Luɔi 18:5 - JAM DE NHIALIC 2011

⁵ Na wën, aacï Thila bɛ̈n Makedonia kekë Timotheo, ke Paulo jieth piɔ̈u, go cök ë guïïr en Judai an, Yecu yen aye Kërtho.

Luɔi 18:5 ပူးပေါင်းရင်းမြစ်များ

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Jeremia 6:11

Agönhduön göth yïn we keek Bɛ̈nydït, ee dëp në ya yic ayadäŋ, ku acïn luöi duɛ̈ɛ̈r ɛn en bɛ muk.” Na wën, go ë Bɛ̈nydït lɛ̈k ɛn an, “Wälë agönhdï në mïth gup në kuɛɛriic ku në amɛɛt ke dhuök yiic. Ku moc ku tik abï keek jat wei, acakaa raandït cï dhiɔp arëët acïï bïï pɔ̈l.

Edhekiɛl 3:14

Go wëi yɛn gɔpic ku leerkï yɛn të däŋ. Riɛl de Bɛ̈nydït yen aciɛɛth ɛn, guɔ piɔ̈u diu ku gɔ̈th.

Maika 3:8

Na yɛn, yɛn thiäŋ wokë riɛl ku Wëi ke Bɛ̈nydït. Yɛn cï riit piɔ̈u, ku gëmë ya yic, bän baai de Yithriɛl lɛ̈k awänyden, ku guiëër keek kërɛɛc cïk looi.

Luk 12:50

Ku yɛn de baptith bï a dhil baptith ë ye, ku yɛn cï piɔ̈u jiɛth aläl të ŋoot en ke kën kɔn thök!

Luk 16:28

wɛ̈ɛ̈tamäthkuɔ anukï kadhïc, toc abï aa cäätɔ bï ke lɔ cök ë yöök en ke, ke ke cïï bï bɛ̈n ee tënë aya, të ye kɔc leeŋ wëi thïn.’

Jɔn 1:41

Go Thimon mänhë guöp kɔn yök, ku lëk en, an, “Wok ë Mathia yök (yen aye Kërtho, në thoŋda).

Jɔn 10:24

Na wën, ke Judai ke ke bɔ̈ geeukï cil, yöökkï an, “Bä wo tɔ wiël ë kaamic ananda? Na yee Kërtho, ke lɛ̈kë wook abuk piŋ.”

Jɔn 15:27

Ku wek ee cäätɔ ayadäŋ, luɔi nuö wek në yɛn ëtök në göl e gɔlë käŋ.

Jɔn 3:28

Week gup wek e cäätɔɔ në kë cä lueel, an, ‘Yɛn cie Kërtho, ku yɛn aa kɔnë tuööc ë yenɔm tueŋ.’

Luɔi 10:42

Ku acï wo yɔ̈ɔ̈k an, buk kɔc aa guiëër ku yok cäätɔɔke an, ee yen ee raan cïï Nhialic dɔm aye Bɛ̈ny ee löŋ guiir löŋ de kɔc pïïr ayï kɔc cï thou.

Luɔi 15:22

Go tuuc ku röördït ku ɣön ë Nhialic ëbɛ̈n agokï löŋ mat ë kepiɔ̈ɔ̈th, an, bïk kɔc cï lɔc në remdenic tuɔɔc Antiokia, bïk cath ë Paulo kekë Baranaba, ke yï Judath cɔl Barthaba, ku Thila, röördït ë kɔc yiic,

Luɔi 16:1

Go ɣet Derbe ku Luthura aya, ku ade raanpiööcë ëtɛ̈ɛ̈n, cɔl Timotheo, wën ë tiiŋ cï gam, ku ye nyan e Judai, ku wun ee Girikii.

Luɔi 16:12

Ku jëlku, ëtɛ̈ɛ̈n lok Pilipoi, yen aye pänydït de naamdɛn dït ë Makedonia biäkë, ku ye piny cï Romai ɣap thïn aya, agoku rëër ë pänydïïtë aköölkë.

Luɔi 16:9

Ku tul raan tëde Paulo wakɔ̈u ke ee nyuöth, ee raan ë Makedonia akääc ke läŋ, an, “Bä lɔŋda paan ë Makedonia, bä wo bɛ̈n kony!”

Luɔi 17:3

ee käŋ weer thäär, ku nyuth keek apiɛth an, “Kërtho acï käŋ dhil guum, ku be rɔt jɔt ë kɔc cï thou yiic, ku ye lueel aya, an, Yecuyë, raan guiëër ɛn week këde, yen aye Kërtho.”

Luɔi 18:28

Aaye Judai tiaam ë wël arëët ë kɔc nïïm, në nyuuth ee yen keek nyuööth ë gɔk në kacïgɔ̈ɔ̈r, an, Yecu yen aye Kërtho.

Luɔi 2:36

“Na ënɔɔnë, tɔ baai de Yithriɛl ëbɛ̈n tɔ ŋic cöökë ëgɔk an, Yecu manë, raan wään cäk piäät ë tim cï rïïu nɔm kɔ̈u, yen acïï Nhialic tɔ ye Bɛ̈nydït ku tɔ ye Kërtho aya!”

Luɔi 20:21

Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Luɔi 20:23

Wëidït ɣer tei ayek aa cäätɔ, lëk ɛn ë pɛ̈ɛ̈nydït yiic ëbɛ̈n an, joth ku këtuc bä guum atitkï yɛn ëtɛ̈ɛ̈n.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 4:20

Ku wo cïï aguiɛɛr duëër pɔ̈l në ka cuk tïŋ ku piŋku ke.”

Luɔi 9:22

Ku jɔ Thaulo rɔt ŋuak ë riɛl, ku ye Judai rɛ̈ɛ̈r ë Damathko guut ë löŋ, ke nyuuth keek ëgɔk, nɔn ee Yecu yen ee Kërtho guöp.

2 Kor 1:19

Wën ë Nhialic, Yecu Kërtho, raan ë wok rinke guiir ë weyiic, wo wokë Thiluano ku Timotheo, yen aacïï ye “Ɣɛɛ” ku be aa “Ei,” käŋ ayek “Ɣɛɛ” tëde yen.

2 Kor 11:9

Ku të wään rɛ̈ɛ̈r ɛn wo week, akööl ë de en kë dak ɛn, acïn raan cä miɛn, në kën ee ya dak, aye mïthëkɔckuɔ yiɛ̈n ɛn abä kuɛth, mïthëkɔckuɔ ë bɔ̈ Makedonia, ku yɛn aaye rɔt muk në këriëëc ëbɛ̈n aguɔ we cuö min, ku yɛn bï rɔt muk ë muŋdï.

2 Kor 5:14

Nhiëër ë Kërtho ee wo cieŋ, ayok lueel alë an, thon ë thuowë raan tök në biäk de raan ëbɛ̈n, ka yen thon cï raan thou ëbɛ̈n ka.

Pilipoi 1:23

Yɛn ë miɛn ë kaamden kaarou, yɛn cïï ŋɔ̈ɔ̈ŋ de jäl dɔm, jäl jäl ɛn aguɔ tɔ̈u wokë Kërtho ëtök, yen aŋuän arëëtdït.

1 Theth 3:2

agoku Timotheo tooc, mɛnhkënëda, ku ye raan ee ka ke Nhialic looi, raan ee wok luui ëtök në wëlpiɛth ke Kërtho, acuk tooc luɔi bï en week tɔ kääc apiɛth, ku riit wepiɔ̈ɔ̈th ë gämduön cä wek gam,

1 Theth 3:6

Ku ënɔɔnë, të cï Timotheo lɔ bɛ̈n ë welɔ̈m bï tëde wook, ke bïï jam piɛth jam de gämdun ku nhiëërdun, ayï täŋ aa wek cool ë tak wook apiɛth ëcaŋɣɔn, ku nɔn kaar wek tïŋ bä wek wo tïŋ aläl, acït man kɔɔr wok tïŋ bï wo we tïŋ ayadäŋ.

1 Pet 5:12

Yɛn ë awerek cekë tɔ luëthë week ë Thiluano, raan ŋiɛc nɔn ee yen mɛnhkënëdan adöt, acä gäär week riɛɛt ɛn wepiɔ̈ɔ̈th, ku ta rɔt ee cäätɔ në cöökë an, kënë ee dhuëëŋ de Nhialic piɔ̈u dhuëëŋ yic, dhuëëŋ kääc wek thïn.