Luɔi 10:40 - JAM DE NHIALIC 2011

⁴⁰ Ku yen acïï Nhialic jat nhial ëkööl ee kek diäk, ku tɔ tiëc ëgɔk,

Luɔi 10:40 ပူးပေါင်းရင်းမြစ်များ

Jɔn 14:22

Go thiëëc ë Judath (acie Yithkariɔt) an, “Bɛ̈nydït, ee kaŋö kë bï yïn rɔt nyuöth wook, ku cïï rɔt bï nyuöth kɔc ke piny nɔm?”

Luɔi 17:31

Në luɔi cï en kööl tök lueel, kööl bï en löŋ de pinynɔm guiir ë piathëpiɔ̈u në raan cï tɔ ye bɛ̈ny ee löŋ guiir, ku acï kënë tɔ ŋic kɔc kedhie an, ee jam yic, në jön cï en e jɔ̈t bei ë kɔc cï thou yiic!”

Luɔi 2:24

Yen acïï Nhialic jat nhial, të cï en e luöny bei ë thuɔɔuwic: luɔi dhɛlë thuɔɔu muŋ bï en e muk.

Luɔi 2:32

Yen Yecu manë, yen acïï Nhialic jat nhial, ku wook wodhie wok ee cäätɔɔ në ee cöökë.

Romai 1:4

ku cï tïc në riɛl dït nɔn ee yen Wën ë Nhialic, në këde Wëi ke ɣɛɛrëpiɔ̈u, në jön cï en rɔt jɔt ë kɔc cï thou yiic, yen Yecu Kërtho Bɛ̈nydïïtda,

Romai 14:9

Ku yen aa thouwë Kërtho, ku jɔt rɔt be pïïr, luɔi bï en aa Bɛ̈nydïït ë kɔc cï thou ayï kɔc pïïr.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

2 Kor 4:14

Në ŋïny ŋic wok cöökë an, Raan wään jɔt Bɛ̈nydït Yecu nhial, en abï wo jat nhial aya në Yecu, ago wo tääu ë yenɔm wokë week ëtök.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.