Luɔi 16:26 - JAM DE NHIALIC 2011

²⁶ Na wën, ke piny jɔ rɔt guɔ niɛŋ arëët ëthiäu, abï alooc niɛŋ aɣet e thar. Go thook ke alooc röt liep kedhie ënɔnthiinë, ku ruet joth röt kedhie joth macë kɔc cök.

Luɔi 16:26 ပူးပေါင်းရင်းမြစ်များ

1 Mel 13:28

na wën aacï kɛɛc, ke lɔ ku yök guöp ë tiët ë Nhialic ke dhɔt kueer, ku kääc mul ë yelɔ̈ɔ̈m kekë köör. Ku köör akën guöpde raan cam ayï muul akën mak.

Diɛt 102:20

Acï teer de kɔc cï mac piŋ go kɔc gäm nɔm lääu kɔc cï guiir an bïï ke nɔ̈k.

Diɛt 146:7

ee yic luöi kɔc yɔŋ, ku miɔc kɔc nɛ̈k ë cɔk në këcam. Bɛ̈nydït ee kɔc mac gäm nɔm lääu,

Diɛt 68:6

Ee raan rɛ̈ɛ̈r Yetök gäm baai bïï cieŋ, ku tɔ kɔc cï mac lony ku tɔ ke kueth, ku kɔc ee Nhialic rɛɛc, abïk rëër ë jɔ̈ɔ̈ric.

Diɛt 79:11

Piŋ luɔi teer ë kɔc cï mac, ku në riɛldu luönyë kɔc cï mäc thuɔɔu bei!

Yith 42:7

Yïn bï kɔc cï cɔɔr liep nyïïn ku lony kɔc cï mac në ɣööt ke döm col yiic.

Yith 61:1

Bɛ̈nydït Awärjäŋ acï ya thiɔ̈ɔ̈ŋ në wëike. Acï ya lɔc ku tooc ɛn bä wëlpiɛth yiɛ̈n kɔc kuanynyïïn, Bä kɔc jieth piɔ̈ɔ̈th bɛ̈n duut piɔ̈ɔ̈th, ku bä luny de kɔc cï peec bɛ̈n caal, ku lony kɔc cï mac.

Math 28:2

Na wën, ke piny nieŋ rɔt arëët, ku bɔ̈ tunynhial ë Bɛ̈nydït piny paannhial, bï ku lɔɔr kuur wei ë raŋ thok, ku jɔ rëër ë yenɔm.

Luɔi 12:10

Na wën, aa cïk kɔc tït nu tueŋ kɔn waan, ku wankï kɔc tïït nu ciëën aya, ke ke ɣet athïn ë wëëth, athïn nu të lɔ kueer lɔ pänydït. Go athïn rɔt tueer yetök, gokï lɔ biic, ku tëkkï ë kueer tök, go tunynhial dap jäl ë yelɔ̈ɔ̈m.

Luɔi 12:7

Na wën, ke tunynhial ë Bɛ̈nydït ke go tuöl ë yelɔ̈ɔ̈m, ku jɔ ɣɛɛr alooc riaauwic: go Petero biɔ̈ɔ̈k lɔ̈ɔ̈m, ku jɔ pɔ̈ɔ̈c an, “Dap rɔt jɔt!” Go joth lööny piny ë yecin.

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Luɔi 5:19

Na wën, ke tunynhial ë Bɛ̈nydït ke liep alooc thok wakɔ̈u, ku bïï keek biic, yöök keek, an,

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.

Nyuuth 6:12

Na wën, ke ya jɔt anyin, të wën kuek en adöŋ ee kek dhetem bei, go piny rɔt niɛŋ arëët, go akɔ̈l cuɔl ëcut, cït cuaal cï cuëëc ë nhïm col, ku jɔ pɛɛi ciët riɛm liŋliŋ.