Luɔi 17:11 - JAM DE NHIALIC 2011

¹¹ Ku kɔckë ee kɔc cï ŋiëc dhiëëth awärkï Judai nu Thethalonike, agokï jam dap piŋ në piɔ̈nmit, ku jɔkï kacïgɔ̈ɔ̈r aa woi yiic ë aköölnyïïn kedhie, ke bïk ŋic nɔn tɔ̈uwë käŋ aya.

Luɔi 17:11 ပူးပေါင်းရင်းမြစ်များ

Jop 23:12

Yɛn kën jäl në lööŋke yiic, ee këde piɔ̈nde yen aya kuanyic, ke cie kë kɔɔr ë piɔ̈ndï.

Diɛt 119:100

Yɛn cath wokë pɛlënɔm dït awär röördït cï dhiɔp, në biäk ee yɛn lööŋku riëëu.

Diɛt 119:148

Yɛn aa ruu ke ya yiɛ̈n wakɔ̈u, ke ya tak wëëtdu yic.

Diɛt 119:97

Yɛn nhiaar löŋdu arëët! Aya cool ë tak en en yic aköölnyïïn ëbɛ̈n.

Kɛ̈ŋ 1:5

Kek ee kɛ̈ŋkë aduëërkï raan pelnɔm ŋuak aya në pɛlënɔm, ku gëmkï raan ë käŋ yökiic kïït lɔ gɔk.

Kɛ̈ŋ 8:10

Dɔm jamdï awär ateek, ku dɔm ŋïnydekäŋ awär adhäm awai.

Kɛ̈ŋ 9:9

Wɛ̈ɛ̈të raan pelnɔm, ke bï pɛlënɔmde ŋuakic, ku wɛ̈ɛ̈të raan ɣer piɔ̈u, ke bï wëët.

Yith 34:16

Kaarkï awerek de Bɛ̈nydït yic në biäk de ka pïïr, ku kuɛnkï kë cï lueel. Acïn töŋ de kë cï cak bï liu thïn, ku acïn kë bï nɔm ciɛ̈n kë ye kek rou. Acï Nhialic ke yɔ̈ɔ̈k bïk tɔ̈u aya. Yen guöpde abïï ke mat nïïm tëtök.

Yith 8:20

Ku abä lɛ̈k keek an, “Piɛŋkï kë wëët ë Bɛ̈nydït week! Duökï jam de tït ee piŋ, kë yek lɛ̈k week acïkï nuɛɛn duëër nyaai.”

Jeremia 2:21

Yïn aa cä com ke yï ye enap cä lɔc, në kɔ̈th piɛth yiic. Ku tïŋ luɔi cï yïn tɔ̈u! Yïn cï ciët kë cï dhiäth, enap cïn naamde.

Math 13:23

Ku kë cï com ë tiɔɔm piɛthic, yen aye raan piŋ jam, ago yökic, go luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.

Luk 1:2

Acït man cï kɔc ë lɛ̈k wook, kɔc wään tïŋ keek ë kenyïïn ɣɔn ciɛkë ke, ku yek kɔc ë ka ke jam ë Nhialic looi.

Luk 11:3

Ye wo miɔɔc ë aköölnyïïn ë kë buk aa cam.

Luk 16:29

Go Abraɣam lueel an, ‘Adekï Mothe ku tït, tɔ ke piŋ këden.’

Luk 24:44

Go keek yɔ̈ɔ̈k an, “Wëlkï kï, wël wään cä lɛ̈k week, wään ŋuɔɔt ɛn ke ya tɔ̈u wo week an, “Käŋ kedhie abïk dhil aa yith, ka cï gɔ̈ɔ̈r në këdï ë löŋ de Mothe yic, ku tït yiic, ku Diɛt yiic.”

Jɔn 3:21

Ku raan ee yic looi ee bɛ̈n tëɣer, ke luɔide bï aa tïc, nɔn cï e looi në Nhialic.

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Luɔi 10:33

Yen aa dap ɛn kɔc tuöc yïn ënɔnthiinë, ku yïn ë këpiɛth looi nɔn cï yïn bɛ̈n. Na ënɔɔnë, wok kï ee tënë ë Nhialic nɔm wodhie, buk käŋ bɛ̈n piŋ kedhie, ka cïï Nhialic thɔ̈n yïn.”

Luɔi 11:1

Na wën, ke tuuc ku kɔc cï mat ë gäm kɔc ë tɔ̈u ë Juda ke ke piŋ nɔn cï Juöör jam ë Nhialic gam ayadäŋ.

Luɔi 17:1

Na wën, aa cïk tëëk Ampipoli, ku Apolonia, ke ke jɔ bɛ̈n Thethalonike, paan de yic luaŋ ee Judai lɔ̈ŋ thïn.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Nyöŋ 29:29

“Ade ka kɔ̈k cïï Bɛ̈nydït Nhialicda keek tɔ ee kacïmoony, ku Bɛ̈nydït acï löŋde nyuɔɔth, ku wook në mïth ke mïthkuɔ abuk dhil riëëu aɣet athɛɛr.

1 Theth 1:6

Ku we cï aa kɔc cï täuda dɔmic, ayï täu de Bɛ̈nydït, në gäm cä wek jam gam në këtuc dhal week arëët, ku në miɛtëpiɔ̈u ë Wëidït ɣer.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

2 Theth 2:10

ku në mɛth bï en kɔc mär math në kërac, luɔi cï kek nhiëër ee yic rɛɛc dɔm, ke ke bï kony wëi.

Jakop 1:21

Yen päl wek cuɔlëpiɔ̈u ëbɛ̈n, ku luɔi rɛɛc gäk, ku jakï jam cï piith ë weyiic dɔm në kuur aa wek röt tɔ kor, yen aye jam duëër we kony wëi.

1 Pet 2:2

Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.