Luɔi 13:27 - JAM DE NHIALIC 2011

²⁷ Ku kɔc rɛ̈ɛ̈r ë Jeruthalem kekë bäny ceŋ keek, në kuny kuc kek en, ku kuckï jam ë tït, jam ye cool ë kueenë yeyic ë akööl ke Thabath kedhie, acïk jamden tɔ ye yic, në mäny cï kek e mäc yeth kërac.

Luɔi 13:27 ပူးပေါင်းရင်းမြစ်များ

Cäk 50:20

Wek aa lui yɛn kërac, go Nhialic en lɔ puk ke ye këpiɛth. Ke ya bï kɔc juëc kony wëi. Kɔc ŋoot ke ke pïr ënɔɔnë.

Math 22:29

Go Yecu pɔ̈k nɔm keek an, “Acäk wööc, në kuny kuöc wek kacïgɔ̈ɔ̈r, ku kuöckï riɛldïït ë Nhialic aya.

Luk 22:34

Go lueel an, “Yïn yɔ̈ɔ̈k, Petero an, ajïth acïï bï kɔn kiiu ee köölë, të ŋoot yïn ke yï kën a jai raandiäk, an, akuöc.”

Luk 23:13

Na wën, ke Pilato cɔl bänydït ke ka ke Nhialic, ku cɔɔl bäny ceŋ piny ayï kɔc kedhie an, bïk guëër,

Luk 24:20

Ku luɔi cï bänydït ke ka ke Nhialic e yiɛ̈n miric, ayï bänykuɔn ë wo cieŋ, bï löŋde teem an, näk, gokï piäät ë tim cï rïïu nɔm kɔ̈u.

Jɔn 15:21

Ku abïk kakë kedhie luöi week në biäk de rinkï, në kuny kuc kek raan ë toc ɛn.

Jɔn 16:3

Ku kakë abïk ke luöi week, në kuny kuc kek Wäär, ayïk ɛn.

Jɔn 5:39

We ye kacïgɔ̈ɔ̈r cök ë kuɛɛn wek keyiic, luɔi aa wek e lueel an, yak pïïr athɛɛr yök në keyiic, ku kakë ayek cäätɔɔkï,

Jɔn 8:28

Go Yecu ke yɔ̈ɔ̈k an, “Të cä wek Wën ë Raan tääu nhial, yen abä wek e ŋic nɔn aa Yɛn En, ku nɔn cïn en kë cä looi në këde yenhdï, ku wëët cïï Wäär a wɛ̈ɛ̈t, yen aa luɛɛl ɛn kakë.

Luɔi 15:21

Mothe ade kɔc ee löŋde guiir ëcaŋɣɔn ë wuöt ëbɛ̈n yiic, jamde aye kueenic ë ɣööt ke Nhialic yiic ë akööl ke Thabath kedhie.”

Luɔi 28:23

Gokï akööl lueel, akööl bï kek bɛ̈n, na wën, ke kɔc juëc ë ke bɔ̈ ɣön rëër en thïn, ago keek guiëër wël, ku lëk keek ka ke ciɛɛŋ de Nhialic, ciɛk ɣɔn amiäk aɣet thëën, anyuth keek ka ke Yecu, ë löŋ de Mothe yic ayï tït yiic aya.

Luɔi 3:17

“Ku ënɔɔnë, mïthëkɔckuɔ, aŋiɛc nɔn cä wek kënë looi në kuny kuöc wek en, ayï bänykun aya.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

1 Kor 2:8

Yen aye pɛlënɔm cïn raan töŋ de bäny ke pinyë nɔm ë cï e ŋic, tëë cïk ŋic, adï kënkï Bɛ̈nydïït de dhuëëŋ piäät ë tim cï rïïu nɔm kɔ̈u.

2 Kor 3:14

Acïk nïïm riɛl: ku aɣet cï ëköölë lupɔ manë guöp ë döŋ akënë nyaai, të ye awerek kueenic awerek de löŋ cï mac thɛɛr, ku lupɔyë aye nyaai në Kërtho yic.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

1 Tim 1:13

Acakaa yɛn ë ye raan ee Nhialic läät ɣɔn, raan ee kɔc yɔŋ, ku ya ke kuur: ku yɛn ë kokdepiɔ̈u yök, luɔi cän e looi ke kuöc në ciën gäm.