Luɔi 16:2 - JAM DE NHIALIC 2011

² Ku mɛnhë ee mɛnh cï leec ë wäthii wɛ̈ɛ̈t nu Luthura ku Yikoniom.

Luɔi 16:2 ပူးပေါင်းရင်းမြစ်များ

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Luɔi 13:51

Ku keek, të cï kek abuui tɛŋ wei ë kecök në jäny bï kek ke jɔ̈ɔ̈ny, ke ke bɔ̈ Yikoniom.

Luɔi 14:1

Na wën, të nu kek Yikoniom, ke ke lɔ luaŋ ee Judai lɔ̈ŋ thïn, keek kaarou ëtök, ku jɔkï kɔc guiëër, ago kut dïït ë kɔc gam, Judai ayï Girikii aya.

Luɔi 14:21

Na wën, aa cïk wëlpiɛth guiëër pänydïïtë, ku wëëtkï kɔc juëc abïk aa kɔcpiööcë, ke ke dhuny kenïïm Luthura, ku Yikoniom, ku Antiokia në Pithidia.

Luɔi 14:6

Agokï ŋic kek tuuc, ku kɔtkï, lek ë pɛ̈ɛ̈nydït kɔ̈k, yï Luthura ku Derbe, kek pɛ̈ɛ̈nydït ke Lukonia, ku lekï ë bɛ̈i nu ë kekëc aya.

Luɔi 16:40

Gokï jäl ë aloocic, lek ɣön ë Ludia. Na wën, aa cïk wäthii tïŋ, ke ke ritkï piɔ̈ɔ̈th, ku jɔkï jäl.

Luɔi 6:3

Na ënɔɔnë, wek mïthëkɔckuɔ, jakï röör kadhorou kɔɔr ë weyiic, röör cath ë rin piɛth ë kɔc yiic, ku cïk thiäŋ ë Wëidït ku pɛlënɔm, kɔc buk tääu ë luɔiyë nɔm.

Pilipoi 2:22

Ku we ye piathde yök, aŋiɛckï luɔi ee yen luui kekë yɛn ëtök në luɔi de wëlpiɛth, cït man ee meth wun luööi.

1 Tim 3:7

Ku abï dhil aa raan piɛth rin tëde kɔc nu biic aya, ke cïï këdäŋ bï wööc kë bï e gɔ̈k, ago cuö lööny ë wïn ë jɔŋdït racic wïn ë dëp.

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

1 Tim 5:25

Yen acït luɔi piɛth aya, luɔi ke kɔc kɔ̈k ayek tïc ë kɔc nïïm, ku luɔi cie tïc aya acïkï duëër thiaan.

2Tim 3:11

ku yöŋ ee ya yɔŋ, ku katuc cä guum, ka cä yök ë Antiokia, ku Yikoniom, ku Luthera, yöŋ ë yɔŋë yɛn ëtɛ̈ɛ̈n: ku Bɛ̈nydït acï a luök ë keyiic kedhie.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

Ɣeberuu 11:2

Yen gäm yen aa tɔ kɔc ɣɔn thɛɛr yök rin piɛth ë Nhialic nɔm.