3 Jɔn 1:4 - JAM DE NHIALIC 2011

⁴ Acïn kën ee ya tɔ mit piɔ̈u kë wär piŋ cän e piŋ nɔn rɛ̈ɛ̈rë mïthkï në yicic.

3 Jɔn 1:4 ပူးပေါင်းရင်းမြစ်များ

1 Mel 2:4

Na lɔ ee kënë looi, ke Bɛ̈nydït abï löŋdɛn wään cï thɔ̈n ɛn döt ɣɔn lueel en en an, na lɔ käudu rëër në rëër rɔ̈ŋ ke täu duëër kek rëër, ku kuanykï Yacök në piɔ̈nden ëbɛ̈n, ku në wëiken ëbɛ̈n, ke yïn bï dɛ mïth bï aa meliik në thööny de Yithriɛl nɔm.

1 Mel 3:6

Go Tholomon bɛ̈ɛ̈r an, “Yïn cï nhiëër agɔk nyuöth wäär Debid raanduön ee Yï luööi, cït man ee yen cath ë kuɛɛrku yiic në yic, ku në piathëpiɔ̈u. Yïn ŋoot ke Yï döt nhiëërduön agɔk wekë yen, në kë cïï Yïn en yiɛ̈n mɛwä bï nyuc në thöönyde nɔm, cït ee köölë.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

Kɛ̈ŋ 23:24

Miɛtëpiɔ̈u dït ee këde wun mɛnh piɛthpiɔ̈u ku pel nɔm.

Yith 38:3

“Tak Yïnɔm Bɛ̈nydït në luɔi ë yan ye them anandï bä aa raan adöt ku bä aa raan ee këde piɔ̈ndu looi.” Ku jɔ Ɣedhekia dhiau arëët.

Yith 8:18

Yakï wokë mïth cïï Bɛ̈nydït gäm ɛn. Bɛ̈nydït de rɛm tɔ̈u ë thööcde ë kuur ë Dhiɔn nɔm, acï wo tuöc kɔc ke Yithriɛl ke wo ye wël pïïr.

2 Kor 6:13

Ku ënɔɔnë, në cuöt bä wek käŋ cool aya (yɛn cït kë jam wokë mïthkï), takï weyäc lääu.

Galatai 2:14

Na wën, aa cä rëërden tïŋ, nɔn cïï en ee rëër piɛth röŋ ke yic de wëlpiɛth, ke ya jɔ Petero yɔ̈ɔ̈k ë kɔc nïïm kedhie an, “Yïn, yïn ee Judai nɔm, ku yïn ee rɛ̈ɛ̈r ë rëër ë Juöör ku cïï rɛ̈ɛ̈r ë rëër ë Judai, eeŋö ee yïn ye kɔɔr bä Juöör dhil tɔ rɛ̈ɛ̈r ë rëër ë Judai?”

Galatai 4:19

Wek mïthkiën thiikë, yɛn ë bɛ rɔ̈ɔ̈p ë dhiënhdun, aɣet të bï Kërtho cuëëc ë weyiic.

1 Theth 2:11

acït man ŋiɛc wek en, guiëër ee wok week guiëër ku muŋ ee wo week muk piɔ̈ɔ̈th, ku lëk ee wok week lɛ̈k wedhie, cït man ee wun mïth jam kekë mïthke,

1 Tim 1:2

Ee Timotheo en gäär, ee mɛnhdiën yic në gämic: Ë dhuëëŋdepiɔ̈u ë ye tɔ̈u ke yïn, ku kokdepiɔ̈u, ku mät, në ke bɔ̈ tëde Nhialic Wääda ku Kërtho Yecu Bɛ̈nydandït.

2Tim 1:2

Awerek en gäär Timotheo, mɛnhdiën nhiaar: Ë dhuëëŋdepiɔ̈u ë ye tɔ̈u kekë yïn, ku mät, ku kokdepiɔ̈u, në ke bɔ̈ tëde Nhialic Wääda kekë Kërtho Yecu Bɛ̈nydïïtda.

Pile 1:10

Yïn läŋ në biäk de mɛnhdï Onethimo, mɛnh cä dhiëëth ë jothkï yiic.

1 Jɔn 2:1

Wek mïthkiën thiikë, kakë a gäär ke week, ke we cïï kërac bï aa looi. Ku na de raan loi kërac, ke wo de Raan ë këda kuɔny ë guiëër ë Wääda nɔm, yen aye Yecu Kërtho raan piɛthpiɔ̈u.

2 Jɔn 1:4

Yɛn ë piɔ̈u miɛt aläl luɔi cän mïthkuön kɔ̈k yök aciɛthkï ë yicic, acït man cï wo löŋ yök tëde Wääda.