Luɔi 17:16 - JAM DE NHIALIC 2011

¹⁶ Ku të wään tiitë Paulo keek ë Athenai, ke jɔ piɔ̈u diu nɔn cï en pänydït tïŋ acï rɔt gäm läm de yiëth ëliŋliŋ.

Luɔi 17:16 ပူးပေါင်းရင်းမြစ်များ

1 Mel 19:10

Go lueel, an, “Yɛn göth arëët ë baŋ de Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tïtku në abätäu ku ja döŋ yatök ë giliŋ, ku akɔɔrkï wëikï, bïk a nɔ̈k.”

1 Mel 19:14

Go lueel, an, “Yɛn cï tiɛɛl dɔm Bɛ̈nydït Nhialic de Rɛm, në kë cï kɔc ke Yithriɛl löŋduön cï mac pɔ̈l, ku thuurkï ɣäänkuön ke läm piny, ku näkkï tït ke Nhialic në abätäu, ku ja döŋ yatök ë giliŋ ku akɔɔrkï wëikï bïk a nɔ̈k.”

Diɛt 119:136

Yɛn ee nyin dhiau ë pïïu cït man ë kiir, në biäk cïï kɔc lööŋku ee riëëu.

Diɛt 119:158

Të yan kɔc cïn gäm tïŋ, yɛn ee piɔ̈u jiɛth, në biäk cïï kek lööŋku ee döt.

Diɛt 69:9

Ŋeenydï në biäk ë ɣöndu adɛ̈p ë ya yäc cït mac, lɛ̈ɛ̈t lɛ̈ɛ̈t ë kɔc Yïn ee lööny në yakɔ̈u.

Jeremia 20:9

Ku të luɛɛl yɛn en an, “Yɛn bï nɔm määr ë Bɛ̈nydït, ku yɛn cïï bï bɛ jam ë rinke,” ke jamdu acït many dɛ̈p ë ya yic thïn. Acä them aläldïïtë në luöi bän ye muk, ku acïn luöi duëër yɛn en bɛ lëu në guöm.

Maika 3:8

Na yɛn, yɛn thiäŋ wokë riɛl ku Wëi ke Bɛ̈nydït. Yɛn cï riit piɔ̈u, ku gëmë ya yic, bän baai de Yithriɛl lɛ̈k awänyden, ku guiëër keek kërɛɛc cïk looi.

Mak 3:5

Na wën, aacï keek lieec ke cï ŋeeny, ë piɔ̈u diu në riɛl ril kek piɔ̈ɔ̈th, ke jɔ raan yɔ̈ɔ̈k an, “Riny yïciin.” Go riny: go ciin bɛ piath cït man ë ciin däŋ.

Jɔn 2:13

Dhuëëŋ ë Judai ë guɔ thiɔ̈k, Dhuëëŋ cɔl Winythok, go Yecu lɔ Jeruthalem.

Luɔi 17:15

Go kɔc wën ruɛc Paulo agokï lɛɛr ɣeetkï Athenai, na wën, aacï Paulo ke thɔn an, bïk Thila ku Timotheo yɔ̈ɔ̈k an, bankï wecök, ke we bɔ̈ të nuö yɛn, ke ke jɔ jäl.

Luɔi 17:21

(Kɔc ke Athenai kedhie ku kamaan ee tɔ̈u ëtɛ̈ɛ̈n acïn luɔi däŋ yek looi, ee luɔi bï kek ka cï piac bɛ̈ɛ̈i ya lueel tei, ku pïŋ bï kek keek aa piŋ).

Luɔi 17:23

Wään tɛ̈ɛ̈k ɛn kueer, yɛn ë käŋ tïŋ ka lamkï, aguɔ yïïŋ tök yök aya, yïïŋ de läm, acï gäär kɔ̈u wël, an, ‘Këde Nhialic kucku.’ An, Raan yak lam ke kuöckï, yen a guiëër week ënɔɔnë.

Luɔi 18:1

Na wën, aacï kakë thök, ke jël ë Athenai, bï Korinth.

Luɔi 20:22

Ku ënɔɔnë, yɛn lɔ Jeruthalem, ke yɛn cï mac në wëikï, ka bä yök ëtɛ̈ɛ̈n akuöc ke.

1 Theth 3:1

Na wën, aacï ciën luɔi bï wok e bɛ guum, ke luelku ë wopiɔ̈ɔ̈th an, apiɛth të bï wo nyääŋ Athenai wapäc,

2 Pet 2:7

Ku kony Lɔt raan piɛthpiɔ̈u, raan ee cool ë jeth piɔ̈u në luɔi col ëcut ee kɔc rac looi.