judai, ku mät kɔc kɔ̈k ë tuuc.

Luɔi 17:4

Go kɔc kɔ̈k gam, ku mɛ̈tkï ë yï Paulo kekë Thila, ayï rem dïït ë Girikii riëëu Nhialic, kekë diëër dït diëër juëc ëmääth.

Luɔi 19:23

Ku ë aköölkë gup, anuɔɔn dït acï rɔt cak në këde Kueer ë Bɛ̈nydït.

Luɔi 19:30

Na wën, ke Paulo de piɔ̈u luɔi bï en lɔ thïn të nu kɔc, ku jɔ pëën ë kɔcpiööcë.

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

Luɔi 22:4

Yɛn aaye kɔc cath ë Kueerë yɔŋ athou kek, ku aake ya duut, ku mac keek ë aloc yiic, röör ayï diäär.

Luɔi 24:21

ee jam töŋë tei, jam wään cɔ̈ɔ̈t ɛn wään kääc ɛn ë keyiic an, ‘Në këde jönërɔt ë kɔc cï thou, yen a guiirë löŋdï ë wenïïm ee köölë.”’

Luɔi 28:22

Wo de piɔ̈ɔ̈th tei, luɔi bï wok kë bä lueel piŋ, ku na ee remë, aŋicku nɔn lueelë kɔc ater ë yen ë baai nɔm ëbɛ̈n.”

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Luɔi 9:2

le ku kɔɔr awereek tëde yen awereek bï gäär kɔc ke ɣööt ke Nhialic ë Damathko an, të de yen kɔc cï yök kɔc cath ee Kueerë, nɔn ee kek röör, ku nɔn ee kek diäär an, bï ke bɛ̈ɛ̈i Jeruthalem, ke ke mac.

Romai 11:7

Jɔ aa ŋö? Yithriɛl akën kë kɔɔr yök, ku biäk cï lɔc, yen acï yök, ku kɔc kɔ̈k acï ke tɔ ril nïïm,

Romai 9:18

Yen tëde ka, ee piɔ̈u kok kekë raan nu ë yepiɔ̈u, ku raan cï tak an, bï tɔ ril nɔm, ke tɔ ril nɔm.

1 Kor 16:9

Gökdïït ë kueer acï liëp ɛn, kueer duɛ̈ɛ̈r ɛn käŋ lëu ë ye, ku kɔc de ater ajuëckï.

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

2Tim 1:15

Cöökë aŋic an, kɔc nu Athia acïk röt yal wei ë yalɔ̈ɔ̈m kedhie, kɔc deyiic yï Pugelo kekë Kermogene.

2Tim 3:5

kɔc ee röt tɔ cït ka cath në riëëu de Nhialic, ku yek riɛlde jai. Ye rɔt yal wei ë kɔckë lɔ̈m.

2Tim 4:2

an, Ye jam guiir, ye yic lɛ̈th ë luɔi ëkööl piɛth, ayï kööl rac: ye kɔc jɔ̈ɔ̈ny, ye kɔc nen, ye kɔc riit piɔ̈ɔ̈th, ke yï lirpiɔ̈u ë thuaat në wëët ee yïn kɔc wɛ̈ɛ̈t.

Ɣeberuu 3:13

Ku yak wepiɔ̈ɔ̈th riit wapäc aköölnyïïn kedhie. Ke bï ciën raan töŋ bï nɔm riɛl ë weyiic të cïï kërac e math. Në luɔi ŋoot En ke cöt “Ee köölë.”

2 Pet 2:12

Ku kɔckë, kɔc cït läi röör cïn nïïm, läi ke piny tei, läi cï cak në döm bï ke dɔm, ku ɣäth bï kek ɣäth, ayek ka kuckï lat, ku abïk määr ëtaiwei në ɣäthdɛn bï kek ɣäth,

2 Pet 2:2

Ku kɔc juëc abïk täudɛn ye kek käŋ riɔ̈ɔ̈k dɔmic, agokï kueer ë yic tɔ lat ë län rac.

Juda 1:10

Ku kɔckë, të de yen ka kuckï ka yek ke lat, ku të de yen ka ŋickï në täudɛn cï cäk ke, cït man ë läi cïn nïïm, ka yek röt riɔ̈ɔ̈k ee kakë.