2 Theth 3:3 - JAM DE NHIALIC 2011

³ Ku Bɛ̈nydït en aye piɔ̈u adöt, raan bï we tɔ kääc aril, ku gël week ë kërac.

2 Theth 3:3 ပူးပေါင်းရင်းမြစ်များ

Cäk 48:16

Abï tunynhial ke thieei, tunynhial ɣɔn luäk ɛn në karɛciic ëbɛ̈n. Ku abïk ŋoot ke ke ye cɔ̈l ɛn, ku cɔ̈lë ke wärkuɔ: yï Abraɣam kekë Yithaak. Ku abïk nïïm dɛ mïth juëc arëët, ku dekï nïïm mïth ke mïthkɛn juëc!”

1 Lëk 4:10

Go Jabedh Nhialic de Yithriɛl lɔ̈ŋ an, “Thieei ɛn Nhialic, ku miɔc ɛn ë piny lääu, ku bä tɔ̈u wek ë yɛn, ago yɛn aa gël ë karɛc bï ya tɔ yök arɛɛm.” Go Nhialic yen gäm këdɛn cï thiëëc ë lɔ̈ŋde yic.

Diɛt 121:7

Bɛ̈nydït abï yïn gël ë karɛc yiic ëbɛ̈n ku abï yïn gël apiɛth.

Diɛt 19:13

Gël ɛn në awäny de kuöc luɔi, du awɛ̈ɛ̈c tɔ ceŋ awundu. Yen abän aa raan cïn guöp gääk ku ciɛ̈n guöp awänydït.

Math 5:37

Yak jamdun tɔ ye “ɣɛɛ, ɣɛɛ, tei”, ku, “Ei, Ei,” jam wär ee jamë ee kërac yen ë bïï en.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Luk 11:4

Ku ye wo päl karɛckuɔ, ku wook aya wo ye kɔc pɔ̈l kedhie kɔc cath në känykuɔ. Ku du wook ee lɛɛr ë thëmic, ye wo luök ë kërac.”’

Jɔn 17:15

Acie luɔi bï yïn ke bɛ̈ɛ̈i bei ë piny nɔm en läŋ, ee luɔi bï yïn ke gël ë kërac.

1 Kor 1:9

Nhialic ee Raan adöt, Raan cï we cɔɔl në këde määth de Wëndɛn Yecu Kërtho Bɛ̈nydïïtda.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

1 Theth 5:24

Raan ë cɔl week ee raan adöt, Raan bï luɔi dhil thöl ayadäŋ.

2 Theth 2:17

ë ye week muk piɔ̈ɔ̈th, ku tɔ ke ril në jam piɛth ëbɛ̈n ku luɔi piɛth ëbɛ̈n.

2Tim 4:18

Ku Bɛ̈nydït abï a luök ë luɔi racyic ëbɛ̈n, ku jɔ a muk aɣet ciɛɛŋdɛn nu paannhial. Ë dhuëëŋ ë ye tɔ̈u kekë yen aɣet athɛɛr ya! Amiin.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

2 Pet 2:9

Të cï en käŋ looi aya, Bɛ̈nydït aŋic kɔc riëëu en luök të cï ke them, ku ŋic kɔc racpiɔ̈ɔ̈th mac aɣet kööl ë guiëërëlöŋ ke ke bï këdɛn tuc yök,

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,