Luɔi 11:26 - JAM DE NHIALIC 2011

²⁶ Go yök, ku bïï Antiokia. Gokï aa guëër ɣön ë Nhialic ëtök ku thölkï ruöön tök ëtɛ̈ɛ̈n, ke ke ye kut dïït ë kɔc wɛ̈ɛ̈t. Ku kɔcpiööcë aake kɔnë tɔ ye Kërthiaan në Antiokia.

Luɔi 11:26 ပူးပေါင်းရင်းမြစ်များ

Yith 65:15

Kɔckiën cï lɔc abïk rinkun të ye kë ye kɔc cieen. Yɛn Bɛ̈nydït Awärjäŋ yïn bä tɔ thou. Ku gäm kɔckiën ee ya lam rin cï piac cak.

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Jɔn 2:2

ayï Yecu ayï kɔckɛn ë piööcë acï ke cɔɔl ë thiëëkic ayadäŋ.

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Luɔi 11:20

Ku kɔc kɔ̈k ë keek ayek kɔc ke Thaiperuth ku Kurene, na wën, aa cïk bɛ̈n Antiokia, ke ke jam në Girikii, guïïrkï ke wëlpiɛth wël ke Bɛ̈nydït Yecu.

Luɔi 11:22

Na wën, ke jam de ee kënë ke piŋ në ɣön ë Nhialic nu ë Jeruthalem, gokï Baranaba tooc bï ɣet Antiokia.

Luɔi 11:27

Na wën, ë aköölkë, ke tït ke ke bɔ̈ ë Jeruthalem bïk Antiokia.

Luɔi 11:29

Go kɔcpiööcë gokï löŋ lueel ë kepiɔ̈ɔ̈th an, bïk käŋ tɔ yïnë mïthëkɔckɛn rɛ̈ɛ̈r ë Juda, lek keek kony, raan ëbɛ̈n abï miööc në këdɛn cï yök.

Luɔi 14:20

Ku të cï kɔcpiööcë ye geeu, ke jɔt rɔt le pänydït, na ɣɔn amiäk, ke jël kekë Baranaba lek Derbe.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Luɔi 14:23

Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

Luɔi 14:27

Na wën, aa cïk bɛ̈n, ke ke tɔ kɔc ke ɣön ë Nhialic tɔ guëër, ku guïïrkï keek këriëëc cïï Nhialic looi kekë keek, ku luɔi cï en ɣön ë gäm liëp Juöör.

Luɔi 14:28

Ku jɔkï rëër ëtɛ̈ɛ̈n ë akööl juëc në kɔcpiööcë.

Luɔi 18:27

Na wën, aacï piɔ̈u dɛ luɔi bï en tëëk le Akaya, ke wäthii ke ke jɔ awerek gäär kɔcpiööcë ëtɛ̈ɛ̈n, läŋkï keek an, bïk loor, ku të cï en bɛ̈n ëtɛ̈ɛ̈n, ke jɔ kɔc cï gam në dhuëëŋ de Nhialic piɔ̈u kony aläl.

Luɔi 19:9

Na wën, aacï kɔc kɔ̈k nïïm riɛl, ke ke reec gäm, ku luelkï kërac në biäk de Kueer në akutnɔm ë kɔc nïïm, go Paulo jäl ë keyiic, ku tɛ̈ɛ̈u kɔcpiööcë pei, go jam wɛ̈ɛ̈r kɔc ë aköölnyïïn kedhie luaŋ de guiëër ë wël, luaŋ de raan cɔl Turano.

Luɔi 20:1

Na wën, aacï anuɔɔn jɔ thök, ke Paulo cɔl kɔcpiööcë, ku jɔ ke riit piɔ̈ɔ̈th, na wën, ke ke tɛ̈ɛ̈ŋ, ku jël le Makedonia.

Luɔi 20:30

Akööl abïk bɛ̈n, akööl bïï kɔc kɔ̈k röt jɔt ë weyiic gup, kɔc bï jam rac lueel, le kek kɔcpiööcë thɛl ë kecök.

Luɔi 21:4

Na wën, aa cuk kɔcpiööcë yök ëtɛ̈ɛ̈n, ke wo jɔ rëër ëtɛ̈ɛ̈n ë nïn kadhorou. Go kɔckë Paulo yɔ̈ɔ̈k në Wëidït an, cïï Jeruthalem bï käcic.

Luɔi 26:28

Go Agiripa Paulo yɔ̈ɔ̈k an, “Yïn de piɔ̈u luɔi bï yïn a wëŋ në jam thiinakäŋ, ago ya tɔ ye Kërthiaan.”

Luɔi 6:1

Na ɣɔn ë aköölkë, të cï kuën ë kɔcpiööcë rɔt ŋuak ke Judai ë bɔ̈ paan ë Girikii ke ke cak dhiëëu në kɔc ke Ɣeberuu an, cï diëërken nyɔ̈ŋ diëër cïn nïïm röör, të tekë wëu ë aköölnyïïn kedhie.

Luɔi 6:5

Ku löŋë acï kut ë kɔc tɔ mit piɔ̈ɔ̈th kedhie, agokï Thepano lɔc, raan ë gam arëët, ku cï thiäŋ ke Wëidït ɣer, ku Pilip, ku Porokoro, ku Nikanor, ku Thimon, ku Parmena, ku Nikola raan ë bɔ̈ Antiokia ku cï rɔt tɔ ye Judai.

Luɔi 9:19

na wën, aacï këcam thiëëp, ke jɔ riɛl. Go rëër Damathko ee aköölkë kekë kɔcpiööcë.

Luɔi 9:38

Të cï kɔcpiööcë e piŋ nɔn nu Petero ë Luda, (Jopa ee paan thiääk ke Luda), ke ke jɔ kɔc tooc kaarou, lek lɔ̈ŋ an, “Dap bɛ̈n tëde wook, cak, an, de kë gäu yïn, ke nyääŋë piny.”

1 Kor 11:18

Cöök tueŋ, ënɔn ë ya wek guëër ë ɣön ë Nhialic yic, acä piŋ nɔn aa wek weyiic tek, ku acä gam ë biäk tök.

1 Kor 12:12

Acït man ee guöp de raan tök, ku ka nu thïn ajuëckï, ku ka nu ë guöp töŋë yic, na cakaa kek ë juëc, keek ayek guöp tök tei, yen acït Kërtho aya.

1 Kor 14:23

Yen na cï ɣön ë Nhialic guëër ëbɛ̈n tëtök, ku jamkï ë thook mɛɛn kedhie, ku bɔ̈ kɔc kɔ̈k ɣöt kɔc kënë wɛ̈ɛ̈t, ayï kɔc wën kën gam, ke cïkï bï lueel an, cäk miɔ̈l?

1 Kor 4:17

Yen aa tuöc ɛn Timotheo week, ee wëndiën nhiaar ku ee raan adöt ë ka ke Bɛ̈nydït, en abï week tɔ tak wenïïm në täu aa yen tɔ̈u ë Kërtho yic, acït man wɛ̈ɛ̈t ɛn baai ëbɛ̈n në ɣööt ke Nhialic yiic ëbɛ̈n.

Epethiei 3:15

Raan ë ciëk dhiën rin kedhie, dhiën nu paannhial ku dhiën nu ë piny nɔm,

Jakop 2:7

Cïkï rin ke dhuëëŋ ë läät ë län rac, rin ee we cɔɔl ë keek?

1 Pet 4:14

Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.

1 Pet 4:16

Ku na guum raan kërac në baŋ ee yen Kërthiaan, ke cïï yäär, ë lec Nhialic në rinke.

1 Jɔn 2:27

Ku na week, töny cäk yök tëde yen atɔ̈u ë weyiic, ku acïn raan däŋ kaarkï raan duëër we wɛ̈ɛ̈t, ku acït man ee töny manë we wɛ̈ɛ̈t në këriëëc ëbɛ̈n, ku ye yic, ku cie lueth, ke we bï tɔ̈u ë yeyic, cït man ë wëët en week.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.