Luɔi 17:24 - JAM DE NHIALIC 2011

²⁴ Nhialic, Raan ë cak piny ku ka nu ë yenɔm kedhie, luɔi ee yen Bɛ̈nydïït de paannhial ku piny, acie rëër ë luëk yiic, luëk cï yïk ë kɔc cin.

Luɔi 17:24 ပူးပေါင်းရင်းမြစ်များ

Cäk 1:1

Të ɣɔn thɛɛr gɔl ë käŋ, Nhialic ë tënhial cak kekë piny.

Cäk 14:19

Ku thieei Abram lueel an, “Athiɛɛi de Nhialic dïït nhial, Raan ë cak tënhial ku piny abï tɔ̈u ke yïn.

Cäk 14:22

Ago Abram puɔ̈k nɔm en an, “Yɛn ë kuëëŋ në Bɛ̈nydït Nhialic dïït nhial nɔm, Aciëŋ ë cak tënhial ku piny,

1 Mel 8:27

“Ku bï Nhialic rëër ë pinynɔm ë yic? Paannhial ku të nhial, acïï Yï duëër lëu ë muk, ku Luaŋdïït cä yïk duëër Yï muk adï? Cïï koor aläl?

2 Mel 19:15

Ku läŋ Ɣedhekia an, “Bɛ̈nydït Awärjäŋ, Nhialic de Yithriɛl, thöönydu anu ë cerubiim kaarou nïïm nhial, ee Yïn ee Nhialic Yïtök, Yïn amac ciɛɛŋ ke piny nɔm. Yïn aa cak piny ku tënhial.

2 Lëk 2:6

Ku eeŋa lëu bï Yen yiɛ̈k ɣöt, në luɔi cïï paannhial Yen duëër ɣääc? Yɛn ya ŋa në biäk bän Yen yiɛ̈k ɣöt, ee të bïï ë wal ŋïr aa nyop ë Yenɔm tei.

2 Lëk 6:18

“Ee yic Bɛ̈nydït duëërë rëër ë tök wekë röör ku diäär ë piny nɔm? Ei, acakaa paannhial acï yic lääu arëët arëk abï Yïn lɛɛr, ka Luaŋdït cä yïkë, duëër Yïn jɔ lɛɛr adï?

Diɛt 115:16

Paannhial ee këde Bɛ̈nydït yetök, ku acï piny gäm mɛnh ë raan bï cieŋ.

Diɛt 146:5

Thieithieei në kɔc ye konyden Nhialic de Jakop, kɔc tɔ̈u ë aŋäthden në Bɛ̈nydït Nhialinyden yic,

Diɛt 148:13

Takï keek lec rin ke Bɛ̈nydït kedhie! Rinke kek adït në rin ëbɛ̈n, dhuëëŋde anu ë pinynɔm ku paannhial.

Diɛt 24:1

Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

Yith 40:12

De raan duëër dït de abäpdit yic them në yeciin, ku nɔn them en paannhial në yeciin? De raan duëër tiɔɔm de piny nɔm muk në abïny ku nɔn them thiɛk de kuur në kë ye thëm?

Yith 40:28

Cïï ŋic? Kɛ̈në piŋ? Bɛ̈nydït ee Nhialic tɔ̈u athɛɛr, ee yen aa cak ë piny thar ëbɛ̈n. Acie dak ku acie bäp. Acïn raan ee täŋde yökic.

Yith 42:5

Nhialic aa cak paannhial ku thieth keek piny, ku gëm piny ciɛɛŋ ku këriëëc ëbɛ̈n tɔ̈u thïn, ee pïïr ku wëi gäm kɔcke. Ku ënɔɔnë acïï Bɛ̈nydït Nhialic lɛ̈k awuutke.

Yith 45:18

Bɛ̈nydït yen aa cak paannhial, ee yen cɔl Nhialic! Aa kïït piny ku ciɛk, go looi ke ril ëtör ku bï tɔ̈u athɛɛr. Akën looi ke ye kë cï riääk cïn yic kɔc, aa looi ke ye të bïï ë kɔc cieŋ thïn. Ee yen ë luel en an, “Yɛn ee Bɛ̈nydït, ku acïn yanh däŋ nu.

Yith 66:1

Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Jeremia 10:11

(Wek kɔc, abäk dhil lɛ̈k keek, an, yiëth ë cïï tënhial kekë piny loi, abïï ke riɔ̈ɔ̈k. Acïn tëdäŋ bïï kek lɔ thïn ë piny nɔm.)

Jeremia 23:24

Acïn raan duëër thiaan të cän ye duëër tïŋ. Cäkkï ŋic nɔn nuö Yɛn ë piny nɔm ëbɛ̈n paan nhial ku piny?

Jeremia 32:17

“Bɛ̈nydït Awärjäŋ, Yïn cï tënhial kekë piny cak, në riɛlduön dït, acïn kë ril arëët tëde yïn.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Dhek 12:1

Jam de Bɛ̈nydït kï, jam ë bɔ̈ në biäk de Yithriɛl. Bɛ̈nydït ë yen ë cak tënhial kekë piny, ku yïk raanic wëi. Acï lueel an,

Malakai 2:10

Go Malakai lɛ̈k kɔc ke Yithriɛl an, “Wääda cie tök wodhie? Cie Yen ë Nhialic töŋë, Yen ë cak wook wodhie? Ka eeŋö tɔ we dhoŋ löŋ cïï Nhialic gäm wärkuɔ kɔ̈u, wek kën kapiɛth ŋiɛckï an duɛ̈ɛ̈rkï ke luöi röt në kɛmkun wapäc looi?

Math 11:25

Ë aköölkë go Yecu bɛ̈ɛ̈r ku lueel an, “Yïn lɛc nɔm, yïn Wäär, Bɛ̈nydït ë paannhial ku piny, ë luɔi cï yïn kakë mɔ̈ny kɔc pelnïïm, ku kɔc de nïïm, ku nyuöthë ke mïththii thuët.

Math 5:34

Ku yɛn alɛ̈k week an, “Du ee kuëëŋ ee dap looi anandu, du ye kuëëŋ në paannhial, në baŋ yen thööny de Nhialic,

Luk 10:21

Ku në thaar manë guöp ke Yecu jɔ piɔ̈u miɛt në Wëidït, ku lueel an, “Yïn lɛɛc, Wäär Bɛ̈nydït de Paannhial, në luɔi cïn kakë mɔ̈ny kɔc pel ku kɔc de nïïm, ku jɔ keek nyuöth mïththii ateteet: ee yen, Wäär, en acï guɔ miɛt ë yïpiɔ̈u.

Jɔn 1:1

Të ɣɔn thɛɛr gɔlë käŋ Jam aa nu, ku nu Jam kekë Nhialic, ku Jam yen aye Nhialic.

Luɔi 14:15

an, “Wek röör, eeŋö luɔɔi wek kakë? Wok ee kɔc tei, wok kït piɔ̈ɔ̈th ë week! Ku wek guïïrku wëlpiɛth, ke we bï röt yal wei ë kaɣäär yiic cït ee kakë, ku jakï wepiɔ̈ɔ̈th wël Nhialic pïïr, Raan ë cak nhial ku piny ku wɛ̈ɛ̈r, ku ka nu ë keyiic kedhie.

Luɔi 4:24

Na wën, aa cïk jam piŋ, ke ke jɔt keröt lamkï Nhialic në piɔ̈n tök, luelkï an, “Bɛ̈nydït, Yïn Nhialic, Yïn Aciëŋ ë cak paannhial ku piny ku wɛ̈ɛ̈r, ku ka nu ë keyiic kedhie!

Luɔi 7:48

“Ku Awärjäŋ acie rëër ë luëk yiic tei, luëk cï yïk ë kɔc cin, acït nɔn cï ë tiët ye lueel an,

Romai 1:19

Kë duëërë kɔc ŋic në këde Nhialic acï jɔ lɔ gɔk tëde keek, acïï Nhialic nyuöth keek.

Nyöŋ 10:14

Paannhial ya ee këde Bɛ̈nydït, ku piny nɔm ee këde aya, ayï këriëëc tɔ̈u thïn ëbɛ̈n.

Ɣeberuu 1:2

Ku ee nɔn ciëënë, Nhialic acï jam ke wook në Wëndɛn cï lɔc bï käŋ lɔ̈ɔ̈k lak kedhie. Ku ee Yen ë ciɛk ë Nhialic piny.

Ɣeberuu 3:4

Ku dhiën ëbɛ̈n ade raan ee yen looi, ku Nhialic yen aye këriëëc looi ëbɛ̈n.

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.