Luɔi 13:17 - JAM DE NHIALIC 2011

¹⁷ Nhialic de kɔc ke Yithriɛl acï wärkuɔ lɔc, ku jɔt kɔc nhial, të ɣɔn rëër kek cït man ë kamaan paan ë Rip, go keek bɛ̈ɛ̈i bei ëtɛ̈ɛ̈n në köŋ ril.

Luɔi 13:17 ပူးပေါင်းရင်းမြစ်များ

Diɛt 135:4

Bɛ̈nydït acï dhiën de Jakop lɔ̈c rɔt, ku lɔc kɔc ke Yithriɛl ke ke ye kɔcke.

Bɛ̈n 12:51

Bɛ̈nydït ë dhiëën ke Yithriɛl bɛ̈n bɛ̈ɛ̈i bei paan ë Rip kedhie.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:16

Kënë abï we jɔ aa täk nïïm, cït man ë kë cï duööt ë wecin, ku cït kë cï tääu në wenyïïn tueŋ. Abï we aa täk nïïm në bïï cïï Bɛ̈nydït wo bɛ̈ɛ̈i bei piny ë Rip në riɛl dïïtde.’ ”

Bɛ̈n 14:8

Na wën, ke Bɛ̈nydït ë tɔ melik ril nɔm, go kɔc ke Yithriɛl kuany cök, kɔc gël ë Bɛ̈nydït keek.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Yith 44:1

Aye Bɛ̈nydït lueel an, “Piɛŋkï ënɔɔnë wek awuutkï, kɔc ke Yithriɛl, kɔckiën cä lɔc, kuat de Jakop.

Amoth 2:10

Ee yɛn ë bïï week bei paan ë Rip, ku caath week në jɔ̈ɔ̈ric në run kathiërŋuan 40. Ku gäm week piny de kɔc ke Amor, ke ye këdun.

Maika 6:4

Wek cä bɛ̈ɛ̈i bei paan ë Rip, të wään ya wek lïïm thïn. Wek cä tuöc Mothe kekë Aron, ku Miriam bïk we bɛ̈n wat.

Nyöŋ 10:22

Wään lee ë kuarkun Rip, aake ye kɔc kathiërdhorou tei. Ku ënɔɔnë Bɛ̈nydït Nhialicdun acï week tɔ juëc cït man ë kuɛl nu nhial.

Nyöŋ 14:2

Wek ee kɔc ɣeriic ke Bɛ̈nydït Nhialicdun, acï week lɔc bäk aa kɔc ke nɔmde, në kɔc ke piny nɔm yiic ëbɛ̈n, kɔc ceŋ piny nɔm.

Nyöŋ 4:20

Ku wek ee kɔc ë luɛ̈kë bei në Rip, yen manydïït ë wëëth dɛ̈p. Aa bïï week bei, bïï week bɛ̈n tɔ ye kɔcke, cït man tɔ̈u wek ee köölë.

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

Nyöŋ 4:37

Ku në biäk nhiɛɛr En kuarkun, ku lɔc week në kecök, ku bïï wek bei guöpde piny de Rip në riɛldɛndït.

Nyöŋ 7:19

Takï wenïïm në göök dït riliic wään cäk keek tïŋ ë wenyïïn kake gäi ku göök, ku riɛldït cïï Bɛ̈nydït Nhialicdun week wɛ̈ɛ̈r bei, ku në ee kueerë acï kɔcke Rip riɔ̈ɔ̈r nyïïn abï kɔc riääc wek e keek ënɔɔnë riɔ̈ɔ̈r nyïïn kedhie.

Nyöŋ 9:5

Acie baŋ de piathëpiɔ̈ndun, ku yak këpiɛth looi, yeka jɔ Bɛ̈nydït week tɔ nöm pinyden. Abïï juöörkë cuɔp wei në biäk de karɛcken, ku në biäk kɔɔr Yen bïï thöndɛn wään cï lɛ̈k kuarkun döt, Abraɣam, Yithaak, ku Jakop.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Tham 4:8

Amawoou në wook! Eeŋö bï wo jɔ luök në ee yiëth rilkë cin? Ee kek yiëth ɣɔn näk kɔc ke Rip në jɔ̈ɔ̈ric!