Luɔi 19:22 - JAM DE NHIALIC 2011

²² Go kɔc kaarou tuɔɔc Makedonia ë kɔc yiic kɔc ee yen kony, Timotheo kekë Erathato, ku döŋ guöp Athia ë aköölkë.

Luɔi 19:22 ပူးပေါင်းရင်းမြစ်များ

Luɔi 13:5

Na wën, aa cïk ɣet Thalami, ke ke jɔ jam ë Nhialic guiir ë ɣööt ke Nhialic ye Judai ke lɔ̈ŋ thïn. Ku cath Jɔn ke keek, ee raan bï këden aa looi.

Luɔi 16:1

Go ɣet Derbe ku Luthura aya, ku ade raanpiööcë ëtɛ̈ɛ̈n, cɔl Timotheo, wën ë tiiŋ cï gam, ku ye nyan e Judai, ku wun ee Girikii.

Luɔi 16:3

Ku Paulo ade piɔ̈u luɔi bï mɛnhë cath kekë yen, go nööm ku cueel, në biäk de Judai rɛ̈ɛ̈r ëtɛ̈ɛ̈n, wun aŋic kɔc kedhie nɔn ee yen Girikii.

Luɔi 18:5

Na wën, aacï Thila bɛ̈n Makedonia kekë Timotheo, ke Paulo jieth piɔ̈u, go cök ë guïïr en Judai an, Yecu yen aye Kërtho.

Luɔi 19:10

Ee kënë looi ë run kaarou, ago kɔc rɛ̈ɛ̈r ë Athia ëbɛ̈n gokï jam ë Bɛ̈nydït piŋ, Judai ayï Girikii.

Luɔi 19:21

Na wën, aacï kakë thök, ke lueel Paulo e yepiɔ̈u an, bï lɔ Jeruthalem, të cï en tëëk Makedonia ku Akaya, alueel an, “Na ëlëmiäk, të cän lɔ tɛ̈ɛ̈n, ke yɛn bï Roma dhil tïŋ aya.”

Luɔi 19:29

Go pänydït a wënwën ëbɛ̈n. Gokï Gayo dɔm kekë Aritharko, kɔc ke Makedonia, kɔc ee cath ë Paulo, ku lek ë riaaŋdïtic ke ke riŋ ë piɔ̈n tök, riaaŋ wën ee kɔc guëër thïn.

Luɔi 20:1

Na wën, aacï anuɔɔn jɔ thök, ke Paulo cɔl kɔcpiööcë, ku jɔ ke riit piɔ̈ɔ̈th, na wën, ke ke tɛ̈ɛ̈ŋ, ku jël le Makedonia.

Luɔi 20:34

Week wegup aŋiɛckï, nɔn ee cinkiënkë kek aa muk ɛn, ayï kɔc wään cath në yɛn aya.

Romai 16:23

Wek thiëëc Gayo raan cï a tɔ ye kaman, ku ye raan cï kɔc ke ɣön ë Nhialic tɔ ye kaman ëbɛ̈n. Wek thiëëc Erathato raan ë ka ke pänydït döt, kekë Kuarto mɛnhkënëda.

2 Kor 1:16

Ku nɔn bän tëëk ë welɔ̈m ke ya lɔ Makedonia, aguɔ a nɔm pɔ̈k Makedonia bä tëde week, ke we bï a ruac kueer lɔ Juda.

2 Kor 11:9

Ku të wään rɛ̈ɛ̈r ɛn wo week, akööl ë de en kë dak ɛn, acïn raan cä miɛn, në kën ee ya dak, aye mïthëkɔckuɔ yiɛ̈n ɛn abä kuɛth, mïthëkɔckuɔ ë bɔ̈ Makedonia, ku yɛn aaye rɔt muk në këriëëc ëbɛ̈n aguɔ we cuö min, ku yɛn bï rɔt muk ë muŋdï.

2 Kor 2:13

Acïn lɔ̈ŋ cä yök ë yapiɔ̈u, luɔi kɛ̈n ɛn Tito mɛnhkäi yök: aguɔ kɔckë tɔ̈ɔ̈ŋ, guɔ jäl ëtɛ̈ɛ̈n la Makedonia.

2 Kor 8:1

Ku däŋ kï, wek tɔku ŋic dhuëëŋ de Nhialic piɔ̈u, wek mïthëkɔckuɔ, dhuëëŋ cï yiɛ̈n ɣööt ke Nhialic ke Makedonia.

2 Kor 8:19

Ku acie kënë etök, ee raan cïï ɣööt ke Nhialic lɔc an, buk cath ëtök ë yen, lok kë cï gam ëdhuëëŋë looi, ke Bɛ̈nydït bï dhuëëŋ yök, ku luɔi kɔɔr wok nɔn bï wo kɔc kony.

1 Theth 1:8

Luɔi cä wek jam de Bɛ̈nydït tɔ kök abï kɔc piŋ, acie Makedonia kekë Akaya kapäc, gämduön cä wek Nhialic gam acï thiëi ë thäi nɔm ëbɛ̈n, ku acïn ke buk dhil lueel.

2Tim 4:20

Erathato acï döŋ Korinth: ku Toropimo acä nyääŋ Mileto ke de guöp juäi.