Luɔi 13:43 - JAM DE NHIALIC 2011

⁴³ Na wën, aacï kɔc pɔ̈k kɔc wën ë guëër, ke Judai juëc kekë Juöör cï röt tɔ ye Judai, kɔc riëëu Nhialic, ke ke kuany Paulo cök kekë Baranaba. Gokï jam në keek, yöökkï keek aläl an, bïk a cool ë tɔ̈u në dhuëëŋ de Nhialic yic.

Luɔi 13:43 ပူးပေါင်းရင်းမြစ်များ

Math 23:15

“Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye Wɛ̈ɛ̈r caathic ku caathkï piny nɔm luɔi bä wek raan tök tɔ puk epiɔ̈u ë wëëtdun, ku të cï en epiɔ̈u puk, ke yak tɔ ye wën ë giɛna awär week arëët!

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 13:50

Na wën, ke Judai ke ke këëk diëër dït diëër riëëu Nhialic, ku röör dït ke pänydït, ku riirkï kenïïm bïk Paulo yɔŋ kekë Baranaba, gokï ke cieec pinyden.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Luɔi 14:3

Agokï ceŋ ëtɛ̈ɛ̈n ë akööl juëc ku yek wël guiir ke ke ye nyïïn riɛl ë Bɛ̈nydïtic, ago Bɛ̈nydït aa cäätɔ de jam de dhuëëŋ de yenpiɔ̈u, go göök tɔ loi ë kecin, ku ka gɛ̈iyë kɔc.

Luɔi 16:14

Ku ade tiiŋ cï jamda piŋ, cɔl Ludia, tiiŋ ee lupɔ thith amujuŋ ɣaac, abɔ̈ pänydït cɔl Thuatira, ku ye tiiŋ riëëu Nhialic, piɔ̈nde acïï Bɛ̈nydït liep, bï ka lueel Paulo cök ë piŋ en ke.

Luɔi 17:17

Go lɔ luaŋ ee Judai lɔ̈ŋ thïn, le wël guiir kekë Judai, ku kɔc kɔ̈k riëëu Nhialic, ku ye lɔ ë thuukic ë aköölnyïïn kedhie le wël guiir kekë kɔc cï yök ëtɛ̈ɛ̈n.

Luɔi 17:34

Ku ade kɔc töktöök cï mat ë yen, ku gëmkï, raan tök e keek acɔl Dionuthio, raan de Areopago, ku tiiŋ cɔl Damari, ku nu kɔc kɔ̈k ayadäŋ.

Luɔi 17:4

Go kɔc kɔ̈k gam, ku mɛ̈tkï ë yï Paulo kekë Thila, ayï rem dïït ë Girikii riëëu Nhialic, kekë diëër dït diëër juëc ëmääth.

Luɔi 18:7

Go jäl ëtɛ̈ɛ̈n, le ɣön ë raan cɔl Tito Juthuto, raan riëëu Nhialic, thiëëkë ɣönde kekë luaŋ ë Nhialic.

Luɔi 2:10

ku Purugia, ku Pampulia, ku Rip, ku bɛ̈i ke Libya thiɔ̈k ke Kurene, ku kamaan ë bɔ̈ Roma, ayï Judai ayï kɔc ë cï röt tɔ ye Judai,

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Luɔi 6:5

Ku löŋë acï kut ë kɔc tɔ mit piɔ̈ɔ̈th kedhie, agokï Thepano lɔc, raan ë gam arëët, ku cï thiäŋ ke Wëidït ɣer, ku Pilip, ku Porokoro, ku Nikanor, ku Thimon, ku Parmena, ku Nikola raan ë bɔ̈ Antiokia ku cï rɔt tɔ ye Judai.

Romai 11:6

Ku të ee yen këde dhuëëŋdepiɔ̈u, ka cïï be ya këde luɔi, tën ee yen en, ke dhuëëŋdepiɔ̈u acïï be ya dhuëëŋdepiɔ̈u, ku të ee yen këde luɔi, ka cïï be ya këde dhuëëŋdepiɔ̈u, tën ee yen en, ke luɔi acïï be ya luɔi.

Romai 3:24

Ku aye ke tɔ piɛthpiɔ̈ɔ̈th youyou në dhuëëŋ de yenpiɔ̈u në wëër cï ke wɛ̈ɛ̈r bei ë Kërtho Yecu yic,

Romai 5:2

Raan cï wo liëp kueer le wook ë dhuëëŋic dhuëëŋ tɔ̈u wok thïn ënɔɔnë, në gäm cï wok gam, agoku piɔ̈ɔ̈th miɛt në ŋäth ŋɛ̈ɛ̈th wok dhuëëŋ de Nhialic.

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

2 Kor 5:11

Yen ka, luɔi ŋic wok riɔ̈ɔ̈c bï kɔc dhil riɔ̈ɔ̈c ë Bɛ̈nydït, ke wo ye kɔc guët nïïm, ku Nhialic aŋic wopiɔ̈ɔ̈th, ku yɛn duëër piɔ̈u miɛt të cä wek wook ŋic piɔ̈ɔ̈th ayadäŋ në jam ë yak yök ë wepiɔ̈ɔ̈th.

2 Kor 6:1

Ku nɔn ee wok luui në yen ëtök, en a lɛ̈ŋ wo week, ke we cïï dhuëëŋ de Nhialic piɔ̈u nöm ë ɣɔ̈ric.

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

Galatai 5:4

Kërtho acï tɔ cïn naamde tëde week, wek kɔc kɔɔr luɔi bï we tɔ piɛthpiɔ̈ɔ̈th në löŋ, week wedhie, wek cï lööny wei ë dhuëëŋdepiɔ̈u yic.

Epethiei 2:8

Ee dhuëëŋdepiɔ̈u en acï week kony wëi, në gäm, ku acïï bɔ̈ tëde week: ee miɔ̈c de Nhialic:

Pilipoi 3:16

ku ënɔɔnë, të cï wo guɔ ɣet thïn, jɔku cath ë kueer töŋë, ku luelku jam töŋë.

Pilipoi 4:1

Yen ka, wek mïthëkɔckuɔn nhiaar, ku cä we tak, wek ee miɛt de yɛnpiɔ̈u, ku yak göl ë yɛnnɔm, yak kɔ̈ɔ̈c aril wäklë ë Bɛ̈nydïtic, wek kɔc nhiaar.

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

Tito 2:11

Dhuëëŋ de Nhialic piɔ̈u ë jɔ tïc dhuëëŋ bïï kunydewëi yiɛ̈n raan ëbɛ̈n.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

Ɣeberuu 13:9

Yen duö wek röt ee tɔ thelë tɛ̈n ku tɛ̈n, yak röt pëën ke we cï bï nyaai në kueer ë Kërtho yic ku wëëtde, ku leerë we në wëët luethic. Ë we waar në riɛmde ku lööŋ cï tääu piny në biäk de thɛ̈k de kacaam akënkï we waar. Ayï kɔc ee lööŋkë riëëu acïn këpiɛth cïk luöi keek.

1 Pet 5:12

Yɛn ë awerek cekë tɔ luëthë week ë Thiluano, raan ŋiɛc nɔn ee yen mɛnhkënëdan adöt, acä gäär week riɛɛt ɛn wepiɔ̈ɔ̈th, ku ta rɔt ee cäätɔ në cöökë an, kënë ee dhuëëŋ de Nhialic piɔ̈u dhuëëŋ yic, dhuëëŋ kääc wek thïn.

2 Pet 3:14

Yen tëde ka, wek kɔc nhiaar, në tiët tiɛɛt wek ka cït ee kakë, yak cök ë kaar wek luɔi bï we yök ke we rɛ̈ɛ̈r adïu, ke we cïn piɔ̈ɔ̈th tëthiin col, ku cïn kë bï we gɔ̈k ë yenɔm.

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.

2 Jɔn 1:9

Raan ëbɛ̈n raan ë löŋ wööc, ku reec rëër ë wëët de Kërthoyic, ka cïn nɔm Nhialic: ku raan ee rëër ë wëët de Kërthoyic, yen ade nɔm Wääda ku Wënde aya.