Luɔi 18:8 - JAM DE NHIALIC 2011

⁸ Ku Kirithipo, bɛ̈ny ë luaŋ ë Nhialic, acï Bɛ̈nydït gam kekë dhiënde ëbɛ̈n, ku gam Korinthoi juëc ayadäŋ, të cï kek jam piŋ, ago ke baptith.

Luɔi 18:8 ပူးပေါင်းရင်းမြစ်များ

Cäk 17:27

Ayï röör rɛ̈ɛ̈r në yen, röör ë dhiëth ɣönde, ku kɔckɛn ë ɣɔɔc tëde kɔc kɔ̈k, acï keek bɛ̈n cueel në keek ëtök ayadäŋ.

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Mak 5:22

Na wën, ke bɛ̈ny tök bɔ̈ bɛ̈ny töŋ de luaŋ de Nhialic, cɔl Jairo, na wën, aacï e tïŋ, ke cuɛt rɔt piny ë yecök,

Mak 5:35

Të ŋoot en ke jam, ke kɔc ë ke bɔ̈ ɣön ë bɛ̈ny de luaŋ de Nhialic, kɔc bï e bɛ̈n lueel, an, “Nyandu ë thou: eeŋö ŋoot yïn ke yï jut Bɛ̈ny ë wëët?”

Luɔi 10:2

Ee raan rïïu Nhialic, ku ye ka ke Nhialic kɔɔr, yen kekë dhiënde ëbɛ̈n, ku ye adhuɛ̈ŋ ee kɔc miɔɔc aya, ku ye cool ë läŋ Nhialic ë aköölnyïïn kedhie.

Luɔi 11:14

Yen abï week lɛ̈k wël, wël bï yï kony wëi wekë dhiëndu ëbɛ̈n.’

Luɔi 13:15

Na wën, të cï löŋ guɔ thök ë kuɛ̈n kekë tït, ke bɛ̈ny ë luaŋ ë Nhialic ke tuc raan keek an, “We wäthii, na de jam bäk guiëër kɔc, luɛlkï këdun.”

Luɔi 16:34

Na wën, ke ke bïï ɣönde, ku tɛ̈ɛ̈u këcam ë kenïïm, ke mit piɔ̈u aläl, kekë dhiënde ëbɛ̈n, në gäm wën cï kek Nhialic gam.

Luɔi 18:1

Na wën, aacï kakë thök, ke jël ë Athenai, bï Korinth.

Luɔi 18:17

Go Girikii kedhie gokï Thothene dɔm, yen aye bɛ̈ny de luaŋ ë Nhialic, ku duikï ɣöt thok ɣön ee löŋ guiir thïn. Ku Galio akën yecin tuɛɛl thïn, aa rɛ̈ɛ̈r.

Luɔi 19:1

Na wën, të ŋoot Apolo ke tɔ̈u ë Korinth, ke Paulo bɔ̈ Epetho, të cï en bɛ̈i rɛɛr caath yiic, ku yök kɔc töktöök ëtɛ̈ɛ̈n kɔcpiööcë:

Luɔi 8:12

Na wën, aa cïk jam de Pilip gam, wään guïïr en ka ke ciɛɛŋ de Nhialic ku rin ke Yecu Kërtho, ke ke baptith, röör ayï diäär.

1 Kor 1:2

Awerek en gɛ̈ɛ̈rku ɣön ë Nhialic nu Korinthoi, kɔc wën cï tɔ ɣerpiɔ̈ɔ̈th ë Yecu Kërtho yic, kɔc wën cï cɔɔl bïk aa kɔc piɛthpiɔ̈ɔ̈th, kekë kɔc kedhie kɔc nu ë wuöt yiic ëbɛ̈n, kɔc ee rin ke Yecu Kërtho Bɛ̈nydïïtda cɔɔl, ee Bɛ̈nyden keek ku ye Bɛ̈nyda wook.

2 Kor 1:1

Yɛn Paulo, tuny ë Yecu Kërtho në këde piɔ̈n ë Nhialic, wokë Timotheo mɛnhkënëda. Awerek en gɛ̈ɛ̈rku ɣön ë Nhialic nu Korinth, kekë kɔc ɣerpiɔ̈ɔ̈th kedhie kɔc nu Akaya ëbɛ̈n:

2 Kor 1:23

Ku yɛn cɔl Nhialic bï aa cäätɔdï në këde yɛnpiɔ̈u an, Päl päl ɛn week en a ŋuɔɔt ɛn ke ya kën bɛ̈n Korinth.

2 Kor 6:11

Wo cï wothook liëp week, wek Korinthoi, wo cï piɔ̈ɔ̈th lääu ë këdun.

2Tim 4:20

Erathato acï döŋ Korinth: ku Toropimo acä nyääŋ Mileto ke de guöp juäi.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”