Luɔi 13:6 - JAM DE NHIALIC 2011

⁶ Gokï tuur caathic ëbɛ̈n aɣeet kek Papo, ku yökkï bɛ̈ny ee kɔc thuëëth ëtɛ̈ɛ̈n, ee raan ë Judai, ku ye tiët alueeth, rinke acɔl Bar-Yecu.

Luɔi 13:6 ပူးပေါင်းရင်းမြစ်များ

1 Mel 22:22

Go Bɛ̈nydït luɔp an, ‘Adï?’ Go wëi lueel an, ‘Yɛn bï lɔ ku bä aa wëi tör lueth në tït ke Aɣap thook ëbɛ̈n.’ Go Bɛ̈nydït lueel an, ‘Lɔ mathë. Yïn bï tiam.’”

1 Lëk 10:13

Thaulo acï thou në biäk cïï yen piɔ̈u adöt tëde Bɛ̈nydït. Akën lööŋ ke Bɛ̈nydït riëëu, aaye kɔɔr bïï käŋ ŋic në luɔi yen jam ke tït ke yiëth,

Bɛ̈n 22:18

“Yak tik nɔ̈k ëbɛ̈n tiiŋ cï rɔt tɔ ye tiët.

Lebai 20:6

Na de raan lɔ cɔ̈ɔ̈r ë kɔc ee cɔ̈ɔ̈r nïïm ku kɔc de gup jɔɔk rac, ku riäkkï röt në läm lɛm kek yiëth, abä keek tëëm bei në kɔckï yiic.

Dhek 13:3

Ku na de raan lɔ tïït ŋak, abï wun en jɔ̈ɔ̈ny kekë man ë dhiëth en, ku lëkkï yen an, “Yïn bïï nɔ̈k, yïn ciëk Bɛ̈nydït thok në lueth! Ku abï wun kekë man en gutic të cɔ̈ɔ̈r en.

Math 16:17

Go Yecu bɛ̈ɛ̈r, yöök, an, “Thieithieei, yïn Thimon Bar-Jona, acie raan cath kekë rïïŋ ku riɛm en ë nyuth yïn ee kënë ee Wäär nu paannhial.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Mak 10:46

Gokï bɛ̈n Jeriko: na wën, të jël en Jeriko kekë kɔckɛn ë piööcë ku kut dïït ë kɔc, ke cɔɔr cɔl Bartimayo, wën ë Timayo, arɛ̈ɛ̈r ë kueer këc, ke lip.

Luɔi 13:13

Na wën, aa cïk jäl ë Papo në abël, kek yï Paulo ku kɔc cath ë ke, gokï ɣet Perga nu Pampulia: ku päl Jɔn keek ëtɛ̈ɛ̈n, le yenɔm dɔ̈k Jeruthalem.

Luɔi 13:8

Na wën, ke Eluma bɛ̈ny ee kɔc thuëëth (yen aye rinke në thoŋ de Girikii), ke cak ater ke keek, akɔɔr luɔi bï en bɛ̈ny wɛl piɔ̈u wei ke cï bï gam.

2 Kor 11:13

Kɔc cït ee kake kek aye tuuc aluɛth, kɔc ë luui ëcuëër, agokï röt aa puk tɔkï röt ë tuuc ke Kërtho.

2Tim 3:8

Ku acït man ɣɔn lueelë Jane ku Jambere lueel kek ater në Mothe, yen acït luɛl ee kɔckë ater lueel në yic aya, ee kɔc cï nïïm riääk ëtaiwei, ku cï ke tɔ cïn naamden në këde gäm.

1 Jɔn 4:1

Wek kɔc nhiaar, duökï wëi gam kedhie, ku yak wëi them, nɔn ë bï kek tëde Nhialic: ade tït aluɛth juëc cï lɔ ë piny nɔm.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.