Luɔi 13:5 - JAM DE NHIALIC 2011

⁵ Na wën, aa cïk ɣet Thalami, ke ke jɔ jam ë Nhialic guiir ë ɣööt ke Nhialic ye Judai ke lɔ̈ŋ thïn. Ku cath Jɔn ke keek, ee raan bï këden aa looi.

Luɔi 13:5 ပူးပေါင်းရင်းမြစ်များ

1 Mel 19:21

Go rɔt puk, ku nööm miöör cï mac yiëth ë tiim tëtök, ku nɛ̈k keek, ku thɛɛl rïŋken në tiim ee miöör mac yiëth, ku gëm ke kɔc, ago kɔc ke cuet. Ku jɔ rɔt jɔt, biɔɔth Elija, ku ye luööi.

1 Mel 19:3

Na wën, aacï Elija kënë piŋ, ke riɔ̈c ku jɔt rɔt, ku jiël kekë lïmde ke bɛ̈ɛ̈k wëike, le Biirceba, paan ë Juda. Ku nyiëëŋ raan ee ye luööi ëtɛ̈ɛ̈n.

2 Mel 3:11

Go melik Jeɣocapat thiëc an, “De tiët ë Bɛ̈nydït duëër wok Bɛ̈nydït luɔp në ye?” Go raan töŋ ë bäny ee melik de Yithriɛl luööi lueel an, “Elica wën ë Capat atɔ̈u eenë, yen aaye raan ë nu Elija cök.”

Bɛ̈n 24:13

Ago Mothe rɔt jɔt kekë Jocua, raan ee ye kuɔny, ku jäl Mothe ke lɔ nhial në kuur ë Nhialic nɔm.

Math 20:26

Ku acïï bï tɔ̈u aya në weyiic: ku raan ëbɛ̈n raan kɔɔr luɔi bï en dït ë weyiic, ë tɔ rɔt ë raan ë kakun looi,

Luɔi 12:12

Go enɔm cät, ku bï ɣön ë Meri man Jɔn, rinkɛn kɔ̈k acɔlke Mak, ɣön cï kɔc juëc guëër thïn bïk bɛ̈n lɔ̈ŋ.

Luɔi 12:25

Na wën, ke Baranaba kekë Thaulo ke ke dhuny kenïïm Jeruthalem, të cï kek luɔiden thöl, ku cath Jɔn kekë keek, rinkɛn kɔ̈k acɔlke Mak.

Luɔi 13:14

Na wën, aa cïk jäl ë Perga, ke ke bɔ̈ Antiokia nu Pithidia, gokï lɔ Luaŋ ë Nhialic ë kööl ë Thabath, lek ku nyuckï.

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Luɔi 14:1

Na wën, të nu kek Yikoniom, ke ke lɔ luaŋ ee Judai lɔ̈ŋ thïn, keek kaarou ëtök, ku jɔkï kɔc guiëër, ago kut dïït ë kɔc gam, Judai ayï Girikii aya.

Luɔi 15:37

Ago Baranaba piɔ̈u dɛ luɔi bï kek Jɔn lɛɛr bï lɔ cath ke keek, rinkɛn kɔ̈k acɔlke Mak.

Luɔi 17:17

Go lɔ luaŋ ee Judai lɔ̈ŋ thïn, le wël guiir kekë Judai, ku kɔc kɔ̈k riëëu Nhialic, ku ye lɔ ë thuukic ë aköölnyïïn kedhie le wël guiir kekë kɔc cï yök ëtɛ̈ɛ̈n.

Luɔi 18:4

Go wël aa guiir luaŋ ë Nhialic ë akööl ke Thabath kedhie, ke bï Judai tɔ gäm wëlke, ayï Girikii.

Luɔi 19:22

Go kɔc kaarou tuɔɔc Makedonia ë kɔc yiic kɔc ee yen kony, Timotheo kekë Erathato, ku döŋ guöp Athia ë aköölkë.

Luɔi 19:29

Go pänydït a wënwën ëbɛ̈n. Gokï Gayo dɔm kekë Aritharko, kɔc ke Makedonia, kɔc ee cath ë Paulo, ku lek ë riaaŋdïtic ke ke riŋ ë piɔ̈n tök, riaaŋ wën ee kɔc guëër thïn.

Luɔi 19:8

Go Paulo lɔ luaŋ ë Nhialic, ku ye wël guiir ke ye nyin riɛl ë pɛ̈i kadiäk, aaye käŋ wɛ̈ɛ̈r yiic kɔc, ku wëët keek apiɛth në këde ciɛɛŋ de Nhialic.

Luɔi 9:20

Go jam dap gɔl ë ɣööt ke Nhialic yiic, aguiir Yecu an, ee Wën ë Nhialic.

Kolothai 4:10

Wek thiëëc Aritharko raan mɛc wok ëtök, ku wek thiëëc Mak aya, wën ë nyankënë Baranaba (we cï yiɛ̈n thok në këde, të cï en bɛ̈n tëde week, ke damkï).

2Tim 4:11

Ee luk etök en a rɛ̈ɛ̈r ke yɛn. Nöm Mak, bä wekë yen, ee raan duëër a kony ë luɔi.