Luɔi 16:15 - JAM DE NHIALIC 2011

¹⁵ Na wën, aacï baptith, kekë dhiënde ëbɛ̈n, ke läŋ wook an, “Të cä wek a tɔ ye raan ë ka ke Bɛ̈nydït döt, bäkï ɣöndï, bäk bɛ̈n rëër thïn.”

Luɔi 16:15 ပူးပေါင်းရင်းမြစ်များ

Cäk 19:3

Go Lɔt keek lɔ̈ŋ ë caŋawën. Agokï lɔ baai në yen ëtök. Ago ke thäl kuïn, ku guïïrkï kamaan këcam piɛth, ku tɔkï kamaan cäm.

Cäk 33:11

Dɔm miɔ̈cdiën cä tuöc yïn, yïn läŋ, në luɔi cï Nhialic ya ŋiëc looi apiɛth, ka yɛn ë nɔm dɛ kajuëc aläl ënɔɔnë.” Na wën, acï Jakop Ethau lɔ̈ŋ arëët, ke dɔm ë Ethau keek.

2 Mel 4:8

Na wën, ë kööl tök, ke Elica ë tëk ë Cunem të nu tiiŋ kueth thïn. Go ë tik en gëk an, bï bɛ̈n cam ë kuïn, ku na de të tëëk en ëtɛ̈ɛ̈n, ee rɔt yal baaide le cam ë kuïn.

Math 10:41

Raan dɔm tiët ë luɔi ee yen tiët, ka bï ariöp de tiët yök, ku raan dɔm raan piɛthpiɔ̈u në luɔi ee yen raan piɛthpiɔ̈u, ka bï ariöp de raan piɛthpiɔ̈u yök.

Math 3:6

ago ke baptith në yen ë wɛ̈ɛ̈r cɔl Jordan, agamkï karɛc cïk wööc.

Luk 14:23

Go bɛ̈ny lïm yɔ̈ɔ̈k an, ‘Jël lɔ ë kuɛɛr yiic ku kɛ̈l kɔ̈ɔ̈th, ku dhil ke thel abïk dhil bɛ̈n, ke ɣöndï abï thiäŋ.

Luk 24:29

Gokï pëën an, “Rɛ̈ɛ̈rë we wook, piny acï aa thëën, akɔ̈l ë thiɔ̈k ke lɔ piny.” Go lɔ ɣöt le rëër ke keek.

Luɔi 11:14

Yen abï week lɛ̈k wël, wël bï yï kony wëi wekë dhiëndu ëbɛ̈n.’

Luɔi 16:31

Gokï lueel an, “Gam Bɛ̈nydït Yecu Kërtho, ke yï bï kony wei, wekë dhiëndu.”

Luɔi 16:33

Na wën, ke ke leer ee thaar manë guöp, ku piny ee wakɔ̈u, le ku wɛɛk tëtöökken, go baptith ënɔnthiinë, yen kekë dhiënde ëbɛ̈n.

Luɔi 16:34

Na wën, ke ke bïï ɣönde, ku tɛ̈ɛ̈u këcam ë kenïïm, ke mit piɔ̈u aläl, kekë dhiënde ëbɛ̈n, në gäm wën cï kek Nhialic gam.

Luɔi 18:8

Ku Kirithipo, bɛ̈ny ë luaŋ ë Nhialic, acï Bɛ̈nydït gam kekë dhiënde ëbɛ̈n, ku gam Korinthoi juëc ayadäŋ, të cï kek jam piŋ, ago ke baptith.

Luɔi 8:12

Na wën, aa cïk jam de Pilip gam, wään guïïr en ka ke ciɛɛŋ de Nhialic ku rin ke Yecu Kërtho, ke ke baptith, röör ayï diäär.

Luɔi 8:38

Go abël biic tɔ kääc: gokï lɔ piny kaarou lekï ë pïïu yiic, yen Pilip kekë mony cï roc, go baptith.

Romai 16:23

Wek thiëëc Gayo raan cï a tɔ ye kaman, ku ye raan cï kɔc ke ɣön ë Nhialic tɔ ye kaman ëbɛ̈n. Wek thiëëc Erathato raan ë ka ke pänydït döt, kekë Kuarto mɛnhkënëda.

2 Kor 12:11

Yɛn cï aa raan mum nɔm ë lɛc lɛɛc ɛn rɔt, we cï a dhil tɔ lec rɔt, adï cäk a leec week: acïn kë ye tuuc a wöör acakaa tuuc dïït nu tueŋ aläl, acakaa yɛn ë cïn këdäŋ.

2 Kor 5:14

Nhiëër ë Kërtho ee wo cieŋ, ayok lueel alë an, thon ë thuowë raan tök në biäk de raan ëbɛ̈n, ka yen thon cï raan thou ëbɛ̈n ka.

Galatai 6:10

Yen ee wo kɔc jɔ luööi apiɛth kedhie, ë akööl bï rɔt yök, ku kɔckuɔn cï wok gam ëtök kek abuk ke ya luööi apiɛth arëëtdïïtë.

Epethiei 1:1

Yɛn Paulo, tuny ë Yecu Kërtho në këde piɔ̈n ë Nhialic. Awerek en gäär kɔc ɣerpiɔ̈ɔ̈th nu Epetho, kek kɔc adööt kɔc nu ë Kërtho Yecu yic:

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

Pile 1:17

Të cï yïn a tɔ ye raan ram wek käŋ ëtök, ke jɔ dɔm cït man duëër yïn a dɔm.

Ɣeberuu 13:2

Ku duökï nyuuc de kamaan päl, yen këpiɛth ë looi ë kɔc ɣɔn thɛɛr ka, ɣɔn loor kek tuucnhial nïïm ku nyuuckï ke, ke ke kuckï.

1 Pet 5:12

Yɛn ë awerek cekë tɔ luëthë week ë Thiluano, raan ŋiɛc nɔn ee yen mɛnhkënëdan adöt, acä gäär week riɛɛt ɛn wepiɔ̈ɔ̈th, ku ta rɔt ee cäätɔ në cöökë an, kënë ee dhuëëŋ de Nhialic piɔ̈u dhuëëŋ yic, dhuëëŋ kääc wek thïn.

2 Jɔn 1:10

Na bɔ̈ raan tëde week, ku cïï wëëtë bïï, ke duökï gam ɣöndun, ku duökï lëk thieithieei.

3 Jɔn 1:5

Mɛnh nhiaar, yïn ee luɔi ŋiëc döt në luɔidu yic ëbɛ̈n luɔi ee luöi mïthëkɔckuɔ ayï kamaan kɔ̈k.

3 Jɔn 1:8

Yen a duëër wok kɔc cït keek dhil aa tɔ ye kamaan, ke wo bï aa kɔc ee luui në keek ëtök në baŋ de yic.

1 Tham 28:23

Ago Thaulo jaai an cïn kë bïï cam. Go bäny ke remdɛn ë tɔŋ yɔ̈ɔ̈k aya në luɔɔi bï en cam. Na wën ke jɔ gam, ku jɔt rɔt piny, ku nyuuc në agen nɔm.