Luɔi 16:1 - JAM DE NHIALIC 2011

¹ Go ɣet Derbe ku Luthura aya, ku ade raanpiööcë ëtɛ̈ɛ̈n, cɔl Timotheo, wën ë tiiŋ cï gam, ku ye nyan e Judai, ku wun ee Girikii.

Luɔi 16:1 ပူးပေါင်းရင်းမြစ်များ

Edhr 9:2

Röör kɔ̈k ke Yithriɛl acïk wɛ̈ɛ̈tken thiëk duet ke juöör cie Judai, ago kɔc ke Nhialic cï tɔ ɣeriic jɔ liääp në juöör cieŋ ee pinyë, ku bäny, ku bäny lɔ në kecök kek aa wat kɔc ë ciën adöt.

Luɔi 14:1

Na wën, të nu kek Yikoniom, ke ke lɔ luaŋ ee Judai lɔ̈ŋ thïn, keek kaarou ëtök, ku jɔkï kɔc guiëër, ago kut dïït ë kɔc gam, Judai ayï Girikii aya.

Luɔi 14:21

Na wën, aa cïk wëlpiɛth guiëër pänydïïtë, ku wëëtkï kɔc juëc abïk aa kɔcpiööcë, ke ke dhuny kenïïm Luthura, ku Yikoniom, ku Antiokia në Pithidia.

Luɔi 14:6

Agokï ŋic kek tuuc, ku kɔtkï, lek ë pɛ̈ɛ̈nydït kɔ̈k, yï Luthura ku Derbe, kek pɛ̈ɛ̈nydït ke Lukonia, ku lekï ë bɛ̈i nu ë kekëc aya.

Luɔi 17:14

Go wäthii Paulo tɔ jël ënɔnthiinë cït kë lɔ ë wɛ̈ɛ̈r nɔm, ku dɔ̈ŋ Thila ëtɛ̈ɛ̈n kekë Timotheo.

Luɔi 18:5

Na wën, aacï Thila bɛ̈n Makedonia kekë Timotheo, ke Paulo jieth piɔ̈u, go cök ë guïïr en Judai an, Yecu yen aye Kërtho.

Luɔi 19:22

Go kɔc kaarou tuɔɔc Makedonia ë kɔc yiic kɔc ee yen kony, Timotheo kekë Erathato, ku döŋ guöp Athia ë aköölkë.

Romai 16:21

Wek thiëëc Timotheo raan luui wok ëtök, ayï Lukio ku Jathon ku Thothipataro, kɔckuɔ.

1 Kor 16:10

Të cï Timotheo bɛ̈n, ke takï rɛ̈ɛ̈r kekë week ke cïn riɔ̈ɔ̈c, ee luɔi de Bɛ̈nydït looi acït man ë yɛn aya.

1 Kor 4:17

Yen aa tuöc ɛn Timotheo week, ee wëndiën nhiaar ku ee raan adöt ë ka ke Bɛ̈nydït, en abï week tɔ tak wenïïm në täu aa yen tɔ̈u ë Kërtho yic, acït man wɛ̈ɛ̈t ɛn baai ëbɛ̈n në ɣööt ke Nhialic yiic ëbɛ̈n.

1 Kor 7:14

Mony kën gam aye tɔ ɣeric në tik, ku tiiŋ kën gam aye tɔ ɣeric në moc: tëë cie yen, ke mïthkun adï kënkï yiic ɣɛɛr, ku acïk yiic ɣɛɛr ënɔɔnë.

2 Kor 1:1

Yɛn Paulo, tuny ë Yecu Kërtho në këde piɔ̈n ë Nhialic, wokë Timotheo mɛnhkënëda. Awerek en gɛ̈ɛ̈rku ɣön ë Nhialic nu Korinth, kekë kɔc ɣerpiɔ̈ɔ̈th kedhie kɔc nu Akaya ëbɛ̈n:

2 Kor 1:19

Wën ë Nhialic, Yecu Kërtho, raan ë wok rinke guiir ë weyiic, wo wokë Thiluano ku Timotheo, yen aacïï ye “Ɣɛɛ” ku be aa “Ei,” käŋ ayek “Ɣɛɛ” tëde yen.

Pilipoi 1:1

Yɛn Paulo wokë Timotheo, lïïm ke Yecu Kërtho, awerek en gɛ̈ɛ̈rku kɔc ɣerpiɔ̈ɔ̈th ë Kërtho Yecuyic kedhie kɔc nu Pilipoi, kekë kɔc ë kɔc tiit ayï kɔc ee kake ɣön ë Nhialic looi:

Pilipoi 2:19

Ku yɛn ŋäth Bɛ̈nydït Yecu nɔn bän Timotheo dap tuöc week, ke yɛn bï yapiɔ̈u riit aya, të cän täudun ŋic.

Kolothai 1:1

Yɛn Paulo, tuny de Yecu Kërtho në këde piɔ̈n ë Nhialic, wokë Timotheo mɛnhkënëda.

1 Theth 1:1

Yɛn Paulo, wokë Thiluano, ku Timotheo. Awerek en gɛ̈ɛ̈rku ɣön ë Nhialic de Thethalonikei nu ë Nhialic Wäädyic, ku Bɛ̈nydït Yecu Kërthoyic: Ë dhuëëŋdepiɔ̈u tɔ̈u ke week, ayï mät, në kë bɔ̈ tëde Nhialic Wääda, ku Bɛ̈nydït Yecu Kërtho.

1 Theth 3:2

agoku Timotheo tooc, mɛnhkënëda, ku ye raan ee ka ke Nhialic looi, raan ee wok luui ëtök në wëlpiɛth ke Kërtho, acuk tooc luɔi bï en week tɔ kääc apiɛth, ku riit wepiɔ̈ɔ̈th ë gämduön cä wek gam,

1 Theth 3:6

Ku ënɔɔnë, të cï Timotheo lɔ bɛ̈n ë welɔ̈m bï tëde wook, ke bïï jam piɛth jam de gämdun ku nhiëërdun, ayï täŋ aa wek cool ë tak wook apiɛth ëcaŋɣɔn, ku nɔn kaar wek tïŋ bä wek wo tïŋ aläl, acït man kɔɔr wok tïŋ bï wo we tïŋ ayadäŋ.

2 Theth 1:1

Yɛn Paulo, wokë Thiluano, ku Timotheo: Awerek en gɛ̈ɛ̈rku ɣön ë Nhialic de Thethalonikei nu ë Nhialic wäädayic ku Bɛ̈nydït Yecu Kërtho:

1 Tim 1:18

Thönë yen atääu ë yïciin yïn Timotheo mɛnhdï, në baŋ de wël cï kɔn guiir tueŋ në këdu, ke bï yïn ke tɔŋ piɛth aa biök:

1 Tim 1:2

Ee Timotheo en gäär, ee mɛnhdiën yic në gämic: Ë dhuëëŋdepiɔ̈u ë ye tɔ̈u ke yïn, ku kokdepiɔ̈u, ku mät, në ke bɔ̈ tëde Nhialic Wääda ku Kërtho Yecu Bɛ̈nydandït.

2Tim 1:2

Awerek en gäär Timotheo, mɛnhdiën nhiaar: Ë dhuëëŋdepiɔ̈u ë ye tɔ̈u kekë yïn, ku mät, ku kokdepiɔ̈u, në ke bɔ̈ tëde Nhialic Wääda kekë Kërtho Yecu Bɛ̈nydïïtda.

2Tim 1:5

Yɛn ee yanɔm cät ë gäm nu ë yïpiɔ̈u gäm cïnic ruëëny, gäm ë kɔn cath kekë kɔk Loyith, ku be cath kekë Yunike moor, ku aŋiɛc ëgɔk nɔn ciɛth en ke yïn aya.

2Tim 3:11

ku yöŋ ee ya yɔŋ, ku katuc cä guum, ka cä yök ë Antiokia, ku Yikoniom, ku Luthera, yöŋ ë yɔŋë yɛn ëtɛ̈ɛ̈n: ku Bɛ̈nydït acï a luök ë keyiic kedhie.

Pile 1:1

Yɛn Paulo, raan cï mac ë këde Yecu Kërtho, wokë Timotheo mɛnhkënëda. Awerek en gɛ̈ɛ̈rku yïn Pilemon raan nhiaarku, ku ye raan ee luui ke wook ëtök,

Ɣeberuu 13:23

Ku jakï ŋic luɔi cïï mänhëdan Timotheo lony ɣön ë döm, ku të cïï yen dap bɛ̈n, abä luath kekë yɛn ëtök, agoku lɔ yök.