Luɔi 19:34 - JAM DE NHIALIC 2011

³⁴ Na wën, aa cïk e ŋic nɔn ee yen Judai, ke ke cöt aläl në röl tök, ku cötkï ë kë cït thaar kaarou, luelkï an, “Diana de Epetho yen adït.”

Luɔi 19:34 ပူးပေါင်းရင်းမြစ်များ

1 Mel 18:26

Gokï miɔɔr cï gäm ke nööm, ku kïïtkï, ku läŋkï Baal, aake gɔl lɔ̈ŋ ɣɔn amiäk abï akɔ̈l rɔt puk. Aake ye cööt aläl, an, “Baal piŋ jamda!” Colkï ke ke riäŋ ke ke geeu yïïŋ cïk yïkë piny. Ago ciën röl piŋkï, ku cïn raan piŋ këden.

Math 6:7

Ku të läŋ wek, duökï wël ë nyɔ̈ɔ̈kic në ɣɔ̈ric, cït man ë juöör kuc Nhialic, ayek lueel ë kepiɔ̈ɔ̈th an, bï këden aa piŋ në baŋ de jam juëc luelkï.

Luɔi 16:20

Na wën, ke ke leerkï ë bäny ee löŋ guiir nïïm, ku luelkï an, “Kɔc ke Judaikë, ayek pänydandït jut aläl në jamden.

Luɔi 19:24

Ade raan cɔl Demeturio, atën ee ateek thɔ̈ɔ̈th, raan ë kathii ye ke Diana lam cuëëc ë ateek, ku ye atëët kɔ̈k tɔ yök wëu juëc.

Luɔi 19:26

Ku tiëŋkï aya ku piɛŋkï, nɔn cï Paulo kɔc juëc wëŋ ku yɛl keek wei, acie Epetho etök, ee piny de Athia nɔm ëbɛ̈n, aye keek yɔ̈ɔ̈k an, ka ye cuëëc ë kɔc cin, acïkï ee Nhialic.

Luɔi 19:28

Na wën, aa cïk jamë piŋ, ke ke göth aläl, ku jɔkï cööt an, “Diana de Epetho yen adït!”

Luɔi 19:33

Gokï Alekandaro tuɛɛl ë kut ë kɔc nïïm, ee Judai kek aa tɛ̈ɛ̈u en tueŋ. Go Alekandaro kɔc nieu ë yecin, akɔɔr luɔi bï en këde lueel ë kut ë kɔc nïïm.

Luɔi 19:35

Na wën, ke raan ee kake pänydït gɔ̈ɔ̈r ke jɔ kut ë kɔc tɔ lɔ diu, ku jɔ lueel an, “Week, kɔc ke Epetho, de raan kuc pänydït Epetho, nɔn ee yen tïn ë luaŋ de Diana, gök de yanh ë tik, ku nɔn ee yen tïn ë kë cï lööny piny tënhial në Dhio?

Romai 2:22

Yïn raan ee kɔc yɔ̈ɔ̈k an, “Duökï ë lɔ në diëër lei”, ye lɔ we diëër lei yïn? Yïn raan ë yiëth maan, ye luëk ke Nhialic tɔ nhiany yïn?

Nyuuth 13:4

agokï ŋuäl lam, ŋuäl cï lɛ̈n rac gäm riɛlde, ku lamkï lɛ̈n rac, luelkï, an, “Eeŋa kït kekë lɛ̈n rac? Ku ye ŋa duëër biök ke ye?”