Luɔi 11:21 - JAM DE NHIALIC 2011

²¹ Ku cath riɛl ë Bɛ̈nydït ke keek, go kɔc juëc gam, ku wëlkï kepiɔ̈ɔ̈th Bɛ̈nydït.

Luɔi 11:21 ပူးပေါင်းရင်းမြစ်များ

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

Edhr 7:9

Ɣɔn gɔl en jäl në Babilon aaye kööl ye pɛɛi tueŋ thok tök ku jɔ ɣëët Jeruthalem në kööl tueŋ de pɛɛi ë dhïc, ku tɔ̈u athiɛɛi de Bɛ̈nydït ke yen,

Edhr 8:18

Në biäk ë tɔ̈u athiɛɛi de Nhialic ke wook, acïk wook bɛ̈n tuöc raan ee nɔm tiëër cɔl Cerebia, ku yen ee raan ë Lebai dhiën ë Maɣali de mïth ke Yithriɛl ke mïthke ku wɛ̈ɛ̈takɛ̈cken, keek kedhie ayek thiëër ku bɛ̈t,

Neɣe 2:18

Ku lɛ̈k keek luɔi tɔ̈u ë athiɛɛi de Nhialicdï ke yɛn ku guiëër keek ka cïï melik ke lɛ̈k ɛn aya. Ku acïk jamdï bɛ̈n gam, ku lueelkï an, “Gɔlku yïk!” Gokï röt coc buk luɔi gɔl.

Neɣe 2:8

ku gɔ̈ɔ̈r awerek däŋ bï yiɛ̈n Athap raan ee roor de Melik tiit, ago a lɔ miɔɔc ë tiim bä ke lɔ looi ke ke ye këërkëër ke athïïn ke të wën ye Luaŋdït tiit thok, ku yïkë ke kal ë pänydït ku ɣön bï yɛn tɔ̈u thïn. Go Melik ya gäm ka cä thiëëc kedhie në luɔi nu athiɛɛi de Nhialic ke yɛn.

Yith 53:1

Go ë kɔc bɛ̈ɛ̈r an, “Eeŋa ë duëër ye gam yen kë lëkku kɔc ënɔɔnë? Eeŋa duëër Bɛ̈nydït tïŋ cin në ee kënë yic?

Yith 59:1

Du ye tak nɔn cïn ë Bɛ̈nydït riɛl bïï Yen we kony, ku nɔn yen miŋ ka cïï cɔ̈tduön kaar wek kuɔɔny ee piŋ!

Luk 1:66

Na wën, ke kɔc cï ke piŋ, ke ke mukkï ë kepiɔ̈ɔ̈th, ku luelkï an, “Mɛnhë bï ciët ŋö wadäŋ?” Ku jɔ ciin ë Bɛ̈nydït aa tɔ̈u ke yen.

Luɔi 11:24

Baranaba ee raan piɛth, raan cï piɔ̈u thiäŋ ke Wëidït ɣer ku gäm, go kɔc gam Bɛ̈nydït ago ke ŋuak nyïïn aläl.

Luɔi 15:19

“Ënɔɔnë dï, löŋdï kï, an, Duku kɔc ee jut kɔc cï kepiɔ̈ɔ̈th wɛ̈l Nhialic në Juöör yiic,

Luɔi 2:47

ke ke ye Nhialic leec, ku mit kɔc piɔ̈ɔ̈th kedhie në keek. Go Bɛ̈nydït ɣön ë Nhialic ŋuak nyin ë kɔc ë aköölnyïïn kedhie kɔc kony wëi.

Luɔi 4:4

Ku ade kɔc juëc cï gam kɔc wën cï jam piŋ, go kuën ë röör cï gam go ciët aguum kadhïc.

Luɔi 5:14

Ku kɔc gam Bɛ̈nydït acïk röt ŋuak ë kuut dïït ë kɔc, röör ayï diäär.

Luɔi 6:7

Go jam ë Nhialic piny kiët nɔm: go kuën ë kɔc piööcë go e nyin ŋuak aläl ë Jeruthalem, ayï rem dïït ë bäny ke ka ke Nhialic acïk gäm döt.

Luɔi 9:35

Na wën, ke tïŋ kɔc ceŋ Luda ëbɛ̈n ayï kɔc ceŋ Caron, ku jɔkï kepiɔ̈ɔ̈th wɛ̈l Bɛ̈nydït.

1 Theth 1:5

wëlkuɔn piɛth aake cïï bɔ̈ ë weyiic në jam tei, aake bɔ̈ në riɛl ayadäŋ, ku në Wëidït ɣer, ku në ŋïny aa wek ke ŋic ëgɔk, we ŋic täudan ë ye wo tɔ̈u ë weyiic në biäkdun week.