2 Theth 3:16 - JAM DE NHIALIC 2011

¹⁶ Ku ënɔɔnë, Bɛ̈nydïït de mät, yenguöp, ë ye week gäm mät anandun në käŋ yiic kedhie. Ë Bɛ̈nydït ë ye tɔ̈u ke week wedhie.

2 Theth 3:16 ပူးပေါင်းရင်းမြစ်များ

Diɛt 29:11

Bɛ̈nydït ee kɔcke gäm riɛl, Bɛ̈nydït ee kɔcke thieei në mät.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 46:7

Bɛ̈nydït de rɛm atɔ̈u ke wook, Nhialic de Jakop ee tëdan ë thiaan.

Diɛt 72:3

Tɔ piny yök kuɛth në biäk de kɔc, ku tɔ yök piathëpiɔ̈u.

Diɛt 72:7

Tɔ piathëpiɔ̈u dït në akööl ke pïïrde yiic ku tɔ kuɛth tɔ̈u në pɛ̈i yiic ëbɛ̈n.

Yith 26:12

Yïn bï wo gäm mät, Bɛ̈nydït, këriëëc cuk looi ëbɛ̈n, ee Yïn ee ye luöi wook.

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Yith 54:10

Kur dït ku kur kor aduëërkï kuɛm, ku nhiëërdiën agɔk acïï bï kɔn jäl tëde we, Yɛn bï gutguutdiën de mät muk aɣet athɛɛr.” Yen kë lueel ë Bɛ̈nydït nhiaar week ka.

Yith 66:12

Aye Bɛ̈nydït lueel an, “Yïn bä yiën kuɛth cïï kɔ̈u bï tɛɛm, kajuëc ke juöör abïk wɛt tëde yïn cï pïïu ke kiir cie dëu. Yïn bï ciët mɛnh thiin ye boom në yeyɔu, ku ye luööi në nhiëër.

Yith 8:10

Luɔikï guiɛɛrdun! Ku acïkï bï tiam. Jamkï në jamduön cäk tak! Ku acïnkï naamden, në luɔi tɔ̈u ë Nhialic ke wook.

Ɣagai 2:9

Luaŋdït cï piɛc yïk, abï läk arëët awär ɣön wään tueŋ. Ku yɛn bï kɔckï tɔ kueth, ku gäm keek mät, Bɛ̈nydït de rɛm Yen aa jam.

Dhek 6:13

Ee yen abï Luaŋdït bɛ yïk, ke bï dhuëëŋ guöp cï melik, ku abï nyuc në thööny nɔm ke ye bɛ̈ny de kɔcke. Ku bɛ̈ny de kake Nhialic abï ya tɔ̈u në yelɔ̈ɔ̈m. Ku abïk dɛ rëër lɔ dïu në kaamden kaarou.’

Kuɛ̈n 6:26

Bɛ̈nydït abï yï dhuëëŋ guöp, ku tɔ yïn mät.

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

Math 28:20

ku yak keek wɛ̈ɛ̈t, bïk käŋ aa döt kedhie ka cä thɔ̈n week, ku ya kï, yɛn ee cool ë tɔ̈u wo week ë aköölnyïïn kedhie, aɣët thök bï piny thök. Amiin.

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Romai 1:7

Wek kɔc nu Roma wedhie, kɔc nhiɛɛr Nhialic, ku cï we cɔɔl, bäk aa kɔc ɣerpiɔ̈ɔ̈th. Ë dhuëëŋdepiɔ̈u tɔ̈u ë weyiic kekë mät, ë ke bɔ̈ tëde Nhialic Wääda kekë Bɛ̈nydït Yecu Kërtho.

Romai 15:33

Nhialic de mät, ë tɔ̈u ke week wedhie. Amiin.

Romai 16:20

Ku Nhialic de mät abï Catan dap tɔ dum ë wecök piny. Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke week. Amiin.

1 Kor 14:33

Nhialic acie Nhialic de liëëpëkäŋ, ee Nhialic de mät. Cït man tɔ̈u en në ɣööt ke Nhialic yiic kedhie, ɣööt de kɔc cï gam.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

Epethiei 6:23

Ë mät tɔ̈u ke mïthëkɔckuɔ, ayï nhiëër kekë gäm, në ke bɔ̈ tëde Nhialic Wääda kekë Bɛ̈nydït Yecu Kërtho.

1 Theth 3:11

Ënɔɔnë, ee Nhialic guöp, yen aye Wääda, kekë Bɛ̈nydan Yecu Kërtho, ë ke nyuth wo kueerdan lɔ tëde week:

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

2 Theth 3:18

Ë dhuëëŋ de Bɛ̈nydan Yecu Kërtho piɔ̈u ë tɔ̈u ke week wedhie. Amiin.

2Tim 4:22

Ë Bɛ̈nydït Yecu Kërtho ë ye tɔ̈u ke wëiku. Ë dhuëëŋdepiɔ̈u ë ye tɔ̈u ke week wedhie Amiin

Pile 1:25

Ë dhuëëŋ de Bɛ̈nydan Yecu Kërtho piɔ̈u ë ye tɔ̈u ke wëikun. Amiin.

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 7:2

Abraɣam acï töŋ thiëër ë käŋ kedhie bɛ̈n gäm en, ka wään puk nïïm tɔŋ. Ke lueel ë rin ke Melkidhedek “Ee meliŋ de piathëpiɔ̈u” ku në luɔi yen meliŋ de Thalem, kë lueel rinke Thalem ee mät.

Bäny 6:24

Go Gidiɔn yïk yiëk Bɛ̈nydït ëtɛ̈ɛ̈n ku ciɛ̈k an, “Bɛ̈nydït ee Mät.” (Agut cï ee köölë aŋoot ke kääc në Opera de dhiën de Abiedher.)

Ruuth 2:4

Na wën, ke Bowadh ë bɔ̈ domic, ku thiëëc kɔc lui an, “Bɛ̈nydït ë tɔ̈u ke week!” Go kɔc lui puk nɔm an, “Athiɛɛi ë Bɛ̈nydït ë tɔ̈u ke yïn!”

1 Tham 17:37

Go Debid lueel, an “Bɛ̈nydït ë ya kony në kɔ̈ɔ̈r ku kony ɛn në köör ayuääl, ka Yen abï ya kony në ee Pilithiinë aya.” Go Thaulo lɛ̈k en an, “Apiɛth lɔ, Bɛ̈nydït abï tɔ̈u ke yïn.”

1 Tham 20:13

Të lan yen yök ke köör yïn riääk. Yïn bä lɛ̈k ayadäŋ, ku ta yï jäl ke cïn kërɛɛc jak yïn, na de ka thiaan në yïn, cakaa Bɛ̈nydït abï a nɔ̈k ë cökiic. Bɛ̈nydït abï tɔ̈u ke yïn, cït man ɣɔn kɔn en tɔ̈u ke wäär!