Luɔi 15:18 - JAM DE NHIALIC 2011

¹⁸ Luɔi looi ëbɛ̈n aŋic Nhialic të ɣɔn gɔlë käŋ.’

Luɔi 15:18 ပူးပေါင်းရင်းမြစ်များ

Yith 44:7

Duëër dɛk raan däŋ lëu kë cä looi? Eeŋa duëër këriëëc bï tuöl ëbɛ̈n caar gɔl të ɣɔn gɔlë käŋ aɣet cï ee kööl?

Yith 45:21

Bäk bɛ̈ɛ̈ikï göönydun në luk nɔm, takï kɔc bï kɔ̈ɔ̈c në week ye röt kɔn luɔp. Eeŋa cï kë bï tuöl wadäŋ kɔn caar ɣɔn thɛɛr? Ë cie Yɛn, Yɛn Bɛ̈nydït, Nhialic ee kɔcke kony? Acïn yanh däŋ.

Amoth 9:12

Ka kɔc ke Yithriɛl abïk të cï döŋ në piny de Edom peec, ku peckï juöör ɣɔn ee ya cɔɔl rin ëbɛ̈n. Yen kë ë lueel ë Bɛ̈nydït bï kakë tɔ loi röt ëbɛ̈n ka.

Dhek 14:7

ayï mɔ̈ɔ̈th. Abï dɛ ɣɛɛr aköölnyïïn, ayï wakɔ̈u. Kööl bïï ee kënë rɔt looi ee Bɛ̈nydït Yen ŋic yen Yetök.

Kuɛ̈n 23:19

Nhialic acïï lueth ee töör, acie raan. Ku cïï yenɔm ee waar cït man ë raan. Ke cï than ee rɔt tiiŋ, ku ke cï lueel, ee rɔt looi.

Math 13:35

luɔi bï jam aa yic, jam cï lueel ë tiët an, “Yɛn bï käŋ lueel ka cï moony të ɣɔn ciɛkë piny.”

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Luɔi 17:26

Ku yen ee juöör tɔ dhiëth ëbɛ̈n në riɛm tök, abïk piny ɣap nɔm ëbɛ̈n, ku ye keek gäm runkɛn cï kɔn lueel ɣɔn thɛɛr, ku gëm keek akɛɛth ke pinydɛn bï kek ɣap thïn.

Epethiei 1:11

Abï ke tääu ë Kërtho cin, raan cï wo tɔ yök ka buk lɔ̈ɔ̈k lak, në mɛ̈k cï wo kɔn meek cït man cï Nhialic e lueel ë yepiɔ̈u, Raan ë këriëëc looi ëbɛ̈n, cït löŋ cï tak ë yepiɔ̈u.

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Epethiei 3:9

ku luɔi bän kɔc tɔ daai apiɛth kɔc kedhie, abïk thar ë këcïmoony ŋic, jam ɣɔn cï moony ë Nhialicic të ɣɔn ciɛkë piny, Nhialic Aciëŋ ë cak këriëëc ëbɛ̈n në këde Kërtho,

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

1 Pet 1:20

Raan cï kɔn ŋic ɣɔn thɛɛr ke piny ŋoot ke kënë cak, ku cï nyuɔɔth ëkööl ë thök ë piny në biäkdun,

Nyuuth 13:8

Ku abï lam ë kɔc tɔ̈u ë piny nɔm kedhie, kɔc kënë rinken gɔ̈ɔ̈r awerek de pïïric, awerek de Nyɔŋamääl cï nɔ̈k të ɣɔn ciɛkë piny thar.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.