Luɔi 13:50 - JAM DE NHIALIC 2011

⁵⁰ Na wën, ke Judai ke ke këëk diëër dït diëër riëëu Nhialic, ku röör dït ke pänydït, ku riirkï kenïïm bïk Paulo yɔŋ kekë Baranaba, gokï ke cieec pinyden.

Luɔi 13:50 ပူးပေါင်းရင်းမြစ်များ

1 Mel 21:25

(Acïn raan cï rɔt gam taitai looi kërac ë Nhialic nyin cït Aɣap ku yen këde piɔ̈n ë tiiŋdɛn Jedhebel ka

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Amoth 7:12

Go Amadhia lɛ̈k Amoth an, “Ë jɔ loi, monydaai! Jɔ yïnɔm bɛ pɔ̈k Juda, ku abä ke lɔ thiëc këcamdu ëtɛ̈ɛ̈n, ku lɔɔr bä bɛ lɔ cɔ̈ɔ̈r ëtɛ̈ɛ̈n.

Math 10:23

Ku të yɔŋ kek week ë pänydïïtë, jakï kat lak wun däŋ, wek yɔ̈ɔ̈k ëyic an, We cïï wuöt ke Yithriɛl bï thöl ë nɛ̈m, të ŋootë Wën ë Raan ke kën kɔn bɛ̈n.

Mak 15:43

ke Jothep raan ë Arimathia bɔ̈, raan nu ë löŋic, ku ye raan piɛth, raan ee Ciɛɛŋ de Nhialic ŋɔ̈ɔ̈th aya, bï ku le të nu Pilato ke cï enyin riil, le guöp de Yecu lip.

Mak 5:17

Gokï jɔ lɔŋ, an, bï jäl pinyden.

Luɔi 13:43

Na wën, aacï kɔc pɔ̈k kɔc wën ë guëër, ke Judai juëc kekë Juöör cï röt tɔ ye Judai, kɔc riëëu Nhialic, ke ke kuany Paulo cök kekë Baranaba. Gokï jam në keek, yöökkï keek aläl an, bïk a cool ë tɔ̈u në dhuëëŋ de Nhialic yic.

Luɔi 13:45

Ku të cï Judai kuut ë kɔc tïŋ, ke ke dɔm tiɛɛl, ku jänykï ka lueel Paulo, ku latkï.

Luɔi 14:19

Na wën, ke Judai bɔ̈ ë Antiokia kekë Yikoniom ke ke ɣet ëtɛ̈ɛ̈n: agokï kut ë kɔc wëŋ, ku biöökkï Paulo në kur, ku thelkï biic ë pänydït këc, aluelkï, an, cï yiɛ̈n thou.

Luɔi 14:2

Go Judai reec gäm gokï Juöör kɛ̈ɛ̈k, ku tɔkï ke nhiany piɔ̈ɔ̈th në wäthii.

Luɔi 14:4

Ku kut ë kɔc nu pänydït acïk röt tek, kɔc kɔ̈k acïk mat ë Judai, ku mät kɔc kɔ̈k ë tuuc.

Luɔi 14:5

Na wën, ke Juöör kekë Judai ku bäny ceŋ keek, të cï kek tɔŋ lɛɛr ë ke riŋ, lek ke kuur, ku biöökë keek ë kur.

Luɔi 16:14

Ku ade tiiŋ cï jamda piŋ, cɔl Ludia, tiiŋ ee lupɔ thith amujuŋ ɣaac, abɔ̈ pänydït cɔl Thuatira, ku ye tiiŋ riëëu Nhialic, piɔ̈nde acïï Bɛ̈nydït liep, bï ka lueel Paulo cök ë piŋ en ke.

Luɔi 17:12

Yen aa gɛ̈më kɔc juëc ë ke yiic, ayï Girikii juëc ë määth, diëër dït ku röör.

Luɔi 17:13

Na wën, aacï Judai nu Thethalonike e piŋ nɔn cï jam ë Nhialic guiir në Paulo ë Beroya, ke ke lɔ ëtɛ̈ɛ̈n aya, lek kɔc noon.

Luɔi 17:17

Go lɔ luaŋ ee Judai lɔ̈ŋ thïn, le wël guiir kekë Judai, ku kɔc kɔ̈k riëëu Nhialic, ku ye lɔ ë thuukic ë aköölnyïïn kedhie le wël guiir kekë kɔc cï yök ëtɛ̈ɛ̈n.

Luɔi 17:4

Go kɔc kɔ̈k gam, ku mɛ̈tkï ë yï Paulo kekë Thila, ayï rem dïït ë Girikii riëëu Nhialic, kekë diëër dït diëër juëc ëmääth.

Luɔi 18:7

Go jäl ëtɛ̈ɛ̈n, le ɣön ë raan cɔl Tito Juthuto, raan riëëu Nhialic, thiëëkë ɣönde kekë luaŋ ë Nhialic.

Luɔi 2:5

Ku ade Judai rɛ̈ɛ̈r ë Jeruthalem, kɔc riëëu Nhialic, kɔc ë bɔ̈ bei ë juöör yiic juöör ke pinynɔm ëbɛ̈n.

Luɔi 21:27

Na wën, aacï akööl kadhorou thiɔ̈k ë thök, ke Judai ë bɔ̈ piny de Athia, të cï kek Paulo tïŋ ë Luaŋdïtic, ke ke guët kut ë kɔc nïïm kedhie ku jɔkï dɔm.

Luɔi 28:17

Na wën, aacï nïn kadiäk wan, ke Paulo cɔl röördït ke Judai bïk bɛ̈n guëër të nu yen. Të cï kek guëër, ke jɔ ke yɔ̈ɔ̈k an, “Wäthii, ciɛk an, cïn ater cä cak wokë kɔc, ayï ciɛɛŋ de wärkuɔ, ke yɛn cï yiɛ̈n Romai ë Jeruthalem ke ya mac.

Luɔi 6:12

Agokï kɔc riir aläl ayï röördït, ayï kɔc ee löŋ gɔ̈ɔ̈r, agokï bäk, dɔmkï, ku thelkï leerkï ë löŋ nɔm.

Luɔi 8:1

Ku gam Thaulo thonde. Na wën, ee aköölkë, ke yöŋ dït cak rɔt tëde ɣön ë Nhialic nu ë Jeruthalem, gokï thiëi roor piny ë Judaya ëbɛ̈n kekë Thamaria, keek kedhie, ee tuuc kapäc kek ë dɔ̈ŋ.

Romai 10:2

Ku yɛn ee cäätɔden ë dït dïït kek piɔ̈ɔ̈th ë këde Nhialic, ku acïkï käŋ ŋic apiɛth.

2 Kor 11:26

Awäär ke në keny aa yɛn cool ë keny, ku riɔ̈ɔ̈c wïïr, ku riɔ̈ɔ̈c de kɔc ee kɔc luc, riɔ̈ɔ̈c ë jurda, riɔ̈ɔ̈c ë juöör, riɔ̈ɔ̈c nu ë pänydïtic, riɔ̈ɔ̈c nu ë jɔ̈ɔ̈ric, riɔ̈ɔ̈c nu ë wɛ̈ɛ̈ric, riɔ̈ɔ̈c nu ë mïthëkɔckuɔ cuɛ̈ɛ̈r yiic.

1 Theth 2:14

Ku week, mïthëkɔckuɔ, we cï aa kɔc ë täu de ɣööt ke Nhialic dɔmic ɣööt ke Nhialic nu ë Yecu Kërthoyic ë Juda: në guöm cä wek karɛc manë guum ayadäŋ tëde kɔc ke paandun, ka kït e ka cïk guum tëde Judai.

2Tim 3:11

ku yöŋ ee ya yɔŋ, ku katuc cä guum, ka cä yök ë Antiokia, ku Yikoniom, ku Luthera, yöŋ ë yɔŋë yɛn ëtɛ̈ɛ̈n: ku Bɛ̈nydït acï a luök ë keyiic kedhie.