Luɔi 14:23 - JAM DE NHIALIC 2011

²³ Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

Luɔi 14:23 ပူးပေါင်းရင်းမြစ်များ

Math 17:21

Ku jɔŋlɛn cït ee kënë ee lɔ biic rɛɛc, ee lɔ̈ŋ etök kekë rɛɛc reec ë raan cäm, yen ee ye lëu.”

Mak 3:14

Go thiëër ku rou lɔc, kɔc bï ya tɔ̈u në yen, ku bï keek aa tooc bïk wël aa lɔ guiir,

Luk 2:37

Ke acï tɔ̈u ke ye tiiŋ thuööm runke acïtkï thiërbɛ̈t ku ŋuan, ku cïï Luaŋdït ee pɔ̈l, ee ka ke Nhialic looi wɛ̈ɛ̈rwakɔ̈u ku aköl, në reec ee yen cäm rɛɛc ku në pal yen pal.

Luk 23:46

Na wën, ke Yecu cöt ë röl dït, lueel an “Wäär, wëikï a tääu keek ë yïcin!” Ku të cï en wëlkë lueel, ke jɔ thöök.

Luɔi 1:24

Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

Luɔi 11:30

Agokï looi aya, ku tɔkï käŋ luëthë röördït në Baranaba ku Thaulo.

Luɔi 14:26

ku jëlkï ëtɛ̈ɛ̈n në abël lek Antiokia, paan cï wäthii ke kɔn tɔ̈ɔ̈ŋ thïn wään an, bïk cath në dhuëëŋ de Nhialic piɔ̈u në këde luɔiden, luɔi cïk guɔ thöl ënɔɔnë.

Luɔi 15:23

gokï awerek gɔ̈ɔ̈r tɔkï luɛthkï, awerek lueel en, an: “Wek thiëëc tuuc ku röördït ku wäthii, wek mïthëkɔckuɔn nu ë Juöör yiic, kɔc tɔ̈u në Antiokia, ku Thiriya, ku Kilikia:

Luɔi 15:4

Na wën, aa cïk ɣet Jeruthalem, ke ke loor ɣön ë Nhialic ayï tuuc ku röördït, ku jɔkï ke guiëër këriëëc ëbɛ̈n ka cïï Nhialic looi kekë keek.

Luɔi 15:6

Go tuuc ku röördït gokï guëër bïk jamë bɛ̈n woi yic ëtök.

Luɔi 20:17

Go kɔc tooc ë Mileto lek Epetho, lek röördït ke ɣön ë Nhialic cɔɔl.

Luɔi 20:32

“Ku ënɔɔnë, wäthii, wek tääu ë Nhialic cin, ayï jam de dhuëëŋ de yenpiɔ̈u, jam duëër week kueet, agokï week gäm biäkduön bäk lɔ̈ɔ̈k lak ë kɔc piɛthpiɔ̈ɔ̈th yiic kedhie.

2 Kor 8:19

Ku acie kënë etök, ee raan cïï ɣööt ke Nhialic lɔc an, buk cath ëtök ë yen, lok kë cï gam ëdhuëëŋë looi, ke Bɛ̈nydït bï dhuëëŋ yök, ku luɔi kɔɔr wok nɔn bï wo kɔc kony.

1 Tim 5:1

Raandït nu ë kɔc nïïm du ye nen aläl, ye lɔ̈ŋ tei cït man ë wuur, ye dhuök tɔ cït mïthëkɔckun,

1 Tim 5:22

Du yïcin ee dap thany ë raan nɔm, ku du ye mɛt ë karɛc ke kɔc kɔ̈k yiic: ye rɔt muk ke yï lɔ piɔ̈u wai.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 2:2

Ku ka cï piŋ tëde yɛn ë cäätɔɔ juëc nïïm, jɔ ke yiɛ̈n kɔc adööt, kɔc bï kɔc kɔ̈k lëu në wëët aya.

Tito 1:5

En aa nyääŋ ɛn yïn piny ë Kerete wään, luɔi bï yïn käŋ kiɛm piny ka ŋoot ke ke de të dak, ku jɔ röördït ke ɣön ë Nhialic dɔm kɔc bï tɔ̈u ë kɔc nïïm ë pɛ̈ɛ̈nydït yiic ëbɛ̈n, acït man cän e kɔn lɛ̈k yïn.

Jakop 5:14

De raan tök ë weyiic? Ë cɔl röördït ke ɣön ë Nhialic, ku ë ke läŋ në biäkde, ku tɔckï guöp ë miök në rin ke Bɛ̈nydït.

1 Pet 5:1

Röördït nu ë weyiic kek yɔ̈ɔ̈k, ku yɛn ee monydït aya, ku ya cäätɔ de ka cïï Kërtho guum, ku ya raan bï dɛ këdï aya në dhuëëŋ bï rɔt nyuɔɔth rial an:

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

2 Jɔn 1:1

Yɛn monydït awerek en gäär tiiŋ dïït cï lɔc kekë mïthke, kɔc nhiaar në yic, ku acie yɛn a tök, ee kɔc cï yic ŋic kedhie aya,

3 Jɔn 1:1

Yɛn monydït, Awerek en gäär Gayo, raan nhiaar arëët, anhiaar në yic.