Luɔi 12:11 - JAM DE NHIALIC 2011

¹¹ Na wën, aacï nɔm jɔ bɛ̈n, ke jɔ Petero lueel an, “Acä jɔ ŋic ëgɔk ënɔɔnë, nɔn cï Bɛ̈nydït tunynhialde tooc, ago a luök ë Ɣerod cin, ku aŋäth ŋɛ̈ɛ̈thë kɔc ke Judai ëbɛ̈n.”

Luɔi 12:11 ပူးပေါင်းရင်းမြစ်များ

Cäk 15:13

Go Bɛ̈nydït lɛ̈k Abram an, “Mïthku abïk rëër ke ke ye kamaan në piny lei. Ku abïk aa lïïm. Ku abï keek aa luööi arac në bot kaŋuan ë run.

Cäk 18:13

Go Bɛ̈nydït lɛ̈k Abraɣam an, “Eeŋö dɔl ë Thara, ku lueel an, ‘Ë yic bä bɛ dhiëth ë meth ke ya cï dhiɔp cït ë mandiënë?’

Cäk 26:9

Ago Abimelek Yithaak cɔɔl, ku lëk en an, “Acä ŋic ënɔɔnë luɔi yen tiiŋdu, ka eeŋö kɔn yïn e lueel wään an ee nyankui?” Go Yithaak puk nɔm an, “Aa ya lueel an bï ya nɔ̈k të la yɛn e lueel an ee tiiŋdï.”

2 Tham 22:1

Go Debid dit kɛ̈t Bɛ̈nydït ɣɔn cïï Bɛ̈nydït ye kony në Thaulo cin kekë kɔc kɔ̈k de kek ater.

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Jop 31:31

ku na kën kɔc ke baaidï e lueel an, eeŋa kën kɔn kuɛth në kuïn eenë?

Jop 5:19

Abï yï luäk bei në nuanic ëbɛ̈n, dhetem ayï dhorou abï ciën kë jak yï guöp.

Diɛt 109:31

në biäk bï yen kɔc kuanynyïïn gël ku kony ke në kɔc ee ke nɔ̈k.

Diɛt 33:18

Tiëŋkï, nyïïn ke Bɛ̈nydït atɔ̈ukï në kɔc ee ye riëëu gup, kɔc ee nhiëërdɛn agɔk ŋɔ̈ɔ̈th.

Diɛt 33:19

Aye ke luök në thuɔɔu, aye ke tɔ pïïr në akööl ke cɔk.

Diɛt 34:22

Bɛ̈nydït ee kɔcke kony, acïn raan töŋ bï këtuc yök në kɔc ee yen ŋɔ̈ɔ̈th.

Diɛt 34:7

tunynhial ë Bɛ̈nydït ee kɔc ee Nhialic riëëu gɛɛu cil, ku kony keek në kë dhal keek.

Diɛt 41:2

Abï Bɛ̈nydït ke gël apiɛth ku tɔ ke rɛ̈ɛ̈r, ku abï ke thieei pinyden, ku acïï ke bï tɔ tiɛɛm ë kɔc de kek ater.

Diɛt 97:10

Bɛ̈nydït anhiaar kɔc man luɔi de karɛc, mankï karɛc wek kɔc nhiaar Bɛ̈nydït, ee wëi ke kɔcke gël, ku kony keek ë kɔc rac cin.

Danyel 3:25

Ago melik lueel an, “Ku eeŋö yan kɔc kaŋuan tïŋ acath ë macic? Akën ë ke duöt, ku acïn të töŋ cï nyop tiëc ë kɔc gup, ku ŋuanden acït tunynhial.

Danyel 3:28

Ago melik lueel an, “Pianykï Nhialic de Cadrak ku Mecak ku Abenego! Acï tunynhialde tuööc bïï ë kɔckë bɛ̈n luök, kɔc ee yen ŋɔ̈ɔ̈th ku luuikï. Acïk löŋ rɛɛc gam ku koonkï wëiken në luöi cïï kek kenïïm bï guöt piny ku lɛmkï yanhdäŋ, ee Nhialicden yetök en bïk lam.”

Danyel 6:22

Nhialic acï tunynhialde tuööc bïï kɔ̈ɔ̈r bɛ̈n dɔm thook agokï ya cïï gëm buɔ̈t. Aa loi ee kënë në luɔi ciɛ̈n ɛn guöp awäc, ku acïn kërɛɛc cä luöi yïn, yïn melik.

Luk 15:17

Na wën, aacï nɔm jɔ bɛ̈n, ke jɔ lueel an, ‘Kɔc ee luui ë wëu tëde wäär yek dï, kɔc ee kuɛth ë kuïn ku yek kɔ̈k both, ku yɛn, yɛn thou we cɔk!

Luɔi 12:7

Na wën, ke tunynhial ë Bɛ̈nydït ke go tuöl ë yelɔ̈ɔ̈m, ku jɔ ɣɛɛr alooc riaauwic: go Petero biɔ̈ɔ̈k lɔ̈ɔ̈m, ku jɔ pɔ̈ɔ̈c an, “Dap rɔt jɔt!” Go joth lööny piny ë yecin.

Luɔi 24:27

Na wën, aacï run kaarou thök, ke Porukio Petheto lööny ë nyin ë Pelikic, go Pelik piɔ̈u dɛk luɔi bï en Judai tɔ mit piɔ̈ɔ̈th, go Paulo nyääŋ piny amac.

Luɔi 25:9

Na wën, ke Petheto, ke kɔɔr luɔi bï en Judai tɔ mit piɔ̈ɔ̈th, go Paulo thiëëc an, “Duɛ̈ɛ̈rë lɔ Jeruthalem, bï jamdu lɔ guiir ë yanɔm ëtɛ̈ɛ̈n, në ka cï yï gaanyë?”

Luɔi 5:19

Na wën, ke tunynhial ë Bɛ̈nydït ke liep alooc thok wakɔ̈u, ku bïï keek biic, yöök keek, an,

Ɣeberuu 1:14

Tuucnhial cïkï ee wëi cï tuööc, bïk kɔc bï kuny de wëi lɔ̈ɔ̈k lak aa luööi?

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,