Luɔi 15:29 - JAM DE NHIALIC 2011

²⁹ an, bäk cäm ë rïŋ cï gam yiëth pɔ̈l, ku riɛm, ku ka cï dec, ku dhööm, të cä wek kakë pɔ̈l, ka we ye këpiɛth looi. Niɛnkï apiɛth.

Luɔi 15:29 ပူးပေါင်းရင်းမြစ်များ

Cäk 9:4

Ku kë cän jaai në yen, ee rïïŋ ŋoot ë riɛmde ke kuëër yetök, yen acï bï ya cuet, në luɔi nu ë pïïr në riɛmic.

Lebai 17:14

Riɛm de kë pïïr ëbɛ̈n anu në riɛmde yic, në baŋ de ee kënë, yen ë lɛ̈kë Bɛ̈nydït kɔc ke Yithriɛl, an, cïkï bï aa cam në rïŋ ŋoot ë riɛmde në yeyic. Ku raan lɔ kë cït ee kënë looi, acïï bïï tɔ ee raan töŋ de kɔcke yiic.

Luk 9:61

Ku lueel, raan däŋ aya an, “Bɛ̈nydït, yïn bä kuany cök, ku päl ɛn ë ya kɔn lɔ la kɔc nu paanda tɔ̈ɔ̈ŋ.”

Luɔi 15:20

ku abuk keek gäär tei an, bïk luɔi de yiëth pɔ̈l luɔi nhiany, ku pälkï dhööm, ku cäm de läi cï dec, ku riɛm.

Luɔi 18:21

Go keek tɔ̈ɔ̈ŋ, ku lueel an, Dhuëëŋ abɔ̈ ënɔɔnë abä dhil lɔ looi Jeruthalem, ku yɛn bï a nɔm dɔ̈k week tei, të cï Nhialic e lueel. Go jäl ë Epetho ke cath ë abël.

Luɔi 21:25

Ku na Juöör cï gam, acuk ke gäär löŋ cuk thöl ë guiëër an, acïn kë bïk aa looi kë cït ee kënë, ee cökkë kapäc kek cuk lɛ̈k keek an, bïk röt aa tiit në ka cï kɔn yiɛ̈n yiëth, ku riɛm, ku ka cï dec, ku dhööm.”

Luɔi 23:30

Ku acï lɛ̈k ɛn nɔn buuthë Judai yen, aguɔ dap tɔ yïnë yïn, ku cä kɔc gɔɔny en yɔ̈ɔ̈k aya an, bïk këdɛn ë gɔɔny kek en lueel ë yïnɔm. Yïn bï nin apiɛth.”

2 Kor 11:9

Ku të wään rɛ̈ɛ̈r ɛn wo week, akööl ë de en kë dak ɛn, acïn raan cä miɛn, në kën ee ya dak, aye mïthëkɔckuɔ yiɛ̈n ɛn abä kuɛth, mïthëkɔckuɔ ë bɔ̈ Makedonia, ku yɛn aaye rɔt muk në këriëëc ëbɛ̈n aguɔ we cuö min, ku yɛn bï rɔt muk ë muŋdï.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

Nyöŋ 12:16

Ku wek cïï riɛmden bï cam cït man ë kuïn, wek bï riɛm dhiɛl wäl piny cït man ë pïïu.

1 Tim 5:22

Du yïcin ee dap thany ë raan nɔm, ku du ye mɛt ë karɛc ke kɔc kɔ̈k yiic: ye rɔt muk ke yï lɔ piɔ̈u wai.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.

1 Jɔn 5:21

Wek mïththiaakäŋ, yak röt tiit në yiëth, (ka ye lam ku cïkï ë Nhialic). Amiin.

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,

Nyuuth 2:14

Ku yɛn cath wo cök liaakäŋ cök bän yï jɔ̈ɔ̈ny, cöök tök kï, nɔn de yïn kɔc ëtɛ̈ɛ̈n kɔc ee wëët ë Balaam muk, raan ɣɔn wëët Balak, an, bï kë bï kɔc tɔ kɔ̈th cuat kueer ë mïth ke Yithriɛl, an, bï ka cï lam aa cam, ku bïk diäär aa kɔɔr.

Nyuuth 2:20

Ku yɛn cath wo cöök bän yïn jɔ̈ɔ̈ny, päl ee yïn tiiŋ cɔl Jedhebel pɔ̈l, tiiŋ ee rɔt tɔ ye tiiŋ tiët, ku ye lïïmkï wɛ̈ɛ̈t, mɛth en keek, an, bïk diäär aa kɔɔr, ku bïk ka cï läm yiëth aa cam.