Luɔi 16:25 - JAM DE NHIALIC 2011

²⁵ Na wën, ë wɛ̈ɛ̈ric cil, ke Paulo ku Thila ke ke läŋ ku kitkï diɛt leec kek ke Nhialic, ku piŋ kɔc kɔ̈k cï mac ë keek ëtök.

Luɔi 16:25 ပူးပေါင်းရင်းမြစ်များ

Jop 35:10

Ku cïkï röt puk Nhialic Aciëŋden, Raan ee ke tɔ ŋäth në akööl ke nuandït.

Diɛt 119:55

Bɛ̈nydït, yïn aa ya tak wakɔ̈u, ku tak yanɔm në biäk ë lööŋku.

Diɛt 119:62

Yɛn ee pääc ë wɛ̈ɛ̈ric wakɔ̈u, bä Yïn bɛ̈n leec në biäk de lööŋkuön ke piathëpiɔ̈u.

Diɛt 22:2

Yïn cä cɔɔl aköl Nhialicdï, ku Yïn kën cɔ̈tdï puk nɔm. Yïn cä cɔɔl wakɔ̈u, ku acïn kë cï puɔ̈k nɔm ɛn.

Diɛt 34:1

Yɛn bï Bɛ̈nydït aa thieei aköölnyïïn ëbɛ̈n, lɛcde abï tɔ̈u ë yathok ë ceŋ.

Diɛt 42:8

Në Bɛ̈nydït nyooth nhiëërdɛn agɔk aköl, ku wakɔ̈u dinde ee tɔ̈u kekë yɛn, ke ya läŋ Nhialic de pïïrdï.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 71:7

Ciɛɛŋdï aye kääŋ tëde kɔc juëc, në luöi ee Yïn konydiën ril.

Diɛt 77:2

Në akööl ke nuan yɛn ee Bɛ̈nydït lɔ̈ŋ, në wɛ̈ɛ̈ric wakɔ̈u yɛn ee yacin yaak nhial ke ya läŋ, ku yɛn cïï luŋ de piɔ̈u ee yök.

Diɛt 77:6

Yɛn ë wɛ̈ɛ̈r thöl ke ya jam piɔ̈n, yɛn ee tak aläl ku thiëëc rɔt an,

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Yith 30:29

Ku kɔc ke Nhialic abïk ket në diɛt ke miɛtëpiɔ̈u, cït diɛt ke kööl ë dhuëëŋ ɣeric. We bï piɔ̈ɔ̈th miɛt cït kɔc koth kɛŋ ke ke lɔ Luaŋdïït de Bɛ̈nydït Raan ee Yithriɛl gël.

Dhek 3:8

Piŋ apiɛth Jocua, yïn bɛ̈nydïït ë kake Nhialic. Ku tɔ piŋ ë kɔc lui në yïn aya, kɔc cï ke tɔ nyooth ka bï bɛ̈n. Yɛn bï lïmdï bɛ̈ɛ̈i, lïm cɔl Këër.

Luk 22:44

Na wën, aacï piɔ̈u jiɛth arëët, ke jɔ lɔ̈ŋ arëët awär man awën: arëk abï tunyde aa thuat cït man ë rim dït kɔ̈ɔ̈th ke ke lööny piny.

Luɔi 15:22

Go tuuc ku röördït ku ɣön ë Nhialic ëbɛ̈n agokï löŋ mat ë kepiɔ̈ɔ̈th, an, bïk kɔc cï lɔc në remdenic tuɔɔc Antiokia, bïk cath ë Paulo kekë Baranaba, ke yï Judath cɔl Barthaba, ku Thila, röördït ë kɔc yiic,

Luɔi 16:19

Na wën, aacï bänyke e tïŋ nɔn cï aŋäthdɛn ë wëu jäl, ke ke dɔm Paulo ku Thila, ku thelkï keek ë thuukic ë bäny nïïm bäny ee löŋ guiir.

Luɔi 16:33

Na wën, ke ke leer ee thaar manë guöp, ku piny ee wakɔ̈u, le ku wɛɛk tëtöökken, go baptith ënɔnthiinë, yen kekë dhiënde ëbɛ̈n.

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

Romai 5:3

Ku acie yen etök, wok lec röt në karil dhal wook ayadäŋ, në ŋïny ŋic wok en an, karil dhal wook, yen aye guömdekäŋ bɛ̈ɛ̈i,

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

Epethiei 5:19

Yak jam wapäc në diɛt ku diɛt kɔ̈k ke Nhialic ku diɛt ke ka ke Wëi, yak diɛt ket ku yak Nhialic piɔɔny ë wepiɔ̈ɔ̈th.

Pilipoi 2:17

Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

Jakop 1:2

Yak tɔ ye kë bä wek piɔ̈ɔ̈th miɛt aläl, wek mïthëkɔckuɔ, të ya wek lööny ë thëmic, thëm kith yiic,

Jakop 5:13

De raan ë weyiic raan gum këtuc? Ë läŋ. De raan mit piɔ̈u? Ë leec Nhialic ë dit.

1 Pet 4:14

Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.