2 Theth 2:8 - JAM DE NHIALIC 2011

⁸ Ku yen abï raanë jɔ tïc, raan reec löŋ ëliŋliŋ, raan bïï Bɛ̈nydït Yecu nɔ̈k në wëi bɔ̈ bei ë yethok, ku tɔ mär në riau de bɛ̈nde:

2 Theth 2:8 ပူးပေါင်းရင်းမြစ်များ

2 Tham 23:7

Abïï raan ke jok në wai ku nɔn ee wëëth, ku abï keek nyop ë mac taitai.

Jop 4:9

Wëi ë Nhialic ee ke nɔ̈k, ku yom de agönhde ee ke riɔ̈ɔ̈r nyïïn.

Diɛt 18:15

Ago lil de Abäpdit thar tïc, ku tiëc këërkëër de piny, të cï Bɛ̈nydït kɔc ke aterde rël yiic, ku të cï yen ke ŋɛ̈ny në agɔ̈th.

Yith 11:4

abï löŋ de kɔc kuanynyïïn guiir ë piathëpiɔ̈u, ku ee yic de kɔc cïn nïïm riɛl kuöny keek. Në kë cï lueel abï kɔc tɔ luɔiyë këtuc, ku kɔc ee karɛc looi abïk thou.

Yith 30:28

Ee yom tuɔɔc ë Yenɔm tueŋ cï amool ee këriëëc ëbɛ̈n gap wei. Ee juöör nap wei ë riääkic ku tɔ kiɛɛrdɛn rac ëbɛ̈n kääc abï liu.

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Danyel 7:26

Ku ëtɛ̈ɛ̈n luk abï nyuc nhial bïï löŋde teem, riɛlde abïï nööm, ku jɔ riɔ̈ɔ̈k taitai.

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Ɣodh 6:5

Yen acän week tuöc tïtkiën ke Nhialic në jam de luɔi de këtuc kekë riääk. Kë kaar tëde week ee kë tiëc yic ku le gɔk.

Math 13:19

Të piŋë raan jam de ciɛɛŋ, ku cïï ë yökic, ke jɔŋ dïït rac bɔ̈, ago kë cï com ë yepiɔ̈u gɔp. Kë cï com ë kueer këc ka.

Math 13:38

ku dom yen aye piny nɔm, ku kɔ̈th piɛth kek aye mïth ke ciɛɛŋ, ku wɛl röör kek aye mïth ke jɔŋ dïït rac,

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

1 Kor 1:28

ayï ka youyou ka ke piny nɔm, ayï ka cï biɔɔn, acï Nhialic ke lɔc, acakaa ka liu aya, bï en ka nu tɔ cïn naamden,

2 Theth 2:3

Ë cïn raan ee we math, acakaa yen ë mɛth week ë ŋö: köölë acïï bï kɔn bɛ̈n, të ŋoot ë dɔk ke kën bɛ̈n, dɔ̈ŋ ee kɔc röt dak ciëën, ku të kënë raan rac ëtaiwei rɔt guɔ nyooth, yen aye wën ë riääk ëliŋliŋ.

1 Tim 6:14

Yïn than an, ye jam döt apiɛth, acïn tëthiin col, ku cïn kë bï yï gɔ̈k, aɣet tïc bï Bɛ̈nydan Yecu Kërtho tïc.

2Tim 1:10

ku acï tïc ënɔɔnë në tuöl cï Konydan Kërtho Yecu tuöl, raan cï riɛl ë thuɔɔu tɔ cïn naamde, ago pïïr bɛ̈ɛ̈i tëɣer ayï ciën dhiap bï käŋ dhiap, në guiëër ë wëlpiɛth.

2Tim 4:1

Yïn cök ë than ɛn yïn ë Nhialic nɔm, ku Bɛ̈nydït Yecu Kërtho nɔm, raan bï löŋ de kɔc guiir kɔc pïïr ku kɔc cï thou, kööl bï en tuöl ku tul ciɛɛŋde,

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

Tito 2:13

ku yok aŋäth cï thieei tiit, ku titku tuöl bï dhuëëŋ de Nhialicdandït ku Konydan Yecu Kërtho tuöl,

Ɣeberuu 10:27

Kë cï döŋ bïk tiit ee riɔ̈ɔ̈c bï bɛ̈n ë kööl ë guiëër ë löŋ ku tuöc ë manydïït bï kɔc ee teer ë Nhialic nyop!

1 Jɔn 2:13

Wek gäär, wek wärken ë mïth, luɔi cä wek Raan ŋic Raan ë nu të ɣɔn gɔlë käŋ. Wek gäär, wek dhuök, ë luɔi cä wek raan rɛɛcë tiaam. Acä gäär week, wek mïththiaakäŋ, ë luɔi ŋiɛc wek Wääda.

1 Jɔn 3:12

Ku cuku bï ciët Kain, raan ë bɔ̈ tëde jɔŋdïït rɛɛcë, raan cï mɛnhkënë nɔ̈k. Ku eeŋö ë nɛ̈k en? E luɔi rɛɛcë luɔide, ku piɛth luɔi de mɛnhkënë.

1 Jɔn 5:18

Cöökë aŋicku, an, Raan ëbɛ̈n raan ë dhiëëth Nhialic acïï kërac ee looi, raan ë dhiëëth Nhialic ee rɔt döt, ke cïï jɔŋ rɛɛcë bï jak.

Nyuuth 1:16

Ku aa muk kuɛl kadhorou ë ciin cuënyde: ku bɔ̈ abätäu bei ë yethok, abätäu moth ë thook kaarou: ku cït nyin akɔ̈l të ruel en aläl.

Nyuuth 13:5

Ku acï gäm thok, thoŋ ee kadït lueel, ku ye lɛ̈t rac lueel, ku gɛ̈m riɛl bï tɔ̈u ë pɛ̈i kathiërŋuan ku rou.

Nyuuth 19:15

Ku bɔ̈ abätäu moth bei ë yethok, bï en juöör kip: ku abï ke jɔ cieŋ ë thieny wëëth: go kën ee mïth ke enap dhiim thïn duöm piny, aye mɔ̈u, mɔ̈n ë tuöc de agönhdïït ë Nhialic Awärjäŋ.

Nyuuth 2:16

Yen puk yïn yïpiɔ̈u, be, an, jai, ke yɛn bï dap bɛ̈n tëde yïn, bä bɛ̈n biök wo keek në abätäu de yɛnthok.

Nyuuth 20:10

Ku cuɛtë jɔŋdït rac ee keek math ë baaric baar ë mac ku thulpur, të nu lɛ̈n rac kekë tiët alueeth thïn, ku abï ke leeŋ wëi aköl ku wakɔ̈u aɣet athɛɛr ya.