Luɔi 1:24 - JAM DE NHIALIC 2011

²⁴ Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

Luɔi 1:24 ပူးပေါင်းရင်းမြစ်များ

1 Mel 8:39

Piŋ lɔ̈ŋden ɣöndu paannhial, pälë keek awɛ̈ɛ̈cken, ku kony ke. Yïn Yïtök, Yïn ŋic kë nu ë mɛnh ë raan piɔ̈u. Ye raan ëbɛ̈n luöi kë rɔ̈ŋ kekë kë cï looi,

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

1 Lëk 29:17

Ku aŋiɛc Nhialicdï nɔn Yïn kɔc them piɔ̈ɔ̈th, ku Yïn ee piɔ̈u miɛt wekë raan lɔ piɔ̈n wai. Në riëëu ku piɔ̈ndiën lɔ wai, yɛn cï ee kakë gäm yïn kedhie ë piɔ̈n mit, ku yɛn cï miɛtëpiɔ̈u de kɔckuön tɔ̈u ee tënë tïŋ, kɔc cï miɔ̈c gäm Yïn ke ke mit piɔ̈ɔ̈th.

Diɛt 44:21

ke Yïn aduɛ̈ɛ̈rë ŋic, ë luöi ŋic Yïn kë cïï ë raan thiaan në yepiɔ̈u.

Diɛt 7:9

Yïn ee Nhialic Piɛthpiɔ̈u, ku ye täŋda ku këde piɔ̈nda them. Tɔ luɔi de kɔc ee kërac looi kääc, ku cuöötë kɔc ee kapiɛth looi.

Kɛ̈ŋ 15:11

Na ye Bɛ̈nydït riäŋ cï thiaan paan ë thuɔɔu tïŋ, ka cïï kë nu ë kɔc piɔ̈ɔ̈th duëër bɛ kuc.

Jeremia 11:20

Na wën ke ya läŋ an, “Bɛ̈nydït de rɛm, Yïn ee Raan ee löŋ guiir në yic, Yïn ee täŋ de kɔc them ku them kë yek thɔ̈ɔ̈ŋ. Yɛn cï göönydï tääu ë yïcin, ka Yïn kaar bä Yïn tïŋ ke yï guur yɛn në ee kɔckë.”

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Jeremia 20:12

Ku Bɛ̈nydït de rɛm, Yïn ee kɔc them ë yic, yïn ŋic kë nu ë kenïïm ku në kepiɔ̈ɔ̈th. Tɔ ya tïŋ yïn ke yï guur këdï në kɔc ke aterdï, në biäk cän göönydï tääu ë yïcin.

Kuɛ̈n 27:16

“Yïn läŋ Bɛ̈nydït Nhialic muk wëi ke raan ëbɛ̈n, nɔn kuëny yïn akutnɔm raan bï keek wat.

Luk 16:15

Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Luɔi 14:23

Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

Luɔi 15:8

Ku Nhialic, Raan ŋic kɔc piɔ̈ɔ̈th, acï aa cäätɔden, në miɔ̈c cï en keek miɔɔc në Wëidït ɣer, acït man cï en wo miɔɔc.

Luɔi 6:6

Gokï ke tääu ë tuuc nïïm: na wën aa cïk lɔ̈ŋ, ke ke thɛny kecin ë kegup.

Romai 8:27

Ku Raan ë kɔc woi piɔ̈ɔ̈th thïn ee piɔ̈n ë Wëidït ŋic, täu tɔ̈u en, luɔi ee yen lɔ̈ŋ në biäk de kɔc ɣerpiɔ̈ɔ̈th në këde piɔ̈n ë Nhialic.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

1 Tham 14:41

Na wën ke Thaulo ë läŋ Bɛ̈nydït Nhialic de Yithriɛl an, “Bɛ̈nydït, eeŋö kën yïn lɔ̈ŋdï bɛ̈ɛ̈r ee köölë? Bɛ̈nydït Nhialic de Yithriɛl, bɛ̈ɛ̈rë lɔ̈ŋdï në kur ɣer yiic. Na ye awäc këdï ku nɔn ee këde Jɔnathan ke bɛ̈ɛ̈rë në Yurim, ku na ye awäc këde kɔc ke Yithriɛl ke bɛ̈ɛ̈rë në Thumim: kur kaarou ye bɛ̈ny de kake Nhialic ke dɛɛny bïï yen këde Nhialic piɔ̈u ŋic. Go gaak löny kekë Jɔnathan ku Thaulo, ku tiëc kɔc ke Yithriɛl ke cïn kë cïk looi.

1 Tham 16:7

Ago Bɛ̈nydït lɛ̈k Thamwɛl an, “Duk rɔt tɔ diir ë läkde, ayï bɛ̈ɛ̈rde, acie yen cä lɔc. Yɛn cie lɔc cït man ye raan lɔc. Raan ee raan woi guöp biic, ku Yɛn ee raan woi piɔ̈u thïn.”