Luɔi 11:20 - JAM DE NHIALIC 2011

²⁰ Ku kɔc kɔ̈k ë keek ayek kɔc ke Thaiperuth ku Kurene, na wën, aa cïk bɛ̈n Antiokia, ke ke jam në Girikii, guïïrkï ke wëlpiɛth wël ke Bɛ̈nydït Yecu.

Luɔi 11:20 ပူးပေါင်းရင်းမြစ်များ

Math 27:32

Na wën, alek biic, ke ke yök raan ë Kurene, cɔl Thimon, gokï dhil tɔ jɔt timdɛn cï rïïu nɔm.

Jɔn 7:35

Go Judai lueel kapäc, an, “Ee tënou bï raanë lɔ thïn, të cïï wok en bï yök? Bï lɔ tëde kɔc cï thiëi ë Girikii yiic, le Girikii aa wɛ̈ɛ̈t?

Luɔi 11:19

Na wën, ke kɔc wään cï thiëi roor në yöŋ cï rɔt cak në këde Thepano, ke ke tëk ɣetkï Poiniki, ku Thaiperuth, ku Antiokia, ku acïn kɔc kɔ̈k cïk guiëër jam, ee Judai kapäc.

Luɔi 11:22

Na wën, ke jam de ee kënë ke piŋ në ɣön ë Nhialic nu ë Jeruthalem, gokï Baranaba tooc bï ɣet Antiokia.

Luɔi 11:26

Go yök, ku bïï Antiokia. Gokï aa guëër ɣön ë Nhialic ëtök ku thölkï ruöön tök ëtɛ̈ɛ̈n, ke ke ye kut dïït ë kɔc wɛ̈ɛ̈t. Ku kɔcpiööcë aake kɔnë tɔ ye Kërthiaan në Antiokia.

Luɔi 11:27

Na wën, ë aköölkë, ke tït ke ke bɔ̈ ë Jeruthalem bïk Antiokia.

Luɔi 13:1

Ku ɣön ë Nhialic nu Antiokia anu ë tït thïn, ayï kɔc ee wëët, yï Baranaba, kekë Thimon rinkɛn kɔ̈k acɔlke Niger, ku Lukio ë bɔ̈ Kurene, ku Maniin, raan wään cï muk kekë Ɣerod ëtök Ɣerod bɛ̈ny, ku Thaulo.

Luɔi 14:26

ku jëlkï ëtɛ̈ɛ̈n në abël lek Antiokia, paan cï wäthii ke kɔn tɔ̈ɔ̈ŋ thïn wään an, bïk cath në dhuëëŋ de Nhialic piɔ̈u në këde luɔiden, luɔi cïk guɔ thöl ënɔɔnë.

Luɔi 15:22

Go tuuc ku röördït ku ɣön ë Nhialic ëbɛ̈n agokï löŋ mat ë kepiɔ̈ɔ̈th, an, bïk kɔc cï lɔc në remdenic tuɔɔc Antiokia, bïk cath ë Paulo kekë Baranaba, ke yï Judath cɔl Barthaba, ku Thila, röördït ë kɔc yiic,

Luɔi 15:23

gokï awerek gɔ̈ɔ̈r tɔkï luɛthkï, awerek lueel en, an: “Wek thiëëc tuuc ku röördït ku wäthii, wek mïthëkɔckuɔn nu ë Juöör yiic, kɔc tɔ̈u në Antiokia, ku Thiriya, ku Kilikia:

Luɔi 15:30

Na wën, aacï ke tɔ jël, ke ke bɔ̈ Antiokia, ku të cï kek akutnɔm ë kɔc tɔ guëër, ke ke jɔkï gäm awerek.

Luɔi 17:18

Ku ade kɔc pel nïïm, ke yï Epikuriin ku Thotoikoi, kɔc cï e gëk. Go kɔc kɔ̈k lueel an, “Raan wööŋë bï ŋö lueel?” Ku lueel kɔ̈k an, “Acït kë guiir jam de yiëth mɛɛn kucku.” Në guïïr cï Paulo keek guiëër jam de Yecu, ku jön bï kɔc röt jɔt.

Luɔi 18:22

Na wën, aacï bɛ̈n bei ë abëlic ë Kaitharia, ke jɔ ɣön ë Nhialic lɔ thiëëc, ku jɔ lɔ Antiokia.

Luɔi 2:10

ku Purugia, ku Pampulia, ku Rip, ku bɛ̈i ke Libya thiɔ̈k ke Kurene, ku kamaan ë bɔ̈ Roma, ayï Judai ayï kɔc ë cï röt tɔ ye Judai,

Luɔi 4:36

Ku ade mony cɔl Jothep, mony cï tuuc cäk rinke an, Baranaba (yen aye wën ë Muŋdepiɔ̈u, të pukë yen ë thoŋda), ku ye raan ë Lebi, paanden ee Thaiperuth,

Luɔi 5:42

Ku aköölnyïïn kedhie, ë Luaŋdïtic ayï ɣööt yiic ëbɛ̈n, akënkï wëët aa pɔ̈l, ayï guiëër ë wëlpiɛth aya an, Yecu yen aye Kërtho, akënkï pɔ̈l.

Luɔi 6:1

Na ɣɔn ë aköölkë, të cï kuën ë kɔcpiööcë rɔt ŋuak ke Judai ë bɔ̈ paan ë Girikii ke ke cak dhiëëu në kɔc ke Ɣeberuu an, cï diëërken nyɔ̈ŋ diëër cïn nïïm röör, të tekë wëu ë aköölnyïïn kedhie.

Luɔi 6:5

Ku löŋë acï kut ë kɔc tɔ mit piɔ̈ɔ̈th kedhie, agokï Thepano lɔc, raan ë gam arëët, ku cï thiäŋ ke Wëidït ɣer, ku Pilip, ku Porokoro, ku Nikanor, ku Thimon, ku Parmena, ku Nikola raan ë bɔ̈ Antiokia ku cï rɔt tɔ ye Judai.

Luɔi 6:9

Na wën, ke kɔc kɔ̈k ë ke jɔt röt, kɔc ke luaŋ ee kɔc guëër thïn luaŋ ë kɔc cɔl Libertinoi, ayï kɔc ke Kurene, ku kɔc ke Alekandaria, kekë kɔc ke Kilikia, ku Athia, ke ke jɔt röt, akɔɔrkï teer në Thepano.

Luɔi 8:35

Na wën, ke Pilip jɔ yethok tueer, ku gɔl jam ë cöök awën, ago guiëër ka ke Yecu.

Luɔi 8:5

Ku lɔ Pilip pänydïït cɔl Thamaria, le kɔc guiëër Kërtho.

Luɔi 9:20

Go jam dap gɔl ë ɣööt ke Nhialic yiic, aguiir Yecu an, ee Wën ë Nhialic.

Luɔi 9:29

ku ye kɔc guiëër në rin ke Bɛ̈nydït Yecu ke ye ŋeeny, go wël aa tɛɛr kekë Judai ëbɔ̈ paan ë Girikii, ku adekï piɔ̈ɔ̈th luɔi nɛ̈k kek en.

1 Kor 2:2

Yɛn cï löŋ teem ë yapiɔ̈u an, acïn kë bä ŋic ë weyiic, ee Yecu Kërtho etök, ku piëët ë piëëtë yen ë tim cï rïïu nɔm kɔ̈u.

Galatai 2:11

Na wën, aacï Petero bɛ̈n Antiokia, ke ja jɔ̈ɔ̈ny ë yenɔm, luɔi de yen yeth gääk.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,