Luɔi 19:8 - JAM DE NHIALIC 2011

⁸ Go Paulo lɔ luaŋ ë Nhialic, ku ye wël guiir ke ye nyin riɛl ë pɛ̈i kadiäk, aaye käŋ wɛ̈ɛ̈r yiic kɔc, ku wëët keek apiɛth në këde ciɛɛŋ de Nhialic.

Luɔi 19:8 ပူးပေါင်းရင်းမြစ်များ

Luɔi 1:3

ɣɔn cï en käŋ thöl ë guöm, ke jɔ rɔt nyuöth keek ke pïïr. Në kajuëc bïk ŋic ëgɔk, aaye tuöl tëde keek ë nïn kathiërŋuan, ku jɔ ya cool ë luel jam ë ka ke ciɛɛŋ de Nhialic.

Luɔi 13:14

Na wën, aa cïk jäl ë Perga, ke ke bɔ̈ Antiokia nu Pithidia, gokï lɔ Luaŋ ë Nhialic ë kööl ë Thabath, lek ku nyuckï.

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Luɔi 14:1

Na wën, të nu kek Yikoniom, ke ke lɔ luaŋ ee Judai lɔ̈ŋ thïn, keek kaarou ëtök, ku jɔkï kɔc guiëër, ago kut dïït ë kɔc gam, Judai ayï Girikii aya.

Luɔi 17:17

Go lɔ luaŋ ee Judai lɔ̈ŋ thïn, le wël guiir kekë Judai, ku kɔc kɔ̈k riëëu Nhialic, ku ye lɔ ë thuukic ë aköölnyïïn kedhie le wël guiir kekë kɔc cï yök ëtɛ̈ɛ̈n.

Luɔi 18:19

Go bɛ̈n Epetho, ku nyiëëŋ keek piny ëtɛ̈ɛ̈n. Na wën, ke yenguöp ke lɔ luaŋ ë Nhialic, le wël guiir kekë Judai.

Luɔi 18:26

Go jam gɔl luaŋ ë Nhialic ke ye nyin riɛl. Na wën, acï Akula kekë Pirithila e piŋ, ke leerkï ɣönden, ku wëëtkï apiɛth në kueer ë Nhialic.

Luɔi 18:4

Go wël aa guiir luaŋ ë Nhialic ë akööl ke Thabath kedhie, ke bï Judai tɔ gäm wëlke, ayï Girikii.

Luɔi 19:10

Ee kënë looi ë run kaarou, ago kɔc rɛ̈ɛ̈r ë Athia ëbɛ̈n gokï jam ë Bɛ̈nydït piŋ, Judai ayï Girikii.

Luɔi 19:7

Kuën ee kɔckë acït thiëër ku rou kedhie.

Luɔi 19:9

Na wën, aacï kɔc kɔ̈k nïïm riɛl, ke ke reec gäm, ku luelkï kërac në biäk de Kueer në akutnɔm ë kɔc nïïm, go Paulo jäl ë keyiic, ku tɛ̈ɛ̈u kɔcpiööcë pei, go jam wɛ̈ɛ̈r kɔc ë aköölnyïïn kedhie luaŋ de guiëër ë wël, luaŋ de raan cɔl Turano.

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.