Luɔi 18:25 - JAM DE NHIALIC 2011

²⁵ Monyë acï wëët në kueer ë Bɛ̈nydït, ku ye raan lëthic, go kɔc guiëër ku wëët keek në ka ke Bɛ̈nydït ke cïn cöök wɛ̈ɛ̈c, ku ŋoot ke ŋic baptith ë Jɔn tei.

Luɔi 18:25 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Diɛt 119:1

Thieithieei në kɔc ee cath në kuɛɛr cïn yiic gääk, ku yek ceŋ ke ke döt lööŋ ke Bɛ̈nydït.

Diɛt 67:2

ago pinynɔm ëbɛ̈n këde piɔ̈ndu ŋic, ku ŋic juöör ëbɛ̈n konyduön ë wëi.

Yith 40:3

Röl adhiau an, “Guiɛɛrkï kueer de Bɛ̈nydït në jɔ̈ɔ̈ric, Napkï kueer de Nhialicda në jɔ̈ɔ̈ric!

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Ɣodh 14:9

Go Ɣodhiya lɛ̈k keek alëyɔ̈ɔ̈ an, “Na de raan pel nɔm? Ke yök ee kakë yiic kedhie. Kuɛɛr ke Bɛ̈nydït ayek yith, ku aye kɔc piɛthpiɔ̈ɔ̈th ke kuany yiic, ku raan reec Bɛ̈nydït, ee tuëk thïn ku wïïk, në biäk ye kek keek dhɔ̈l yiic.

Mak 1:3

Röl de raan cöt ë jɔ̈ɔ̈ric an, ‘Luɔikï kuɛɛr ke Bɛ̈nydït abïk lɔ cit!”’

Mak 12:14

Na wën, ë ke bɔ̈, bïk ku luelkï an, “Bɛ̈ny ë wëët, yïn ŋicku nɔn ee yïn yic lueel, ku acïn raan bï yïn riɔ̈ɔ̈c ë ye, yïn cïï kɔc ë woi gup biic tei, yïn ee kɔc wɛ̈ɛ̈t ë kueer ë Nhialic në yic. Cï päl wook nɔn bï wok Kaithar aa kuöt athölbö, ku cie ye?”

Luk 1:4

Abä ke gäär yïn, ke ke bä ŋic nɔn ee kek yith kek ka cï yï wɛ̈ɛ̈t ë ke.

Luk 7:29

Go kɔc cï wëlkë piŋ kedhie, ayï kɔc ë athölbö tɔ kut, agokï piath ë Nhialic piɔ̈u leec, wën cï ke baptith ë baptinh ë Jɔn.

Luɔi 13:10

ku yöök an, “Yïn, raan cï yic thiäŋ ke ruëëny ku de yïguöp aciɛɛn, yïn wën ë jɔŋdït rac, raan man piathëpiɔ̈u ëbɛ̈n, cïï bï pɔ̈l anandu në yal ee yïn kuɛɛr ke Bɛ̈nydït tɔ yal röt, kuɛɛr lɔ cit?

Luɔi 16:17

Go wo kuany cök wokë Paulo, en ee nyanë, ke ye cööt an, “Röörkë ayek lïïm ke Nhialic Awärjäŋ, kɔc guïïr wook në kueer ë kunydewëi!”

Luɔi 18:26

Go jam gɔl luaŋ ë Nhialic ke ye nyin riɛl. Na wën, acï Akula kekë Pirithila e piŋ, ke leerkï ɣönden, ku wëëtkï apiɛth në kueer ë Nhialic.

Luɔi 19:23

Ku ë aköölkë gup, anuɔɔn dït acï rɔt cak në këde Kueer ë Bɛ̈nydït.

Luɔi 19:3

Goke thiëëc an, “Ku ye baptith ŋö cï we baptith?” Gokï lueel an, “Ee baptith ë Jɔn.”

Luɔi 19:9

Na wën, aacï kɔc kɔ̈k nïïm riɛl, ke ke reec gäm, ku luelkï kërac në biäk de Kueer në akutnɔm ë kɔc nïïm, go Paulo jäl ë keyiic, ku tɛ̈ɛ̈u kɔcpiööcë pei, go jam wɛ̈ɛ̈r kɔc ë aköölnyïïn kedhie luaŋ de guiëër ë wël, luaŋ de raan cɔl Turano.

Luɔi 9:2

le ku kɔɔr awereek tëde yen awereek bï gäär kɔc ke ɣööt ke Nhialic ë Damathko an, të de yen kɔc cï yök kɔc cath ee Kueerë, nɔn ee kek röör, ku nɔn ee kek diäär an, bï ke bɛ̈ɛ̈i Jeruthalem, ke ke mac.

Romai 12:11

Ë cïn raan ë rɔt dak ë luɔide, yak yiic lëth në Wëidït, yak ka ke Bɛ̈nydït looi.

2Tim 2:4

Acïn raan ee luui ke ye raan de tɔŋ ee rɔt nääi ë ka ke pïïrë, luɔi bï en raan ë tɛ̈ɛ̈u en ë luɔi de tɔŋic tɔ mit piɔ̈u kekë yen.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

Bäny 2:22

Yɛn bï Yithriɛl aa them në keek, na bïk cath apiɛth në kueer de Bɛ̈nydït cït man ee kuarken e looi.

1 Tham 12:23

Na yɛn, yɛn cï kuëëŋ në Bɛ̈nydït nɔn bän aa lɔ̈ŋ në biäkdun. Kë bä looi ee luɔi bän we piööc bäk këpiɛth ku yic aa looi.