Luɔi 15:28 - JAM DE NHIALIC 2011

²⁸ Apiɛth tëde Wëidït ɣer ayï wook an, acïn däŋ buk tääu ë weyiëth, ee kakë tei kek bäk dhil looi,

Luɔi 15:28 ပူးပေါင်းရင်းမြစ်များ

Math 11:30

Luɔidï ee luɔi cïï ril, ku ke ya gäm kɔc bïk ɣääc ee këpiɔl.”

Math 23:4

Ayek kathiek duut, kathiek bï kɔc doony, ku tɛ̈ɛ̈ukï keek ë kɔc këët, ku keek gup ayek ke rɛɛc jak ë kecin, acakaa ciin töŋ thiinë.

Jɔn 16:13

Ku të cï Raanë bɛ̈n, yen aye Wëi yic, yen abï we wat të nu yic ëbɛ̈n: ku acïï bï jam në këde yenhde, na de kë ye piŋ, yen abï aa lueel: ku abï we nyuöth käŋ, ka bï tïc wadäŋ.

Luɔi 15:19

“Ënɔɔnë dï, löŋdï kï, an, Duku kɔc ee jut kɔc cï kepiɔ̈ɔ̈th wɛ̈l Nhialic në Juöör yiic,

Luɔi 15:25

Agoku löŋ mat ë wopiɔ̈ɔ̈th në guëër cï wo guëër në piɔ̈n tök, an, buk kɔc cuk lɔc tuöc week bïk cath ë Baranaba ku Paulo, kɔc nhiaarku,

Luɔi 15:8

Ku Nhialic, Raan ŋic kɔc piɔ̈ɔ̈th, acï aa cäätɔden, në miɔ̈c cï en keek miɔɔc në Wëidït ɣer, acït man cï en wo miɔɔc.

Luɔi 16:4

Na wën, të ciɛth kek ë pɛ̈ɛ̈nydït yiic, ke ke yïn kɔc lööŋ bïk muk, lööŋ cïï tuuc lueel ku röördït nu Jeruthalem.

Luɔi 5:32

Ku wok ee cäätɔɔ në kakë, ayï Wëidït ɣer aya, Wëi cï Nhialic gäm kɔc ë kake piŋ.”

1 Kor 14:37

Ku na de raan cï rɔt tɔ ye tiët ee wël guiir, ayï raan ŋic ka ke Wëi, ke gam ka gäär week, nɔn ee kek ka cïï Nhialic thɔ̈n kɔc.

1 Kor 7:25

Ku na këde dhueec, acïn liem cïï Bɛ̈nydït yiɛ̈n ɛn: ku löŋdï yen a luɛɛl tei, ke ya ye raan cï kokëpiɔ̈u yök tëde Bɛ̈nydït, bän aa raan adöt.

1 Kor 7:40

Ku në löŋdï, të tɔ̈u en aya, yen aduëër en athiɛɛi dït yök: ku aluɛɛl, an, cuk piɔ̈ɔ̈th rɔ̈m wokë Wëi ke Nhialic aya.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

Nyuuth 2:24

“Ku wek yɔ̈ɔ̈k, ku yɔ̈ɔ̈k kɔc kɔ̈k nu Thuatira, të de en kɔc cïï wëëtë ee muk, kɔc kuc kathuth ke Catan, acït man ee kek e lueel, wek yɔ̈ɔ̈k, an, Acïn kethieek däŋ bä tääu ë weyiëth.