2 Theth 3:15 - JAM DE NHIALIC 2011

¹⁵ Ku duökï ee tɔ ye raan dɛ wek ater, yak nen tei cït man ë mɛnhkënëdun.

2 Theth 3:15 ပူးပေါင်းရင်းမြစ်များ

Diɛt 141:5

Kɔc piɛth aduɛ̈ɛ̈rkï a dui ku nenkï yɛn në piath, ku yɛn cïï miɔ̈c de kɔc ee karɛc looi bï gam, në biäk ee yɛn cool ë läŋ në biäk de luɔidɛn rac.

Kɛ̈ŋ 25:12

Pïŋ de jäny ë raan pɛlënɔm ee ciët yöŋ de adhääp ku kaläk de naamden.

Kɛ̈ŋ 9:9

Wɛ̈ɛ̈të raan pelnɔm, ke bï pɛlënɔmde ŋuakic, ku wɛ̈ɛ̈të raan ɣer piɔ̈u, ke bï wëët.

Math 18:15

Ku na mɛnhkui, të cï en yï wäc këdäŋ, ke yï lɔ, lɛ̈kë yen kë cï wööc tëdun waarou, të cï en yï piŋ thok, ke we ye wepiɔ̈ɔ̈th jɔ yök wekë mɛnhkui.

1 Kor 4:14

Yɛn cïï kake gäär luɔi bän we tɔ yäär, ku wek a nen cït man ë mïthkiën nhiaar gup.

1 Kor 5:5

ke we bï ee raanë yiɛ̈n Catan le riɔ̈ɔ̈k guöp, ke bï kony wëi ë kööl ë Bɛ̈nydït Yecu.

2 Kor 10:8

Ku na ya cak rɔt leec aläl në riɛlda (riɛl ë gëmë Bɛ̈nydït wook në këde kuɛ̈t bï wo week kueet, ku acie këde thuur bï wo we thuöör piny) ke yɛn cïï duëër yäär.

2 Kor 13:10

Yen a gäär ɛn kakë ke ya liu ë weyiic, ke we cä bï dhil nen ë nën rac miäk të cän bɛ̈n, ago riɛl cïï Bɛ̈nydït gäm ɛn, ago aa këde yïŋ de käŋ, ku acie këde dhuur ë käŋ piny.

Galatai 6:1

Wek mïthëkɔckuɔ, na de raan cï cäk dɔm në kërɛɛc cï looi, ke wek kɔc ke wëi, jakï raan cït ee kënë dak kueer, në kuur aa wek röt kuɔɔr piny, ye yïpiɔ̈u woi, ke yï cïï bï them aya.

1 Theth 5:14

Wek lëkku, wek mïthëkɔckuɔ an, Yak kɔc ee löŋ yalic nen, yak kɔc ee piɔ̈ɔ̈th riɔ̈ɔ̈c muk piɔ̈ɔ̈th, yak kɔc kɔ̈c kony, yak piɔ̈ɔ̈th liɛɛr në kɔc kedhie.

2 Theth 3:13

Ku week, wek mïthëkɔckuɔ, duökï ee bäp në luɔi de këpiɛth.

2 Theth 3:6

Ku ënɔɔnë, we yöökku, wek mïthëkɔckuɔ, në rin ke Bɛ̈nydan Yecu Kërtho, an, Ratkï röt wei ë mɛnhkënëda lɔ̈ɔ̈m ëbɛ̈n mɛnh kuc rëër, ku reec jam aa piŋ jam cäk yök tëde wook.

Tito 3:10

Raan ee wëët yalic, të cï yïn e jɔ̈ɔ̈ny raantök ayï raanrou, ke jɔ rɛɛc.