Luɔi 11:18 - JAM DE NHIALIC 2011

¹⁸ Na wën, aa cïk kake piŋ, ke ke jɔ lɔ lik, ku leckï Nhialic an, “Ee yic, Nhialic acï Juöör dhil gäm puŋdepiɔ̈u aya ke ke bï pïïr!”

Luɔi 11:18 ပူးပေါင်းရင်းမြစ်များ

Yith 11:10

Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Edhekiɛl 36:26

Wek bä ke gäm piɔ̈ɔ̈th cï piac cak ku nïïm cï piac looi. Yɛn bï riɛl ë nɔmduön cït kuur nyaai ku gäm week piɔ̈n de riëëu.

Edhekiɛl 47:22

abäk nööm ke ye këdun anandun. Alɛi rɛ̈ɛ̈r në weyiic ku kɔc cï mïthken bɛ̈n dhiëëth ee tënë, abïk biäkden de piny nööm aya të la wek en tek. Abï keek dhil aa luööi cït man ë dïïl ke dhiëën ke Yithriɛl, ku abïk deeny ë gɛk në mïth ke Yithriɛl ëtök.

Dhek 12:10

“Ku yɛn bï wëi ke kokdepiɔ̈u, ku lɔ̈ŋ luööŋ në käu de Debid guöp, ku kɔc cieŋ Jeruthalem. Ka abïk raan cïk nɔ̈k aa dhiëëu cït ka dhiëëu mɛnh tök në man nɔm. Abïk aa dhiëëu në jiɛthëpiɔ̈u cït ka dhiëëu wën kɛ̈iden.

Math 9:8

Na wën, acï kuut ke kɔc e tïŋ, ke ke gäi, ku leckï Nhialic, Raan cï riɛl cït ee kënë gam kɔc.

Luɔi 11:1

Na wën, ke tuuc ku kɔc cï mat ë gäm kɔc ë tɔ̈u ë Juda ke ke piŋ nɔn cï Juöör jam ë Nhialic gam ayadäŋ.

Luɔi 14:27

Na wën, aa cïk bɛ̈n, ke ke tɔ kɔc ke ɣön ë Nhialic tɔ guëër, ku guïïrkï keek këriëëc cïï Nhialic looi kekë keek, ku luɔi cï en ɣön ë gäm liëp Juöör.

Luɔi 15:3

Go kɔc ke ɣön ë Nhialic ke ruac kueer, ku jɔkï tëëk në Poiniki kekë Thamaria, ke ke lëk kɔc puŋ cï Juöör kepiɔ̈ɔ̈th pɔ̈k Nhialic, gokï wäthii tɔ mit piɔ̈ɔ̈th aläl.

Luɔi 20:21

Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Luɔi 21:20

Na wën, aa cïk e piŋ, ke ke jɔ Nhialic lɛc nɔm, ku yöökkï an, “Kɛ̈në tïŋ ënɔɔnë, mɛnhwääda, kut dït ë Judai cï gam, nɔn juëc kek aläl, ku nɔn lëth kek yiic ë baŋ de löŋ kedhie.

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

Luɔi 3:26

Ku Nhialic, luɔi cï en Wëndɛn Yecu jat nhial, acï kɔn tuöc week, bï week bɛ̈n thieei, në döŋ bï en we dak wei ë luɔiduön racic, week wedhie.”

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

Romai 9:30

Eeŋö buk jɔ lueel? An, Juöör, kɔc ë cïï piathëpiɔ̈u ee cop, acïk piathëpiɔ̈u yök, yen aye piathëpiɔ̈u bɔ̈ në gäm,

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 7:10

Ku dhiënëpiɔ̈u bɔ̈ tëde Nhialic ee puŋdepiɔ̈u bɛ̈ɛ̈i, ke bï raan kony wëi, ku acïn raan bï rɔt gɔ̈k ë ye: ku dhiënëpiɔ̈u bɔ̈ në piny nɔm ee thuɔɔu bɛ̈ɛ̈i.

Galatai 1:24

Agokï Nhialic leec në këdï.

Jocua 22:30

Na wën, aacï Pineɣath bɛ̈ny de kake Nhialic kekë bäny ke akutnɔm kathiëër kɔ̈kë jam piŋ, jam de dhiën ë Ruben kekë dhiën ë Gad, ku biäk de dhiën ë Manatha tɔ̈u të lɔ aköl amiäk, ke kueth kepiɔ̈ɔ̈th.