Luɔi 1:14 - JAM DE NHIALIC 2011

¹⁴ Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.

Luɔi 1:14 ပူးပေါင်းရင်းမြစ်များ

Math 12:46

Na wën, të ŋoot en ke jam kekë kut ë kɔc, ke man ku mïthëkɔcken ke ke kääc biic, akɔɔrkï jam bï kek jam ë yen.

Math 21:22

Ku na de kë bäk lïm të läŋ wek ku gamkï, abäk keek aa yök.”

Math 27:55

Ku nu diëër juëc ëtɛ̈ɛ̈n adɛɛikï tëmec, diëër wën cï Yecu biaath cök Galili, ke ke ye këde looi.

Mak 15:40

Ku ade diäär ëtɛ̈ɛ̈n aya diëër kääc tëmec ke ke daai: adekï yiic yï Meri Magdalene ku Meri man Jakop thii ku Jothe, ku Thalome.

Mak 16:1

Na wën, aacï Thabath guɔ thök, ke Meri Magdalene, ku Meri man Jakop, ku Thalome, ke ke ɣɔc wɛ̈ɛ̈l cï tumëtum, bï kek e bɛ̈n tɔc guöp.

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Luk 18:1

Go keek lɛ̈k kääŋ, ke kɔc ë ke bï dhil aa cool ë lɔ̈ŋ, ku cïkï ee bäp,

Luk 23:49

Go kɔc ŋic en kedhie ku diëër wään ë ye kuany cök në Galili, gokï kɔ̈ɔ̈c tëmec, ku dɛɛikï në kakë.

Luk 23:55

Na wën, ke diëër wään cï bɛ̈n bei ë Galili në yen ëtök, ke kuanykï cök, ke ke jɔ raŋ tïŋ, ku tïŋkï täu cï guöpde tɔ̈ɔ̈u.

Luk 24:10

Ee yï Meri Magdalene, kekë Jowana, ku Meri man Jakop, ku diëër kɔ̈k cath në keek, kek aa lëk tuuc ee kakë.

Luk 24:33

Gokï röt jɔt ë thaar manë guöp, ku bekï kenïïm dhuöny Jeruthalem, agokï kɔc kathiëër ku tök yök acïk guëër, kekë kɔc ë rëër në keek,

Luk 24:53

ku yek cool ë tɔ̈u Luaŋdïtic, ke ke ye Nhialic leec. Amiin.

Luk 8:20

Ku acï lɛ̈k en an, “Moor ka kääc biicë kekë mïthëkɔckun, akɔɔrkï yïn.”

Luɔi 2:1

Na wën, aacï kööl ë Thiërdhïc guɔ bɛ̈n, ke ke tɔ̈u tëtök kedhie.

Luɔi 2:42

Agokï aa cool ë tɔ̈u ë wëëtic wëët ë tuuc, ku yek cool ë abärɔ yic, ku wäŋ ee kuïn wökic, ku lɔ̈ŋic.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Luɔi 6:4

Ku wook, wo bï ya ceŋ ë wo läŋ, ku guiirku jam.”

Romai 12:12

Yak piɔ̈ɔ̈th miɛt ë aŋäth ŋäthkï, yak këril dhal week guum, yak lɔ̈ŋ cök ë giët wek en.

1 Kor 14:13

Yen raan ee jam ë thoŋ mɛɛn ë läŋ ke bï jam ŋiëc puk.

Epethiei 6:18

Ku yak cool ë lɔ̈ŋ ë aköölnyïïn kedhie në lɔ̈ŋ ëbɛ̈n ku pal ë Wëi yiic, ku yak cök ë tiɛɛt wek röt ë keyiic, në ŋäŋ aa wek wenïïm ŋak arëët ku pal aa wek pal në biäk de kɔc ɣerpiɔ̈ɔ̈th kedhie.

Kolothai 4:2

Yak cök ë cuɔɔl wek ë lɔ̈ŋ, ku yak röt tiit thïn në luɛl aa wek e dap lueel an, thieithieei.