Luɔi 16:6 - JAM DE NHIALIC 2011

⁶ Go Paulo ku kɔc cath ë yen gokï lɔ tëëk Purugia ku piny ë Galatia, ku pën Wëidït ɣer keek në guiëër bï kek jam guiir në Athia.

Luɔi 16:6 ပူးပေါင်းရင်းမြစ်များ

Yith 30:21

Të cä wek määr kueer ke we lɔ ciɛɛm ku cuëëc abäk piŋ röl ke yɔ̈ɔ̈k week an, “Kueerkï pɔ̈kkï röt, tɛ̈kkï tënë.”

Luk 1:2

Acït man cï kɔc ë lɛ̈k wook, kɔc wään tïŋ keek ë kenyïïn ɣɔn ciɛkë ke, ku yek kɔc ë ka ke jam ë Nhialic looi.

Luɔi 10:19

Ku të ŋoot Petero kë ciët kë cï tïŋ e yepiɔ̈u, ke yöök ë Wëidït an, “Tïŋ, ade kɔc kɔɔr yïn kadiäk.

Luɔi 11:12

Go Wëidït a yɔ̈ɔ̈k, an, du piɔ̈u cɔ̈m, lɔ we keek. Ku cath wɛ̈ɛ̈tkë kadhetem në yɛn, agoku lɔ ɣön ee raanë.

Luɔi 16:7

Na wën, aa cïk ɣet Muthia, ke ke them luɔi bï kek lɔ Bithunia, go Wëidït ke Yecu ke pëën.

Luɔi 18:23

Na wën, aacï rëër ëtɛ̈ɛ̈n ë aköölkë, ke jɔ jäl, le piny ë Galatia kuanyic, ayï paan ë Purugia, ke tɔ kɔcpiööcë ril ë gäm kedhie.

Luɔi 19:10

Ee kënë looi ë run kaarou, ago kɔc rɛ̈ɛ̈r ë Athia ëbɛ̈n gokï jam ë Bɛ̈nydït piŋ, Judai ayï Girikii.

Luɔi 20:16

Paulo aa de piɔ̈u luɔi bï en Epetho winy thok ë abël, acïn piɔ̈u luɔi bï en ceŋ në Athia, aa cath aläl, nɔn de të bï en nu Jeruthalem ë kööl ë Thiërdhïc.

Luɔi 20:28

Yen tiëŋ wek röt, ku tiɛtkï luny de thök ëbɛ̈n, luny cïï Wëidït ɣer tääu ë wecin an bäk tiit, bäk ɣön ë Nhialic aa cääm, ɣön cï ɣɔɔc ë riɛmde guöp.

Luɔi 20:4

Go ruac ë raan ë Beroya cɔl Thopataro, wën ë Puro, aɣeet kek Athia, ayï Aritharko ku Thekando, kɔc ke Thethalonike, ayï Gayo de Derbe, ku Timotheo, ku Tukiko kekë Toropimo, kɔc ke Athia, kɔc ë ruɛc en, ka.

Luɔi 21:27

Na wën, aacï akööl kadhorou thiɔ̈k ë thök, ke Judai ë bɔ̈ piny de Athia, të cï kek Paulo tïŋ ë Luaŋdïtic, ke ke guët kut ë kɔc nïïm kedhie ku jɔkï dɔm.

Luɔi 6:9

Na wën, ke kɔc kɔ̈k ë ke jɔt röt, kɔc ke luaŋ ee kɔc guëër thïn luaŋ ë kɔc cɔl Libertinoi, ayï kɔc ke Kurene, ku kɔc ke Alekandaria, kekë kɔc ke Kilikia, ku Athia, ke ke jɔt röt, akɔɔrkï teer në Thepano.

Luɔi 8:29

Na wën, ke Wëidït ë jɔ Pilip yɔ̈ɔ̈k an, “Lɔ tëthiɔ̈k, mätë rɔt kɔc ke abëlë yic.”

Romai 16:5

Ku thiëckï ɣön ë Nhialic ee lɔ̈ŋ ɣönden ayadäŋ. Thiëckï Epaineto raan nhiaar, raan cï Kërtho kɔn gam në Akaya.

1 Kor 12:11

Ku kake kedhie aye Wëidït töŋ manë ke looi, ago raan ëbɛ̈n tɛ̈k käŋ, ŋɛk ke këde pei, ku ŋɛk ke këde pei, acït man nu en ë yepiɔ̈u.

1 Kor 16:1

Ku në këde juɛ̈ɛ̈r aa wek kɔc ɣerpiɔ̈ɔ̈th juɛ̈ɛ̈r käŋ, yak looi cït man cän e lɛ̈k ɣööt ke Nhialic ke Galatia.

1 Kor 16:19

Wek thiëëc ɣööt ke Nhialic ke Athia. Wek thiëëc aläl ë Bɛ̈nydïtic Akula kekë Pirithila, ku ɣön ë Nhialic ee lɔ̈ŋ ɣönden.

2 Kor 1:8

Ku wo cïn piɔ̈ɔ̈th luɔi bä wek ka cï dhal kuc, wek mïthëkɔckuɔ, ka cuk yök ë Athia, yïk cï wo yiëk piɔ̈ɔ̈th këthiek ëdot, ke cuku duëër lëu ë guöm, arëk acuk röt kuöc pïïr.

Galatai 1:2

Yɛn wokë mïthëkɔckuɔn tɔ̈u në yɛn ë tök, awerek en gɛ̈ɛ̈rku ɣööt ke Nhialic ke Galatai.

Galatai 3:1

Wek Galatai mum nïïm oou, eeŋa cï we thuëëth, bä wek yic cuö piŋ, wek kɔc cïï Yecu Kërtho tääu ë wenïïm ëdëi, ke ye piäät ë tim cï rïïu nɔm kɔ̈u?

2Tim 1:15

Cöökë aŋic an, kɔc nu Athia acïk röt yal wei ë yalɔ̈ɔ̈m kedhie, kɔc deyiic yï Pugelo kekë Kermogene.

2Tim 4:10

Demath acï a päl wei, në nhiëër cï en pinyë ënɔɔnë nhiaar, ago jäl le Thethalonika, ku lɔ Kerethke Galatia, ku lɔ Tito Dalmatia.

Ɣeberuu 11:8

Aye gäm de yic aŋäth yen aa tɔ Abraɣam riëëu cɔ̈t cï Nhialic ye cɔ̈ɔ̈l bei wunden, ku leer wun cïï Nhialic lɛ̈k en an bï gäm en. Ago bɛ̈n jäl ku nyiëëŋ wunden piny ke kuc të le yen thïn.

1 Pet 1:1

Yɛn Petero, tuny ë Yecu Kërtho, awerek en gäär kɔc cï thiëi ë wuöt lei, kɔc ë Ponto, ku Galatia, ku Kapadokia, ku Athia, ku Bithunia.

Nyuuth 1:11

röl luel en an, “Yɛn ee Tueŋ ku ya Ciëën: Gäär kë cï tïŋ ë awerekic, ku tɔ yïnë ɣööt ke Nhialic nu Athia kadhorou: Epetho, ku Thumurna, ku Pergamo, ku Thuatira, ku Thardith, ku Piladelpia, ku Laodikia.”

Nyuuth 1:4

Yɛn Jɔn, awerek en gäär ɣööt ke Nhialic kadhorou nu Athia: Ë dhuëëŋdepiɔ̈u ë ye tɔ̈u ke week, ku mät, në ke bɔ̈ tëde Raan nu, ku aa nu, ku abï bɛ̈n, ku në kë bɔ̈ tëde Wëi kadhorou Wëi nu ë thöönyde nɔm,