Luɔi 18:26 - JAM DE NHIALIC 2011

²⁶ Go jam gɔl luaŋ ë Nhialic ke ye nyin riɛl. Na wën, acï Akula kekë Pirithila e piŋ, ke leerkï ɣönden, ku wëëtkï apiɛth në kueer ë Nhialic.

Luɔi 18:26 ပူးပေါင်းရင်းမြစ်များ

Kɛ̈ŋ 1:5

Kek ee kɛ̈ŋkë aduëërkï raan pelnɔm ŋuak aya në pɛlënɔm, ku gëmkï raan ë käŋ yökiic kïït lɔ gɔk.

Kɛ̈ŋ 25:12

Pïŋ de jäny ë raan pɛlënɔm ee ciët yöŋ de adhääp ku kaläk de naamden.

Kɛ̈ŋ 9:9

Wɛ̈ɛ̈të raan pelnɔm, ke bï pɛlënɔmde ŋuakic, ku wɛ̈ɛ̈të raan ɣer piɔ̈u, ke bï wëët.

Yith 58:1

Aye Bɛ̈nydït lueel an, “Wuɔukï në röldït, cït të duëër röldun cuööp. Lɛ̈kkï kɔckiën ke Yithriɛl awɛ̈ɛ̈cken!

Mak 10:15

Wek yɔ̈ɔ̈k ëyic an, Raan reec ciɛɛŋ de Nhialic nööm cït man ë mɛnhthiinakäŋ, ka cïï bï lɔ thïn ëtaiwei.”

Luk 19:26

Wek yɔ̈ɔ̈k an, “Raan cath ke käŋ abï miɔɔc, ku raan cïn ka cath ke yen, acakaa kë cath ke yen abï nööm tëde yen.

Luk 24:27

Na wën, ke ke wëër jam nu ë kacïgɔ̈ɔ̈r yiic kedhie, jam de yenguöp, gɔl ë Mothe aɣɔ̈l tït kedhie.

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Luɔi 14:3

Agokï ceŋ ëtɛ̈ɛ̈n ë akööl juëc ku yek wël guiir ke ke ye nyïïn riɛl ë Bɛ̈nydïtic, ago Bɛ̈nydït aa cäätɔ de jam de dhuëëŋ de yenpiɔ̈u, go göök tɔ loi ë kecin, ku ka gɛ̈iyë kɔc.

Luɔi 18:18

Na wën, ke Paulo ŋoot ke rɛ̈ɛ̈r ëtɛ̈ɛ̈n ë nïn juëc, na ɣɔn, ke tɔ̈ŋ wäthii, ku jël le Thiriya në abël, ku cath Pirithila ku Akula në yen, acï e nɔm muut ë Kenkuria: në këde jam wään cï lɛ̈k Nhialic.

Luɔi 18:25

Monyë acï wëët në kueer ë Bɛ̈nydït, ku ye raan lëthic, go kɔc guiëër ku wëët keek në ka ke Bɛ̈nydït ke cïn cöök wɛ̈ɛ̈c, ku ŋoot ke ŋic baptith ë Jɔn tei.

Luɔi 19:8

Go Paulo lɔ luaŋ ë Nhialic, ku ye wël guiir ke ye nyin riɛl ë pɛ̈i kadiäk, aaye käŋ wɛ̈ɛ̈r yiic kɔc, ku wëët keek apiɛth në këde ciɛɛŋ de Nhialic.

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Luɔi 8:31

Go lueel an, “Duɛ̈ɛ̈r ŋic adï, të cïn en raan bï a bɛ̈n nyuööth?” Go Pilip lɔ̈ŋ an, bä nhial, nyuc ë yalɔ̈ɔ̈m.

1 Kor 12:21

Ku nyin acïï ciin duëër yɔ̈ɔ̈k an, “Yïn cä kɔɔr!” Ayï nɔm, acïï cök duëër yɔ̈ɔ̈k an, “We cä ke kɔɔr!”

1 Kor 3:18

Në cïn raan ee rɔt math. Na de raan ë weyiic raan ee rɔt tɔ ye raan pelnɔm ë pinyë nɔm, ë ye rɔt tɔ ye dhɔ̈n, luɔi bï en aa raan pelnɔm.

1 Kor 8:2

Ku të lueelë raan en, an, ŋic käŋ, ke ŋoot ke kuc käŋ kë cït kë bï dhil ŋic.

Ɣeberuu 6:1

Ënɔɔnë dï, jɔku wëët ë gɔl tueŋë në kë de Kërtho nyääŋ piny, ku jɔku lɔ tueŋ në wëët ë kɔc cï gïu, acïn këërkëër däŋ buk nyɔk ë tɛ̈ɛ̈u piny, ee yen aa gɔl ë wëëtda ɣɔn thɛɛr, yï wëët ë puŋëpiɔ̈u në luɔi cï thou ku lɔda në gäm de Nhialic yic.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.